સરકારે HLA સાથે ₹13500 કરોડની ડીલ પર હસ્તાક્ષર કર્યા
ખાસ-ખબર ન્યૂઝ નવી દિલ્હી, તા.13
- Advertisement -
રક્ષા મંત્રીએ 12 સુખોઈ ફાઈટર જેટ (Su-30MKI) ખરીદવા માટે હિન્દુસ્તાન એરોનોટિક્સ લિમિટેડ (HAL) સાથે 13500 કરોડની ડીલ પર હસ્તાક્ષર કર્યા છે. આ ફાઈટર જેટ બનાવવામાં 62.6 ટકા પાર્ટ્સ ભારતીય હશે. જેને ઇંઅકના નાસિક ડિવિઝનમાં બનાવવામાં આવશે.
રક્ષા મંત્રાલયે જણાવ્યું હતું કે, ’સરકારની આત્મનિર્ભર ભારત પહેલને પ્રોત્સાહન આપવા માટે, રક્ષા મંત્રાલય અને હિન્દુસ્તાન એરોનોટિક્સ લિમિટેડ વચ્ચે12 Su-30MKI જેટ અને તેની સાથે સંકળાયેલા ઉપકરણોની ખરીદી માટે એક ડીલ પર હસ્તાક્ષર કરવામાં આવ્યા છે.’ Su-30MKI એ રશિયન એરક્રાફ્ટ ઉત્પાદક સુખોઈ દ્વારા બનાવવામાં આવેલા ટુ સીટર મલ્ટી રોલ લોન્ગ ડિસ્ટેન્સ ફાઇટર જેટ્સ છે. આ હવે ભારતીય વાયુસેના માટે ઇંઅક દ્વારા લાઇસન્સ હેઠળ બનાવવામાં આવે છે. 2 સપ્ટેમ્બરના રોજ, સુરક્ષા અંગેની કેબિનેટ કમિટી (CCS) એ હિન્દુસ્તાન એરોનોટિક્સ લિમિટેડ (HAL) પાસેથીસુખોઈ-30MKI એરક્રાફ્ટ માટે એન્જિન ખરીદવાની મંજૂરી આપી હતી. આ કરાર હેઠળ MKI ભારતીય વાયુસેનાને 26 હજાર કરોડ રૂપિયાથી વધુના ખર્ચે 240 એરો-એન્જિન પ્રદાન કરશે.
રક્ષા મંત્રાલયે કહ્યું હતું કે એરો-એન્જિનની પ્રથમ ડિલિવરી એક વર્ષ પછી શરૂ થશે અને તમામ ડિલિવરી આઠ વર્ષમાં પૂર્ણ થશે. આ એન્જિનમાં 54% થી વધુ પાર્ટ્સ મેડ-ઇન-ઇન્ડિયા હશે. તે ઇંઅકના કોરાપુટ (ઓડિશા) વિભાગમાં બનાવવામાં આવશે. ભારતીય વાયુસેના નવા એન્જિનનો ઉપયોગ કરીને તેના ફાઈટર પ્લેનને અપગ્રેડ કરશે. આ સાથે સુખોઈ 30 (DRDO) એરક્રાફ્ટને આગામી 30 વર્ષની જરૂરિયાતો અનુસાર અપગ્રેડ કરવામાં આવશે. આ સમગ્ર અપગ્રેડેશન પર 63 હજાર કરોડ રૂપિયાનો ખર્ચ થશે. પ્રથમ તબક્કામાં 84 સુખોઈ એરક્રાફ્ટને અપગ્રેડ કરવામાં આવશે. આ ફાઈટર પ્લેનની ફાયરપાવરને સચોટ બનાવવા માટે અઈં અને ડેટા સાયન્સનો પણ ઉપયોગ કરવામાં આવશે.
હળવા કોમ્બેટ એરક્રાફ્ટ એલસીએ માર્ક 2 (તેજસ એમકે 2)ના એન્જિન અને સ્વદેશી એડવાન્સ્ડ મીડિયમ કોમ્બેટ એરક્રાફ્ટ (એએમસીએ)ના પ્રથમ બે સ્ક્વોડ્રન હવે દેશમાં બનાવવામાં આવશે. ભારતમાં રક્ષા ક્ષેત્રને મજબૂત કરવા માટે આ નિર્ણય ખૂબ જ મહત્વપૂર્ણ માનવામાં આવે છે. રક્ષા સંશોધન અને વિકાસ સંગઠન (DRDO)ના વડા ડો. સમીર વી કામતે 18 નવેમ્બર 2023ના રોજ જણાવ્યું હતું કે અમેરિકન કંપની GE એરોસ્પેસ અને હિન્દુસ્તાન એરોનોટિક્સ લિમિટેડ (HAL)સંયુક્ત રીતે આ એન્જિન બનાવશે. તેની તમામ મંજુરી અમેરિકા પાસેથી મળી ગઈ છે.
