તાઈવાન લેવા શી જિનપિંગ અધીરા: નેટિઝન્સે કહ્યું સાવધાન

ચીનમાં નેતા વિરૂદ્ધ બોલી શકાતું નથી છતાં, આ વખતે નેટિઝન્સે ચેતવણી આપી દીધી

ખાસ-ખબર સંવાદદાતા
ચીનના પ્રમુખ ટાપુ રાષ્ટ્ર તાઈવાન ઉપર તૂટી પડી ગીધ જેમ સોન-ચકલીને પીંખે તેમ તેને પીંખવા અને ગળી જવા આતુર બન્યા છે. તેવે સમયે ચીનના નેટીઝન્સે તેઓને સાવચેતી રાખવા ચેતવણી આપી છે. સામાન્યત: ચીનમાં નેતા વિરૂૂદ્ધ ઊંચો અવાજ ઊઠાવી શકાતો નથી. પરંતુ, આ વખતે ચીનના બુદ્ધિજીવીઓએ જાનના જોખમે માતૃભૂમિને મહાવિનાશમાંથી બચાવવા, શી-જિનપિંગને ચેતવ્યા છે.

ગત વર્ષે શી જિનપિંગે પશ્ર્ચિમને ખાસ કરીને અમેરિકાને તાઈવાન પ્રશ્ર્ને દખલ નહીં કરવાની ચેતવણી આપતાં કહ્યું હતું કે આગ સાથે રમશો નહીં, જેઓ આગ સાથે રમે છે તેઓ દાઝે જ છે. સાથે તેઓએ જો બાયડનને સીધી જ ચેતવણી આપતાં કહ્યું હતું કે ચીનને પરાજિત કરી નહીં શકાય.