ફાઈનલમાં ભારતને હરાવીને ઓસ્ટ્રેલિયા છઠ્ઠી વાર વર્લ્ડ કપ ચેમ્પિયન બન્યું છે. ઓસ્ટ્રેલિયા સામે ભારત બીજી વાર વર્લ્ડ કપથી ચૂક્યું છે.
વનડે ઈન્ટરનેશનલ ક્રિકેટમાં ઓસ્ટ્રેલિયા અજેય બન્યું છે. વધુ એક વાર ઓસ્ટ્રેલિયાએ ભારત પાસેથી વર્લ્ડ કપ આંચકી લીધો છે. અમદાવાદના નરેન્દ્ર મોદી સ્ટેડિયમમાં રમાયેલી વર્લ્ડ કપની ફાઈનલમાં ઓસ્ટ્રેલિયાએ છ વિકેટથી ભારતને હરાવીને છઠ્ઠી વાર વર્લ્ડ કપ ચેમ્પિયન બન્યું છે. વર્લ્ડ કપની ફાઈનલમાં ભારત ઓસ્ટ્રેલિયા સામે બીજી વાર હાર્યું છે. આ પહેલા 2003ની સાલમાં પણ ઓસ્ટ્રેલિયાએ વર્લ્ડ કપની ફાઈનલમાં ભારતને હરાવ્યું હતું. પહેલા બેટિંગ કરીને ભારતે 50 ઓવરમાં 240 રન કર્યાં હતા. જવાબમાં ઓસ્ટ્રેલિયાએ 4 વિકેટ ગુમાવીને ટાર્ગેટ પૂરો કરી લઈને ભારત પાસેથી વર્લ્ડ કપ આંચકી લીધો હતો.
- Advertisement -
ટ્રેવિસ હેડની સદીએ ડૂબાડી ભારતની નૈયા
ઓસ્ટ્રેલિયાના ટ્રેવિસ હેડે ભારતની નૈયા ડૂબાડી દીધી હતી. ભારતના 3 ફાસ્ટ અને 2 સ્પીનરો પણ ટ્રેવિડ હેડને આઉટ નહોતો કરી શક્યા. ટ્રેવિસ હેડ સદી ફટકારીને ઓસ્ટ્રેલિયાની મહાજીતનો પાયો નાખ્યો હતો. ટ્રેવિસ હેડે 120 બોલમાં 137 રન ફટકારીને ભારતની જીત અશક્ય કરી મૂકી હતી. 241 રનનો ટાર્ગેટ પૂરો કરવા ઉતરેલી ઓસ્ટ્રેલિયાની ટીમે સાવ સસ્તામાં 3 વિકેટ ગુમાવી દેતા ભારતની આશા જાગી હતી અને કરોડો ભારતીયોને પણ લાગતું હતું કે વર્લ્ડ કપ હવે ભારતનો છે પરંતુ ત્યાર પછી બેટિંગ માટે આવેલા ટ્રેવિસ હેડે સદીથી પણ વધારે રન ફટકારીને ભારતનું જીતનું સપનું ચકનાચૂર કર્યું હતું. ટ્રેવિસ હેડ ઉપરાંત માર્નસ લાબુસેન 110 બોલમાં 58 રન ફટકાર્યાં હતા. સરવાળે ઓસ્ટ્રેલિયાની મહાજીત માટે હેડ અને લાબુસેન જ જવાબદાર હતા.
