રાજકોટ રેન્જના દરિયાઈ વિસ્તારોમાં પોલીસ એલર્ટ
અફવાઓ ફેલવનારા વિરુદ્ધ કડક કાર્યવાહી થશે : રેન્જ આઇજી અશોકકુમાર યાદવ
- Advertisement -
ખાસ-ખબર ન્યૂઝ રાજકોટ
વર્તમાન પરિસ્થિતિને ધ્યાને લઈ રાજકોટ રેન્જ હેઠળના જામનગર, મોરબી અને દ્વારકાના દરિયાઈ વિસ્તારોમાં પોલિસનું સઘન ચેકિંગ ચાલુ છે દેશવિરોધી પ્રવૃત્તિઓને નેસ્ત નાબૂદ કરવા માટે મરીન પોલિસ પણ ખડેપગે છે. પોલીસની ચેકપોસ્ટ અને નાકાબંધી ચાલુ કરવામાં આવી છે. પોલીસ અધિકારીઓ અને કર્મચારીઓ 24 કલાક પેટ્રોલિંગ કરી રહ્યા છે લોકો દ્વારા સોશિયલ મીડિયા કે અન્ય કોઈ માધ્યમથી ખોટી અફવાઓ ફેલાવવામાં ન આવે તેવી અપીલ રેન્જ આઇજી દ્વારા કરવામાં આવી છે. જો આ પ્રકારનું કૃત્ય કોઈપણ વ્યક્તિ દ્વારા કરવામાં આવશે તો તેની સામે પોલીસ દ્વારા કડક કાર્યવાહી કરવામાં આવશે.
રાજકોટ રેન્જ આઇજી અશોકકુમાર યાદવે વિગતો આપતા જણાવ્યું હતું કે, જામનગર, દ્વારકા અને મોરબી કોસ્ટલ બેલ્ટ વિસ્તાર છે હાલના સંજોગોમાં કોઈપણ પ્રવૃત્તિઓને નેસ્ત નાબૂદ કરવા માટે આ તમામ વિસ્તારોમાં પોલીસના પેટ્રોલિંગમાં વધારો કરવામાં આવ્યો છે તમામ ગ્રામજનો અને આગેવાનો પણ સતર્ક છે અને પોલીસને સહયોગ આપી રહ્યા છે આ સમયે પબ્લિકને પણ અપીલ કરું છું કે, કોઈપણ પ્રકારની ખોટી અફવાઓ ફેલાવવાની રહેશે નહીં અન્યથા કડક કાર્યવાહી કરવામાં આવશે. આ તમામ વિસ્તારોમાં પોલીસની ગતિવિધિઓ અને વોચ સતત ચાલુ છે. લોકોને શંકાસ્પદ ગતિવિધિઓ ધ્યાનમાં આવે તો પોલીસ અને વહીવટી તંત્રના ઘ્યાન ઉપર મૂકે કોસ્ટલ બેલ્ટમાં તમામ મેજર અને માઇનોર પોર્ટ છે એ તમામ પોર્ટ ઉપર ગુજરાત મેરી ટાઈમ બોર્ડ, પોર્ટ ઑફિસર અને પોલીસ અધિકારીઓ સંકલન સાથે કામ કરી રહ્યા છે આ સાથે જ મરીન ટ્રાન્સફર ફોર્સ છે એ પણ આ વિસ્તારમાં ખૂબ જ એક્ટિવ છે. માછીમારોને પણ કોઈપણ શંકાસ્પદ ગતિવિધિઓ આપના ધ્યાનમાં આવે તો તાત્કાલિક નજીકના વિસ્તારમાં આવેલા અધિકારીઓ અને કર્મચારીઓને જાણ કરવા અપીલ કરવામાં આવી છે.
