બીચ ગેમ્સ રમતગમતની પરિવર્તનશીલ શક્તિનું પ્રદર્શન કરે છે, એક નવો અધ્યાય ઉમેરે છે: PM મોદી

દીવમાં બ્લુ સર્ટિફાઇડ ઘોઘલા બીચ પર પ્રથમ ખેલો ઇન્ડિયા બીચ ગેમ્સ 2025નું ભવ્ય ઉદ્ઘાટન થયું

દીવમાં KIBG રમતગમતના તમામ સ્વરૂપોમાં શ્રેષ્ઠતા પ્રાપ્ત કરવાના ભારતના પ્રયાસને પ્રતિબિંબિત કરે છે: ડૉ.મનસુખ માંડવિયા

ખાસ-ખબર ન્યૂઝ ગિર-સોમનાથ

ભારતના પ્રથમ ખેલો ઇન્ડિયા બીચ ગેમ્સ, 2025નું ઉદ્ઘાટન ગઈ કાલે તા. 19 ને સોમવારે કેન્દ્રશાસિત પ્રદેશ દાદરા અને નગર હવેલી અને દમણ અને દીવના દીવ જિલ્લામાં બ્લુ સર્ટિફાઇડ ઘોઘલા બીચ પર ખૂબ જ ધામધૂમથી કરવામાં આવ્યું હતું. આ પ્રસંગે, યુવા બાબતો અને રમતગમત અને શ્રમ અને રોજગાર મંત્રી મનસુખ માંડવિયા, લેફ્ટનન્ટ ગવર્નર, પુડુચેરી કે. કૈલાશનાથન, એડમિરલ, આંદામાન અને નિકોબાર, ડી.કે. જોશી, દાદરા અને નગર હવેલી અને દમણ અને દીવના લક્ષદ્વીપના પ્રશાસક શપ્રફુલ્લ પટેલ અને અન્ય પ્રતિષ્ઠિત મહેમાનો હાજર રહ્યા હતા.

કાર્યક્રમની શરૂઆતમાં પ્રખ્યાત ગુજરાતી ગાયિકા ગીતા રબારીએ પોતાના સુમધુર ગીતો દ્વારા શ્રોતાઓનું મનોરંજન કર્યું. ત્યારબાદ, પ્રખ્યાત ખેલાડીઓ અને રમત નાયકોનું સન્માન કરવામાં આવ્યું. ત્યારબાદ બધા મહેમાનોએ ઋઘઙ ની મુલાકાત લીધી જ્યાં યુવા ખેલાડીઓએ તેમને વિવિધ બીચ રમતો વિશે માહિતી આપી હતી.ત્યારબાદ, પ્રખ્યાત ખેલાડીઓ દ્વારા સ્ટેજ પર બધા મહેમાનોનું સ્વાગત અને સન્માન કરવામાં આવ્યું હતું. કેન્દ્રશાસિત પ્રદેશ દાદરા અને નગર હવેલી અને દમણ અને દીવના યુવા બાબતો અને રમતગમત સચિવ ટી. અરુણએ સ્વાગત પ્રવચન આપતાં ઉપસ્થિત પ્રતિષ્ઠિત મહેમાનોનું સ્વાગત કર્યું અને તેમને કેન્દ્રશાસિત પ્રદેશમાં રમતગમતના માળખાગત વિકાસ અને ખેલો ઇન્ડિયા બીચ ગેમ્સ, 2025ના આયોજન વિશે માહિતી આપી હતી.

પુડુચેરીના લેફ્ટનન્ટ ગવર્નર કે. કૈલાશનાથને પોતાના સંબોધનમાં કહ્યું કે ભલે તેમનું જન્મસ્થળ કેરળ છે, પરંતુ તેમની કર્મભૂમિ લાંબા સમયથી ગુજરાત છે. ગુજરાતી, કેરળ અને અંગ્રેજીમાં પોતાનું ભાષણ આપતાં તેમણે કહ્યું કે ખેલો ઇન્ડિયા બીચ ગેમ્સ, 2025 એ પાયાના સ્તરે રમતગમતને મજબૂત બનાવવાનું એક અસરકારક માધ્યમ છે અને પ્રધાનમંત્રીના નેતૃત્વમાં, હવે સ્પષ્ટપણે દેખાય છે કે ભારતના દરિયાકિનારા માત્ર પર્યટનના કેન્દ્રો જ નહીં પરંતુ બીચ સ્પોર્ટ્સના પણ મજબૂત કેન્દ્રો છે. તેમણે ખેલો ઇન્ડિયા બીચ ગેમ્સ, 2025માં આમંત્રણ આપવા બદલ પ્રશાસક પ્રફુલ્લ પટેલનો આભાર માન્યો હતો. તેમના પછી, આંદામાન અને નિકોબારના માનનીય લેફ્ટનન્ટ ગવર્નર એડમિરલ ડી.કે. જોશીએ પોતાનું વક્તવ્ય રજૂ કરતા જણાવ્યું હતું કે રમતગમત દ્વારા યુવાનોમાં શિસ્ત અને ઉર્જા આવે છે અને દેશનું ભવિષ્ય ઉજ્જવળ બને છે. તેમણે માનનીય પ્રશાસક શ્રી પ્રફુલ્લ પટેલને છેલ્લા કેટલાક વર્ષોમાં દીવમાં શહેરી વિકાસ અને પર્યટનમાં ઝડપી વૃદ્ધિ બદલ અભિનંદન પાઠવ્યા. તેમણે બધા ખેલાડીઓને શુભકામનાઓ પણ પાઠવી. ત્યારબાદ, શ્રમ અને રોજગાર અને યુવા બાબતો અને રમતગમત મંત્રી મનસુખ માંડવિયાએ સૌ પ્રથમ પ્રશાસક પ્રફુલ્લ પટેલને ખેલો ઇન્ડિયા બીચ ગેમ્સ, 2025ના ઉદઘાટન સમારોહ અને રમતોના અદ્ભુત આયોજન માટે અભિનંદન અને શુભેચ્છા પાઠવી હતી. તેમણે દીવના ચમકતા કિલ્લા અને સુંદર દરિયાકિનારાની પ્રશંસા કરી અને દીવને અત્યંત સુંદર ગણાવ્યું હતું.

