રીજીયોનલ સાયન્સ સેન્ટર – રાજકોટ (સાયન્સ સિટી – રાજકોટ) ખાતે ગુજરાતના 33 જિલ્લાઓના અંદાજે 300થી વધુ બાળ કલાકારો દ્વારા વિજ્ઞાનના વિવિધ ક્ષેત્રે લોકજાગૃતિ ફેલાવતા રાજ્યકક્ષાના કાર્યક્ર્મ – નેશનલ સાયન્સ ડ્રામા ફેસ્ટીવલ 2023 (NSDF – 2023)નું આયોજન.
રીજીયોનલ સાયન્સ સેન્ટર – રાજકોટને ઇશ્વરીયા પાર્ક પાસે માધાપર ખાતે ગુજરાત સરકારના વિજ્ઞાન અને પ્રોધ્યોગિકી વિભાગ, ગુજરાત સરકારના નેજા હેઠળ કાર્યરત ગુજરાત કાઉન્સીલ ઓન સાયન્સ એન્ડ ટેક્નોલોજી (ગુજકોસ્ટ) દ્વારા વિકસવવામાં આવ્યું છે. રીજીયોનલ સાયન્સ સેન્ટર – રાજકોટનુ લોકાર્પણ તારીખ 19મી ઓક્ટોબર ૨૦૨૨ના રોજ માનનીય વડાપ્રધાનશ્રીના વરદ્દ હસ્તે થયેલ છે. આજ સુધીમાં 1,40,000થી પણ વધુ મુલાકાતીઓ રીજીયોનલ સાયન્સ સેન્ટર – રાજકોટની મુલાકાત લઇ ચુકયાં છે. રીજીયોનલ સાયન્સ સેન્ટર – રાજકોટ સામાન્ય જનતા અને વિદ્યાર્થીઓમાં વૈજ્ઞાનિક વિચારસરણી, જાગરૂકતા અને સંશોધનાત્મક અભિગમ પેદા કરવા માટે સતત કાર્યશીલ છે. રીજીયોનલ સાયન્સ સેન્ટર – રાજકોટ દ્વારા “લોકો દ્વારા, લોકો માટે” નો અભિગમ અપનાવી વખતોવખત વિવિધ કાર્યક્રમોનું આયોજન કરવામાં આવે છે. જેમાં બાળકો, ગૃહિણીઓ, સિનિયર સિટીઝન સહિત તમામ વયજૂથનાં લોકો માટે વિવિધ વર્કશોપ્સ, એક્ટિવિટીઝ અને સેમિનારનું આયોજન કરવામા આવે છે.
- Advertisement -
રીજીયોનલ સાયન્સ સેન્ટર – રાજકોટ ખાતે આગામી 19મી અને 20મી ઓક્ટોબર ૨૦૨૩ના રોજ નેશનલ સાયન્સ ડ્રામા ફેસ્ટીવલ ૨૦૨૩ (NSDF – 2023)નું આયોજન થવા જઈ રહ્યું છે. જેમાં ગુજરાત રાજ્યના 33 જિલ્લાઓમાંથી કુલ મળીને આશરે 300 વિદ્યાર્થીઓ વિજ્ઞાનના જટીલ વિષયોને નાટકના સ્વરૂપમાં રજૂ કરશે.
ભરતભરમાં દર વર્ષે રાષ્ટ્રીય વિજ્ઞાન સંગ્રહાલય પરિષદ – નેશનલ કાઉન્સીલ ઓન સાયન્સ મ્યુઝિયમ (NCSM) દ્વારા નેશનલ સાયન્સ ડ્રામા ફેસ્ટીવલ (NSDF) કાર્યક્ર્મનું આયોજન કરવામાં આવે છે. જેમાં તાલુકા, જિલ્લા, રાજ્ય અને ઝોનલ લેવલ અનુસાર ૪ લેવલમાં કાર્યક્ર્મ યોજવામાં આવે છે, જેમાં શાળાના છ્ટ્ઠાં ધોરણથી દસમાં ધોરણમાં અભ્યાસ કરતાં વિદ્યાર્થીઓ ભાગ લઈ શકે છે. NSDF ૨૦૨૩-૨૪ કાર્યક્રમની મુખ્ય થીમ ‘સાયન્સ એન્ડ ટેક્નોલોજી ફોર ધી બેનિફીટ ઓફ મેનકાઇંડ’ રાખવામા આવેલ છે. આ ઉપરાંત 5 સબ થીમો પણ આપવામાં આવેલ છે, જેમાં 1) શ્રી અન્ન (મિલેટ્સ) – શ્રેષ્ઠ આહાર; 2) ખાધ્ય સુરક્ષા; 3) રોજિંદા જીવનમાં આધુનિક ટેકનોલોજી; 4) આરોગ્ય સેવાઓમાં વર્તમાન પ્રગતિ અને 5) સમાજમાં અંધશ્રદ્ધા છે.
રીજીયોનલ સાયન્સ સેન્ટર – રાજકોટને તારીખ 19 ઓક્ટોબર 2023 ના રોજ સફળતાપૂર્વક એક વર્ષ પૂર્ણ કરવા જાય છે. એક વર્ષ પૂર્ણ થવાની ઉજવણીના ભાગ રૂપે તારીખ 19 અને 20 ઓક્ટોબર 2023ના રોજ વિવિધ કાર્યક્રમો અને સ્પર્ધાનું આયોજન કરવામાં આવેલ છે. જેમાં ખાસ 19મી અને 20મી ઓક્ટોબર 2023ના રોજ નેશનલ સાયન્સ ડ્રામા ફેસ્ટીવલ 2023 (NSDF – 2023)ના રાજ્યકક્ષાના કાર્યક્ર્મનું આયોજન કરવામાં આવેલ છે. આ સ્પર્ધામાં ગુજરાત રાજ્યની જીલ્લા કક્ષાની વિજેતા વિધ્યાર્થી ટીમો પોતાના આગવા અંદાજમાં ઉપર્યુક્ત સબ થીમો પર નાટકો રજૂ કરશે.
- Advertisement -
તદુપરાંત અત્રે ઉલેખનીય છે કે, એક વર્ષ પૂર્ણ થયાની ઉજવણીના ભાગરૂપે વિવિધ કાર્યક્રમોનું પણ આયોજન કરવામાં આવેલ છે જેમાં, વિવિધ વર્કશોપ્સ, જ્ઞાન સાથે ગમ્મતની વિવિધ રસપ્રદ પ્રવૃતિઓ, આકાશ દર્શન, વગેરેનું આયોજન કરવામાં આવેલ છે.
આ તમામ કાર્યક્રમોમાં ભાગ લેવાં ઇચ્છનાર મુલાકાતીઓએ https://bit.ly/RSCReg લિન્ક પર ઓનલાઇન રજીસ્ટ્રેશન કરાવવાનું રહેશે અને ફક્ત સેન્ટરની એન્ટ્રી – પાર્કિંગ ટિકિટ લેવાની રહેશે અને જે-તે દિવસના નિયત દરો લાગુ પડશે. રીજીયોનલ સાયન્સ સેન્ટર – રાજકોટ માટે રાજકોટ મહાનગરપાલિકાની 38 નંબરની સીટી બસ સેવા ઉપલબ્ધ છે. તો આ કાર્યક્રમમાં વધુ ને વધુ લોકોને જોડાવવા સેન્ટરના પ્રોજેક્ટ ડાયરેક્ટર દ્વારા ખાસ અપીલ કરવામાં આવી છે. વધુ વિગત માટે સેન્ટરના ફોન નં : 0281-299 2025 પર સંપર્ક સાધવો.