1987 🏆 1999 🏆 2003 🏆 2007 🏆 2015 🏆 2️⃣0️⃣2️⃣3️⃣ 🏆
𝙰𝚄𝚂𝚃𝚁𝙰𝙻𝙸𝙰 𝙰𝚁𝙴 #𝙲𝚆𝙲𝟸𝟹 𝙲𝙷𝙰𝙼𝙿𝙸𝙾𝙽𝚂 🎉 pic.twitter.com/QtzBty5Ewl
- Advertisement -
— ICC (@ICC) November 19, 2023
મેક્સવેલે કર્યાં છેલ્લા 2 વિજયી રન
છેલ્લે જ્યારે બે બોલ બાકી હતા છેક ત્યારે જામી ગયેલો હેડ આઉટ થયો હતો અને ઓસ્ટ્રેલિયાને જીત માટે ફક્ત 2 રનની જરુર હતી. હેડના આઉટ થયા બાદ મેક્સવેલ બેટિંગ માટે આવ્યો અને તેણે હેવી શોટ ફટકારીને 2 રન કરી લેતા ઓસ્ટ્રેલિયા જીતી ગયું હતું.
ઓસ્ટ્રેલિયા છઠ્ઠી વાર વર્લ્ડ ચેમ્પિયન
ઓસ્ટ્રેલિયા છઠ્ઠી વાર વર્લ્ડ કપ ચેમ્પિયન બન્યું છે. આ પહેલા 2003ના વર્લ્ડ કપની ફાઈનલમાં પણ ઓસ્ટ્રેલિયાએ ભારતને હરાવ્યું હતું. ઓસ્ટ્રેલિયા સામે બીજી વાર પણ વર્લ્ડ કપ ન મળતાં 140 કરોડ ભારતીયોનું સપનું તૂટ્યું હતું.
ભારતના બેટર્સનો ફ્લોપ શો
પહેલા બેટિંગ કરીને ભારતે 50 ઓવરમાં બધી વિકેટ ગુમાવીને 240 રન કર્યાં હતા. ફાઈનલમાં ટીમ ઈન્ડીયાના ખેલાડીઓ કાચા પડ્યાં હતા. શરુઆતમાં 81 રનમાં જ ભારતની ત્રણ મોટી વિકેટ પડી ગઈ હતી. ગિલ અને અય્યર ચાર રન બનાવીને આઉટ થયા હતા. કેપ્ટન રોહિત શર્મા પાસેથી સારી આશા હતી પરંતુ તે પણ 47 રન કરીને જતો રહ્યો. રોહિત બાદ બધો મદાર કિંગ કોહલી પર આવી ગયો હતો પરંતુ અહીં પણ કોહલીએ નિરાશ કર્યાં અને 54 રનમાં તે પણ પેવેલિયન જતો રહ્યો. કોહલી બાદ કેએલ રાહુલે એકલે હાથે બાજી સંભાળી હતી અને તેણે થોડું વધારે ખેંચ્યું હતું. રાહુલે 66 જેટલા રન કરીને ટીમ ઈન્ડીયાના સ્કોર થોડો સન્માનજનક સ્તરે લઈ ગયો હતો. જો કોહલી અને રાહુલે પણ સાવ સસ્તામાં આઉટ થયાં હોત તો 240 રન પણ ન થઈ શક્યા હોત. ત્યાર બાદ સુર્યકુમાર યાદવ પણ ખાસ કંઈ ઉકાળી શક્યો નહોતો. સુર્યકુમારે 18 રનમાં આઉટ થયો હતો. એ પછી શમી, સિરાજ પણ થોડા રનમાં તરત પેવેલિયન જતાં રહેતા ભારતીય ટીમ 240 રનમાં ઓલઆઉટ થઈ ગઈ હતી.
Australia downed India to lift the Men's @cricketworldcup for a record sixth time in Ahmedabad 💪
A flawless performance 👏#CWC23 | #INDvAUS pic.twitter.com/gIOYUApzHj
— ICC (@ICC) November 19, 2023
ફાઈનલમાં શરુઆતમાં ભારતીય ટીમ મુસીબતમાં
વર્લ્ડ કપની ફાઈનલમાં શરુઆતમાં જ ભારત ટીમ મુસીબતમાં મૂકાઈ હતી. ભારતની 3 વિકેટ સાવ સસ્તામાં પડી ગઈ હતી. ઓપનિંગમાં ગિલ 4 તો અય્યર 4 રન બનાવીને આઉટ થઈ ગયો હતો. કેપ્ટન રોહિત શર્મા પણ ઝાઝુ કંઈ ન કરી શક્યો, તે પણ 47 રનમાં પેવેલિયન ભેગો થઈ ગયો હતો. આમ 81 રનમાં ભારતની 3 વિકેટ પડી જતાં ફેન્સ ચિંતાતુર થયા હતા અને આવીને આવી રમત રહી તો ભારત શું થાશે તે ચિંતા થવા લાગી હતી.
