મનપા અને રોબિન હુડ આર્મી સંસ્થાએ રામાપીર ચોકડીથી રૈયાધાર પાણીના ટાંકા સુધી સફાઈ કરી

સંયુક્ત રીતે સફાઈ કરતા 1.5 ટન કચરાનો નિકાલ કરાયો

રાજકોટ મહાનગરપાલિકા દ્વારા તા.15/10/2023થી તા.16/12/2023 દરમ્યાન સ્વચ્છતા અભિયાનનું આયોજન કરવામાં આવેલ છે જે અંતર્ગત રાજકોટ શહેરને પ્લાસ્ટીક મુકત કરવા તથા લોકોમાં સફાઇ અંગે જાગૃતિ આવે તે માટે તા.01/11/2023ના રોજ રાજકોટ મહાનગરપાલિકાની સોલિડ વેસ્ટ મેનેજમેન્ટ વિભાગ સાથે રોબીન હુડ આર્મી સંસ્થા આ અભિયાનમાં જોડાઈ હતી. સંસ્થાના સહયોગથી સઘન સફાઈ કરવામાં આવી હતી. રામાપીર ચોકડીથી રૈયાધાર પાણીના ટાંકા સુધીના માર્ગ પર સઘન સફાઈ કરી 1.5 ટન કચરાનો નિકાલ કરવામાં આવ્યો હતો. આ અભિયાનમાં મ્યુનિ. કમિશનર આનંદ પટેલ, પર્યાવરણ ઈજનેર નિલેશ પરમાર, નાયબ પર્યાવરણ ઈજનેર દિગ્વિજયસિંહ તુવર, મદદનીશ પર્યાવરણ ઈજનેર રાકેશ શાહ અને રોબીન હુડ આર્મીના 50થી વધુ સભ્યો જોડાયા હતા.