2023માં ગુગલ સર્ચમાં છવાઈ ‘બાર્બી’ અને ‘જવાન’ ફિલ્મ: કિયારા અડવાણી મોસ્ટ સર્ચેબલ એકટ્રેસ બની

-હોલિવુડની ઓસ્કાર એવોર્ડ વિજેતા ફિલ્મોની સાથે બોલીવૂડે પણ ગુગલ સર્ચમાં મેદાન માર્યું

-ભારતમાં ટીવી શો ‘ફર્ઝી’ સૌથી વધુ સર્ચ: બીજા ક્રમે ‘વેનસ ડે’

ગુગલ 52 વર્ષ 2023માં સર્ચના મામલે ભારતીય ફિલ્મ ‘જવાન’ અને ભારતીય એકટ્રેસ કિયારા અડવાણી છવાઈ ગયા છે. ગુગલ પર સૌથી વધુ સર્ચના મામલે હોલીવુડની ફિલ્મ ‘બાર્બી’ અવ્વલ રહી છે જયારે બીજા ક્રમે ક્રિસ્ટાફેર નોલનની ફિલ્મ ‘ઓપન હાઈમર’ રહી છે અને ત્રીજા ક્રમે ભારતીય બ્લોક બસ્ટર શાહરુખખાન સ્ટારર ફિલ્મ ‘જવાન’ રહી છે. આમ ગ્લોબલી સુપર હિટ બોલીવુડની ફિલ્મ ‘જવાને’ ગુગલ સર્ચમાં હોલીવુડની ફિલ્મોને પણ ટકકર મારી છે.

ગુગલમાં સૌથી વધુ સર્ચ થયેલી ભારતીય સેલિબ્રિટીઓમાં બોલીવુડની એકટ્રેસ કિયારા અડવાણીએ પ્રથમ સ્થાન મેળવ્યું છે, જયારે આ મામલે બીજા ક્રમે ક્રિકેટર શુભમન ગીલનો સમાવેશ થાય છે. આ ગ્લોબલ લિસ્ટમાં ફિલ્મોમાં ભારતની ‘જવાન’ ત્રીજા ક્રમે ઉપરાંત અન્ય બે બોલીવુડની ફિલ્મો ‘ગદર-2’ 8માં નંબરે અને ‘પઠાન’ 10માં ક્રમે છે. રસપ્રદ વાત એ છે કે ભારતીય સેલિબ્રિટીઓની યાદીમાં પ્રથમ ક્રમે કિયારા અડવાણીની સાથે સાથે તેનો પતિ અને એકટર સિદ્ધાર્થ મલ્હોત્રા 6ઠ્ઠા ક્રમે છે.

ટોપ ટેન ફિલ્મો ગ્લોબલી: ગુગલની આ સૌથી વધુ સર્ચ થયેલા ટોપ-ટેનમાં જોઈએ તો ફિલ્મોમાં 1. બાર્લી, 2. ઓપન હાઈમર, 3. જવાન, 4. સાઉન્ડ ઓફ ફ્રીડમ, 5. જોનવીક ચેપ્ટર-4, 6. અવતાર: ધી વે ઓફ વોટર, 7. એવરીથીંગ એવરીવેર ઓલ એટ વન્સ, 8. ગદર-2, 9. ગ્રીડ-3, 10. પઠાનનો સમાવેશ થાય છે.

ટોપ ટેન ભારતીય ફિલ્મો: ગુગલમાં સૌથી વધુ સર્ચ થયેલી ટોપ ટેન ભારતીય ફિલ્મોમાં 1. જવાન, ગદર-2, 3. ઓપન હાઈમર, 4. આદિપુરુષ, 5. પઠાન, 6. ધી કેરાલા સ્ટોરી, 7. જેલર, 8. લીઓ, 9. ટાઈગર-3, 10. વારીસુનો સમાવેશ થાય છે.

ટોપ ટેન શો ભારતમાં: ગુગલમાં સૌથી વધુ સર્ચ થયેલા ભારતીય ટોપ ટેન શોમાં 1. ફર્જી, 2. વેનસ ડે, 3. અસુર, 4. રાણા નાયડુ, 5. ધી લાસ્ટ ઓફ અસ, 6. સ્કેમ 2003, 7. બિગ બોસ 17, 8. ગન્સ એન્ડ ગુલાબ્સ, 9. સેકસ/લાઈફ, 10. તાજા ખબરનો સમાવેશ થાય છે.

ટોપટેન ભારતમાં સેલિબ્રિટી: ગુગલ સર્ચમાં ટોપટેનમાં ભારતમાં હસ્તીઓમાં 1. કિયારા અડવાણી, 2. શુભમન ગીલ, 3. રવિન્દ્ર રચિન, 4. મોહમ્મદ શામી, 5. એલિવસ યાદવ, 6. સિદ્ધાર્થ મલ્હોત્રા, 7. ગ્લેન મેકસવેલ, 8. ડેવિડ બેકમ, 9. સૂર્યકુમાર યાદવ, 10. ટ્રેવિસ હેડનો સમાવેશ થાય છે.

દિવંગત થયેલી ટોપટેન હસ્તીઓ: ગુગલ સર્ચમાં દિવંગત થયેલી ટોપટેન સેલિબ્રિટીઓમાં 1. મેથ્યુ પેરી, 2. ટીના ટર્નર, 3. સાઈનીડ ઓ કોનોટ, 4. કેન બ્લોક, 5. જેરી સ્પ્રીંગર, 6. આંગુસ કલાઉડ નિકોલ બુલ્લે, 8. જેન બિરકીન, 9. જીમી બફેટ, 10. લાન્સ રેડ્ડીકનો સમાવેશ થાય છે.