ભારતની સૌથી મોટી એરલાઇન કંપની ઈન્ડિગોએ એક સામટો 500 પ્લેનનો ઉમેરો કરવાની જાહેરાત કરી ઇતિહાસ રચી દીધો છે.
ભારતની સૌથી મોટી બજેટ એરલાઇન કંપની ગણાતી ઈન્ડિગોએ દેશમાં સૌથી મોટો ઓર્ડર આપીને ઇતિહાસ રચી દીધો છે. કંપનીએ સોમવારે જાહેરાત કરી જણાવ્યું કે તેના પ્લેનના કાફલામાં વધુ 500 પ્લેનનો ઉમેરો કરવામાં આવશે. તે અંગે પણ સત્તાવાર નિવેદન આપ્યું હતું કે એરક્રાફ્ટ એરબસ નિઓ પરિવારના હશે. મહત્વનું છે જે અત્યાર સુધીનો સૌથી મોટો ઓર્ડર એર ઇન્ડિયાના નામે છે. જેમણે ભારતીય ઇતિહાસમાં સૌથી મોટો ઓર્ડર આપ્યો હતો. જેમણે 2023 માં 470 એરક્રાફ્ટનો ઓર્ડર આપ્યો હતો.
- Advertisement -
2030 થી 2035 સુધી.આ એરકરાફટની સપ્લાઇ કરી દેવામાં આવશે
ભારતીય એરલાઇન કંપની ઈન્ડિગો એ પેરિસમાં ચાલી રહેલા એર શો દરમિયાન આ પ્રકારની જાહેરાત કરી હતી. કંપની દ્વારા સત્તાવાર નિવેદન આપી જણાવવામાં આવ્યું હતું કે નિયો ફેમિલી એન્જિન વાળા એરક્રાફ્ટનો ઓર્ડર આપીને તેને જલ્દી વિશાળ કાફલામાં ઉમેરવામાં આવશે. 2030 થી 2035 સુધી.આ એરકરાફટની સપ્લાઇ કરી દેવામાં આવશે.
60 ટકા ફ્લાઈટ્સ ઈન્ડિગો દ્વારા ઓપરેટ કરવામાં આવે છે
- Advertisement -
વિમાનના એન્જિનન A320 અને A321 શ્રેણીના એન્જિનનો મિક્સ ઓર્ડર હશે. જોકે વિમાનના એન્જિનન અંગે હજુ સતાવાર મહોર લગાવવામાં આવી નથી. કંપનીની બોર્ડ મીટિંગમાં આ ઓર્ડર ફાઇનલ કરાશે. ઈન્ડિગોના સીઈઓ પીટર એલ્બરે કહ્યું કે ઓર્ડર પર લગભગ $55 બિલિયન (લગભગ 4.50 લાખ કરોડ રૂપિયા) ખર્ચ થશે. આગામી સમયમાં હજુ પણ નવા વિમાન જોડાશે તેવું કંપનીનું કહેવું છે. આપને જણાવી દઈએ કે હાલમાં ભારતમાં કુલ ફ્લાઈટ્સમાંથી 60 ટકા ફ્લાઈટ્સ ઈન્ડિગો દ્વારા ઓપરેટ કરવામાં આવે છે. મહત્વનું છે કે, ઈન્ડિગો પાસે હાલમાં 300 એરક્રાફ્ટ છે.
