ભારત ડીઝીટલ ક્ષેત્રે છલાંગ લગાવી રહ્યું છે.અને આવતા સાત વર્ષમાં 2030 સુધીમાં ડીજીટલ અર્થ વ્યવસ્થા છ ગણી વધીન એક ટ્રીલીયન ડોલર અર્થાત એક લાખ કરોડ પર પહોંચવાનો રીપોર્ટ જારી થયો છે. ઈ-કોમર્સ ક્ષેત્રે તેમાં મોખરે રહેશે. ગુગલ, ટેક્ષાસેક તથા બ્રેન એન્ડ કંપની દ્વારા તૈયાર કરાયેલા સંયુકત રીપોર્ટ પ્રમાણે ટાયર-ટુ શહેરોમાં ઈન્ટરનેટ કનેકટીવીટીમાં ખુબ ઝડપથી વધારો થશે.
કન્ઝયુમર તથા બિઝનેસ ક્ષેત્રનાં સતત વિકાસથી 2030 સુધીમાં ડીજીટલ ઈકોનોમીને 1 લાખ કરોડ ડોલર પર પહોંચાડવાનું શકય બનશે. ભારત ડીજીટલ દાયકામા હોવાનો દાવો કરતા રીપોર્ટમાં એમ કહેવાયું છે કે ઈન્ટરનેટ અર્થતંત્ર જીડીપીના 12 થી 13 ટકા સુધી પહોંચશે જે હાલ 4 થી 5 ટકા છે.ભારતમાં ઓનલાઈન ગતિવિધીઓમાં સતત વધારો થઈ જ ગયો છે. ટાયર-2 શહેરમાં અસામાન્ય વૃધ્ધિથી ભારત દુનિયાની મોખરાની અર્થ વ્યવસ્થાની હરોળમાં આવી રહ્યું છે.
- Advertisement -
ટેમાસેકનાં મેનેજીંગ ડાયરેકટર વિશેષ શ્રીવાસ્તવે કહ્યું કે વર્તમાન સમયમાં ભારત વિશ્ર્વના જીડીપી માટે ગ્રોથ એન્જીન છે અને સમગ્ર દુનિયાને ભારત પર આશા છે. રીપોર્ટમાં કહેવાયા પ્રમાણે ભારતની ડીજીટલ ઈકોનોમી 2022 માં 155 થી 175 અબજ ડોલરની થતા આવતા દિવસોમાં ઈ-કોમર્સની સાથે બીટુબી, બીટુસી અને સોફટવેર પ્રોવાઈડરની સાથોસાથ મીડીયા ક્ષેત્રમાં વૃધ્ધિ જોવા મળી શકે છે. બીટુસી ઈ-કોમર્સ માર્કેટ 2030 સુધીમાં 5 થી 6 ગણુ વધીને 310 થી 380 ડોલર થઈ શકે છે.
જે હાલ 60 થી 65 અબજ ડોલર થઈ શકે છે. જે હાલ 60 થી 65 અબજ ડોલરનું છે. બીટુબી ઈ કોમર્સ માર્કેટ 13-14 ગણુ વધીને 105 થી 120 અબજ ડોલરનું થઈ શકે છે જે હાલ 8 થી 9 અબજ ડોલરનું છે. ગુગલ ઈન્ડીયાનાં વાઈસ પ્રેસીડેન્ટ સંજય ગુપ્તાએ કહ્યું કે સ્ટાર્ટઅપ થકી ભારતનાં ડીજીટલ ક્ષેત્રને ગતિ મળી છે. કોરોનાકાળ બાદ ડીજીટલ ટેકનોલોજીનાં ઉપયોગનાં લાભ સમજમાં આવ્યા છે.આધારકાર્ડ, યુપીઆઈ તથા ડીજીટલ લોકર જેવી સર્વીસ ડીજીટલ ઈકોનોમીને અનલોક કરવામાં મદદરૂપ છે.