દિલ્હીમાં પથ્થરથી માથુ ફાડી સગીરાની છડેચોક હત્યા : લોકો તમાશો બની જોતા રહ્યા
નવી દિલ્હીમાં સગીરની હત્યાના સનસનાટીભર્યા ઈઈઝટ ફૂટેજ સામે આવ્યા છે. રાજધાનીના શાહબાદ ડેરી વિસ્તારમાં સાહિલ નામના યુવકે 16 વર્ષની સાક્ષીની છરી અને પથ્થરો વડે હત્યા કરી હતી. સીસીટીવી ફૂટેજમાં જોવા મળ્યું હતું કે યપવક રસ્તામાં સાક્ષીને રોકે છે અને તેના પર ચાકુ વડે હુમલો કરે છે. બાળકી પર હુમલાનો વીડિયો એટલો ભયાનક છે કે અમે તેને બતાવી શકતા નથી.
- Advertisement -
આ મામલો દિલ્હીના ઉત્તરી જિલ્લાના શાહબાદ ડેરી પોલીસ સ્ટેશન વિસ્તારનો છે. એક બાતમીદારે પોલીસ સ્ટાફને બાળકી પરના હુમલાની જાણ કરી અને તાત્કાલિક ઘટનાસ્થળે આવવા કહ્યું. પોલીસની ટીમે ઘટના સ્થળે પહોંચીને મામલાની તપાસ હાથ ધરી હતી. જાણવા મળ્યું કે સગીર છોકરી શેરીમાંથી પસાર થઈ રહી હતી અને અચાનક એક છોકરાએ તેને રોકી અને તેના પર છરી વડે હુમલો કર્યો. તેનાથી પણ તેને સંતોષ ન થયો તો આરોપીઓએ તેના પર પથ્થર વડે હુમલો કર્યો. પોલીસ તપાસમાં મૃતકની ઓળખ 16 વર્ષની સાક્ષી અને આરોપી સાહિલ તરીકે થઈ હતી. સગીર યુવતી ઈ-36 જેજે કોલોનીમાં રહેતા જનકરાજની પુત્રી હતી. પોલીસે જણાવ્યું કે સાહિલ અને સાક્ષી રિલેશનશિપમાં હતા. પરંતુ રવિવારે તેમની વચ્ચે ઝઘડો થયો હતો.
આ પછી, જ્યારે સાક્ષી તેની મિત્ર નીતુના પુત્રના જન્મદિવસમાં હાજરી આપવા માટે બહાર ગઈ ત્યારે સાહિલે તેને ગલીમાં રોકી હતી. બંને વચ્ચે કોઈ બાબતે બોલાચાલી થઈ હતી અને ત્યારબાદ હત્યાના ઈરાદે આવેલા સાહિલે સાક્ષી પર છરી વડે હુમલો કર્યો હતો. આરોપીએ સાક્ષી પર હિંસક હુમલો કરવાનું શરૂ કર્યું અને જ્યારે તે આટલાથી પણ સંતુષ્ટ ન થયો, ત્યારે તેણે લગભગ મૃત સગીરાને તેને પથ્થરથી કચડી નાંખી હતી.