મંત્રીએ કહ્યું કે પ્રધાનમંત્રી નરેન્દ્ર મોદી યુવાનોના સપનાઓને સાકાર કરવા માટે ઘણા પ્રયાસો કરે છે અને ખેલો ઇન્ડિયા બીચ ગેમ્સ, 2025 તેનો એક અભિન્ન ભાગ છે. ખેલો ઇન્ડિયા બીચ ગેમ્સ, 2025 માટે આવેલા ખેલાડીઓને શુભેચ્છા પાઠવતા તેમણે કહ્યું કે રમતગમત યુવાનોને સશક્ત બનાવે છે અને સશક્ત યુવાનો દેશને સશક્ત બનાવે છે અને ફક્ત એક મજબૂત દેશ જ વિકસિત અને આત્મનિર્ભર બની શકે છે. ત્યારબાદ, દાદરા અને નગર હવેલી અને દમણ અને દીવના પ્રશાસકના સલાહકાર અમિત સિંગલાએ પ્રધાનમંત્રીએ ખેલો ઇન્ડિયા બીચ ગેમ્સ, 2025 ની પ્રશંસા કરતો સંદેશ વાંચ્યો અને કહ્યું કે દીવ બીચ ગેમ્સ માટે એક આકર્ષક સ્થળ તરીકે ઉભરી રહ્યું છે. ત્યારબાદ, શ્રમ અને રોજગાર અને યુવા બાબતો અને રમતગમત મંત્રી મનસુખ માંડવિયાએ રમતગમત પ્રત્યે ગૌરવ અને સમર્પણના પ્રતીક, મશાલનું સ્થાપન કર્યું અને ખેલો ઇન્ડિયા બીચ ગેમ્સ, 2025નું ઔપચારિક ઉદ્ઘાટન કર્યું. મશાલના સ્થાપન પછી યોજાયેલી ભવ્ય અને સુંદર આતશબાજીએ બધા દર્શકોને મંત્રમુગ્ધ કરી દીધા હતા.

દાદરા અને નગર હવેલી, દમણ અને દીવ અને લક્ષદ્વીપના પ્રશાસક પ્રફુલ્લ પટેલે પોતાનું સંબોધન રજૂ કરતાં સૌ પ્રથમ પ્રધાનમંત્રી નરેન્દ્ર મોદીનો હૃદયપૂર્વક આભાર માન્યો અને કહ્યું કે પ્રધાનમંત્રીને કેન્દ્રશાસિત પ્રદેશ દીવ પ્રત્યે ખાસ પ્રેમ છે, જેના કારણે તેઓ ઓછી વસ્તી ધરાવતા દીવને બીચ ગેમ્સ માટે કાયમી સ્થળ બનાવવા માંગે છે. દીવ રાજ્યની એકંદર સ્થિતિની ચર્ચા કરતી વખતે, માનનીય પ્રશાસકે જણાવ્યું હતું કે દીવમાં કરોડોના પ્રોજેક્ટ્સ પર કામ ઝડપથી ચાલી રહ્યું છે અને આગામી સમયમાં, કેન્દ્રશાસિત પ્રદેશ દીવ ખૂબ જ આકર્ષક રાજ્ય તરીકે ઉભરી આવશે. તેમણે બધા ખેલાડીઓ અને નાગરિકોનું સ્વાગત કર્યું, જેમાં બધા પ્રતિષ્ઠિત મહેમાનોનો પણ સમાવેશ થાય છે અને બધાને શુભકામનાઓ પાઠવી હતી.

30થી વધુ રાજ્યો અને કેન્દ્રશાસિત પ્રદેશોના ખેલાડીઓએ ભાગ લીધો

ખેલો ઇન્ડિયા બીચ ગેમ્સમાં 30થી વધુ રાજ્યો અને કેન્દ્રશાસિત પ્રદેશોના 1,350થી વધુ ખેલાડીઓએ ભાગ લીધો છે. 24 મેના રોજ રમતો સમાપ્ત થવાની છે. ખેલાડીઓ છ મેડલ રમતોમાં ભાગ લેશે. જેમાં ફૂટબોલ, વોલીબોલ, સેપક ટકરા, કબડ્ડી, પેનકસિલાટ અને ખુલ્લા પાણીમાં સ્વિમિંગ. મલ્લખંભ અને ખેંચતાણ એવી બે બિન-મેડલ (પ્રદર્શન) રમતોનો સમાવેશ થાય છે. સોમવારની સવારની શરૂઆત બીચ સોકરરમતોથીથઈહતી.