ટોસ જીતીને પણ બોલિંગ લઈને ઓસ્ટ્રેલિયાના કેપ્ટને ચોંકાવ્યાં
ફાઇનલમાં ઓસ્ટ્રેલિયન કેપ્ટન પેટ કમિન્સે ટોસ જીતીને પ્રથમ બેટિંગ કરવાનો નિર્ણય કર્યો હતો. પેટ કમિન્સે પહેલા બોલિંગ કરવાના નિર્ણય અંગે જણાવ્યું હતું કે, “અમે પહેલા બોલિંગ કરી રહ્યા છીએ. વિકેટ ડ્રાય વિકેટ જેવી લાગે છે. ઝાકળ એક પરિબળ છે. પાછળથી આના પર બેટિંગ કરવી વધુ સારું બને છે. ટુર્નામેન્ટની શરૂઆત મુશ્કેલ રહી હતી, તે પછી ખરેખર કોઈ ભૂલ થઈ નથી. આ બધું સંપૂર્ણપણે વ્યવસ્થિત છે. અમે ભારતીય ખેલાડીઓ સાથે ઘણું રમ્યા છીએ. અમે સેમીફાઈનલ ટીમ સાથે જઈ રહ્યા છીએ.
A century in the #CWC23 Final!
Take a bow, Travis Head 👏#INDvAUS pic.twitter.com/cMStdnUV4Y
— ICC (@ICC) November 19, 2023
ઓસ્ટ્રેલિયાના બોલર્સે કેટલી કેટલી વિકેટ લીધી
ઓસ્ટ્રેલિયા તરફથી મિચેલ સ્ટાર્કે સૌથી વધુ ત્રણ વિકેટ ઝડપી હતી. આ સિવાય જોશ હેઝલવુડ અને પેટ કમિન્સને બે-બે સફળતા મળી. ભારતનો સ્કોર 80 રન હતો ત્યારે પ્રથમ 10 ઓવરમાં તોફાની શરૂઆત થઈ હતી, પરંતુ રોહિત શર્માના આઉટ થયા બાદ રનની ગતિ થંભી ગઈ હતી. 11 થી 40 ઓવરની વચ્ચે ભારતીય બેટ્સમેનો માત્ર બે બાઉન્ડ્રી ફટકારી શક્યા હતા. ઓસ્ટ્રેલિયન બોલરોએ ચોક્કસ આયોજન સાથે ફાઇનલમાં પ્રવેશ કર્યો હતો. તે દરેક ભારતીય બેટ્સમેન માટે અલગ આયોજન સાથે આવ્યો હતો.
ઓસ્ટ્રેલિયાની પ્લેઈંગ ઈલેવન :
ટ્રેવિસ હેડ, ડેવિડ વોર્નર, સ્ટીવ સ્મિથ, મિશેલ માર્શ, માર્નસ લાબુશેન, ગ્લેન મેક્સવેલ, જોશ ઈંગ્લિસ, મિચેલ સ્ટાર્ક, પેટ કમિન્સ (કેપ્ટન), હેઝલવુડ, એડમ ઝમ્પા.
ભારતની પ્લેઈંગ ઈલેવન :
રોહિત શર્મા (કેપ્ટન), શુભમન ગિલ, વિરાટ કોહલી, શ્રેયસ ઐયર, કેએલ રાહુલ, સૂર્યકુમાર યાદવ, રવિન્દ્ર જાડેજા, કુલદીપ યાદવ, મોહમ્મદ શમી, જસપ્રિત બુમરાહ, મોહમ્મદ સિરાજ.