મનપાની ફૂડ શાખાનો સપાટો: 39 સ્થળે દરોડા

16 ધંધાર્થીઓને લાઈસન્સ બાબતે સૂચના, 25 નમૂનાની સ્થળ પર ચકાસણી
ખાસ-ખબર ન્યૂઝ  રાજકોટ

રાજકોટ મહાનગરપાલિકા દ્વારા સર્વેલન્સ ચેકીંગ દરમિયાન 4-નીલકમલ પાર્ક, સનસીટીની સામે, સાધુ વાસવાણી રોડ પર આવેલ સ્વામી’સ રેસ્ટોરન્ટ એન્ડ કેટરર્સ પેઢીની તપાસ કરતાં સ્થળ પર સંગ્રહ કરેલ 8 કિ.ગ્રા. દહીં તથા 4 કિ.ગ્રા. નૂડલ્સ, ચટણી વિગેરે પ્રિપેર્ડ ફૂડ મળીને કુલ 12 કિ.ગ્રા. વાસી અખાદ્ય જથ્થો મળી આવતાં સ્થળ પર નાશ કરવામાં આવેલ તેમજ પેઢીને હાઈજેનિક કંડીશન જાળવવા તથા યોગ્ય સ્ટોરેજ કરવા બાબતે નોટીસ આપવામાં આવેલ તેમજ સ્થળ પરથી ફૂડ સેફ્ટી સ્ટાન્ડર્ડ એક્ટ 2006 હેઠળ મૈસુર ઢોસાનો મસાલો (પ્રિપેર્ડ લુઝ)નો નમૂનો લેવામાં આવેલ.

સર્વેલન્સ ચેકીંગ દરમિયાન મહાજનવાડી બિલ્ડિંગ, યુનિવર્સિટી રોડ પર આવેલ અંશ દોશી ફાસ્ટફૂડ પેઢીની તપાસ કરતાં સ્થળ પર સંગ્રહ કરેલ વાસી બ્રેડ તથા એક્સપાયરી થયેલ સોસ વગેરે મળીને કુલ 5 કિ.ગ્રા. વાસી અખાદ્ય જથ્થો મળી આવતા સ્થળ પર નાશ કરવામાં આવેલ તેમજ પેઢીને હાઈજેનિક કંડીશન જાળવવા તથા યોગ્ય સ્ટોરેજ કરવા બાબતે નોટીસ આપવામાં આવેલ. સર્વેલન્સ ચેકીંગ દરમિયાન વેસ્ટ ગેટ, ફર્સ્ટ ફ્લોર, રૈયા ચોક પર આવેલ બાલાજી થાળ પેઢીની તપાસ કરતાં હાઈજેનિક કંડીશન જાળવવા તથા લાઈસન્સ બાબતે નોટીસ આપવામાં આવેલ.

ફૂડ વિભાગની ટીમ તથા એફએસડબલ્યુ વાન સાથે શહેરના પેડક રોડથી પુનિતનગર વાવડી, 80 ફૂટ રોડ વિસ્તારમાં આવેલ ખાદ્ય ચીજોનું વેચાણ કરતા કુલ 39 ધંધાર્થીઓની ચકાસણી હાથ ધરવામાં આવેલ જેમાં 16 ધંધાર્થીઓને લાઈસન્સ બાબતે સૂચના આપવામાં આવેલ તેમજ ખાદ્યચીજોના કુલ 25 નમૂનાની સ્થળ પર ચકાસણી કરેલ. સ્વાદિષ્ટ દાળ પકવાન, રામ ડેરી ફાર્મ, વિસોતમા સોડા શોપ, બજરંગ કોલ્ડ્રિંક્સ, રાધેક્રિષ્ના ચાઈનીઝ પંજાબી, જે ભગવાન ભૂંગળા બટેટા, જય માતાજી છોલે ભટૂરે, શ્રીજી એજન્સી, રૂપલ ફરસાણ, શ્રી દેવ પાણીપુરી, ભાગ્યલક્ષ્મી ફરસાણ, શ્રી રાધે પાઉંભાજી એન્ડ ફાસ્ટફૂડ, બાલાજી ફૂડ, નિમ્બુ સોડા શોપ, મધુરમ પ્રોવિઝન સ્ટોર, મહાકાળી પાણીપુરીને લાઈસન્સ મેળવવા બાબતે સૂચના આપવામાં આવેલ. જ્યારે જય સિયારામ ઘૂઘરા, પટેલ વિજય ડેરી ફાર્મ, ન્યુ ભારત સ્વીટ માર્ટ, શ્રીનાથજી ફરસાણ, જલારામ સ્વીટ્સ, જય ભેરુનાથ નમકીન, મારાજ ગાંઠીયાવાળા, લકઝરી કોલ્ડ્રિંક્સ, ડાયમંડ શીગ, વિજય સ્વીટ માર્ટ, મયુર ભજીયા, રાધેશ્યામ ડેરી ફાર્મ, શિવશક્તિ ઈન્દૌરી પૌવા, સતસાહેબજી દાળ પકવાન, ચિલ્ડ હાઉસ, દેવમ ખમણ, બ્રહ્માણી ડેરી ફાર્મ, દ્વારકેશ ડેરી ફાર્મ, શિવ મેડિકેર, મહાવીર કોલ્ડ્રિંક્સ, આશાપુરા ફરસાણ, શિવશક્તિ સુપર સ્ટોર, પટેલ પ્રોવિઝન સ્ટોર, ધ સોડા પફની ચકાસણી કરવામાં આવેલ.