શિવરાજપુર બીચ પ્રવાસીઓ માટે આકર્ષણનું કેન્દ્ર: 2 વર્ષમાં 13.5 લાખ પ્રવાસીઓએ મુલાકાત લીધી

શિવરાજપુરનો દરિયાકાંઠો ગુજરાતની પ્રાકૃતિક સુંદરતાનો પરિચય કરાવે છે

ખાસ-ખબર ન્યૂઝ શિવરાજપુર

અદ્ભુત સૌંદર્ય ધરાવતો અને બ્લૂ ફ્લેગ બીચનું આંતરરાષ્ટ્રીય સર્ટિફિકેશન મેળવનાર દેવભૂમિ દ્વારકા નજીકનો શિવરાજપુરનો દરિયાકાંઠો પ્રવાસીઓના આકર્ષણનું મુખ્ય કેન્દ્ર બન્યો છે. સ્વચ્છ પાણી, જાળવણી અને સુરક્ષા જેવા ગુણવત્તા માપદંડોમાં આ બીચ અગ્રેસર રહ્યો છે. મળતી માહિતી મુજબ, છેલ્લા બે વર્ષના સમયગાળા દરમિયાન કુલ 13.5 લાખ પ્રવાસીઓએ શિવરાજપુર બીચની મુલાકાત લઈને ગુજરાતની પ્રાકૃતિક સુંદરતાનો પરિચય મેળવ્યો છે. આ બીચ સ્થાનિક પ્રવાસનને પ્રોત્સાહિત કરવામાં મહત્ત્વપૂર્ણ ભૂમિકા ભજવી રહ્યો છે. આગામી સમયમાં ટૠછઈ ના આયોજનથી શિવરાજપુર અને સ્થાનિક પ્રવાસન ક્ષેત્રના મહત્ત્વને વધુ ઉજાગર કરવાના પ્રયત્નો હાથ ધરવામાં આવશે.