આટકોટના પ્રતીક્ષા વિદ્યા પ્રતિષ્ઠાનમાં વિદ્યાર્થિની પર દૂષ્કર્મ: સન્નાટો

વાલીઓનો વિશ્વાસ ચકનાચૂર: જે ટ્રસ્ટીઓને માવતર સમજ્યા, એ જ જલ્લાદ નીકળ્યા

મામલો ઢાંકવા ટ્રસ્ટીઓના ધમપછાડા: પોલીસ અમુક આરોપીઓના નામ દૂર કરવા દબાણ કરતી હોવાની ચર્ચા!

કલરકામના કોન્ટ્રાક્ટરે કન્યા છાત્રાલયની યુવતી સાથે બળજબરી કરી અને એ પછી ટ્રસ્ટીની દાઢ પણ ડળકી: ટ્રસ્ટીએ પણ અનેક વખત જબરદસ્તી કરી

આટકોટ ખાતે આવેલી પ્રતિષ્ઠિત શૈક્ષણિક સંસ્થા ‘પ્રતીક્ષા વિદ્યા પ્રતિષ્ઠાન’ની એક વિદ્યાર્થિનીએ સંસ્થાના ટ્રસ્ટીઓ અને કલરકામના કોન્ટ્રાકટર પર બળાત્કારનો આરોપ મૂકતી અરજી જિલ્લા પોલીસને સોંપતા ભારે ખળભળાટ મચી ગયો છે. વાલીઓ પોતાની દીકરીઓને જે ટ્રસ્ટીઓના ભરોસે ક્ધયા છાત્રાલયમાં મૂકે છે એ ટ્રસ્ટીઓ જ ભક્ષકની ભૂમિકા ભજવતા હોવાની જાણકારીથી વાલીઓમાં ભયંકર ગુસ્સો છે. બીજી તરફ આ મામલો દબાવવા ટ્રસ્ટીઓએ અને ત્રણ-ચાર રાજકારણીઓએ ભરપૂર પ્રયાસ કર્યા હતાં. પરંતુ યુવતી અને તેના પરિવારે ગજબનાક હિંમત દાખવી હતી. તેમણે પોલીસને આપેલી અરજીમાંથી થોડી સંવેદનશીલ બાબતો, નામ વગેરે કાઢીને નીચે અરજીમાંથી જ લીધેલાં અંશો પ્રકાશિત કરી રહ્યાં છીએ….

આજથી પાંચ વર્ષ પહેલાં એટલે કે સને 2019-2020માં અમે ફરિયાદીએ ક્ધયા છાત્રાલય આટકોટ ખાતે એડમિશન લીધું હતું અને ત્યાં રહી અમે અભ્યાસ કરતા હતા. આ કામના આરોપી નં. 2 તથા 3 ઉપરોક્ત ક્ધયા છાત્રાલય આટકોટના હાલના ટ્રસ્ટીઓ છે તેમજ આરોપી નં. 1 આરોપી નં. 2ના મિત્ર છે.

અમે ફરિયાદી સ્કૂલમાં અભ્યાસ કરતા તે દરમિયાન આ કામના આરોપી નં. 1 તથા 2 કે જે આરોપી નં. 3ના ખૂબ જ ગાઢ મિત્ર હોય અને છાત્રાલયમાં અવારનવાર આવતા જતા હતા જેથી તેઓને મને છાત્રાલયમાં અવારનવાર જોયેલી હોય અને આરોપીઓની નજર પ્રથમથી મારા પ્રત્યે ખરાબ હોય જેથી તેઓ મને યેનકેન પ્રકારે હેરાન કરતા હતા અને આરોપી નં. 2 ટ્રસ્ટીની ઓફીસમાં બોલાવી મને હેરાન પરેશાન કરતા અને ટોર્ચરીંગ કરતા હતા અને આરોપી નં. 1 પણ તેઓના મિત્ર હોય જેથી તેઓ પણ આરોપી નં. 2 સાથે ઓફીસમાં બેઠા હોય અને તેઓ પણ જેમ ફાવે તેમ બોલતા હતા.
અમે એડમિશન લીધા બાદ સને 2021માં આ કામના આરોપી નં. 1 તથા 2એ મને જણાવ્યું કે જો તારે આ ટોર્ચરીંગમાંથી બચવુ હોય તો અમે કહીએ તેમ કરવું પડશે નહીંતર તને આખી સ્કૂલ તથા છાત્રાલયમાં બદનામ કરી દેશું અને તને તથા તારા પરિવારને જીવતા રહેવા નહીં દઈએ જેથી તેઓની ધમકીથી હું એકદમ હેબતાઈ ગઈ અને અમે આ વાત કોઈને કરી નહીં જેથી તેઓની હિંમત વધી ગયેલી અને તેઓ મને મારા રૂમમાં કોઈ ને કોઈ બહાનુ કાઢી આવી જતાં અને છેડતી કરતા તેમજ આખા શરીરે હાથ અડાડતા અને મને કહેતા કે જો આ વાત કોઈને કહીશ તો તને સમાજમાં બદનામ કરી દઈશ તેવી ધમકી આપતા હતા.

ત્યારબાદ સને 2021માં જ જુલાઈ મહીનામાં આ કામના આરોપી નં. 2એ મને કહ્યું કે તું આજે સ્કૂલે ન જતી અને રૂમમાં જ રહેજે તારી સાથે વાતચીત કરવાની છે જેથી તેઓ ટ્રસ્ટીના મિત્ર હોય અને તેઓએ મને અગાઉ ધમકી આપેલી હોય અને હું મારા રૂમમાં રહેલી ત્યારે આ કામના આરોપી નં. 1 અને 2 બંને આવેલા અને મને જેમ ફાવે તેમ બોલવા લાગ્યા અને બંને જણાએ મને પકડી લીધી અને બંનેએ વારાફરતી મારી મરજી વિરુદ્ધ મારી સાથે બળાત્કાર કર્યો અને મને ધમકી આપી કે જો તું આ વાત કોઈને કહીશ તો તને અને તારા પરિવારને જીવતા રહેવા નહીં દઈએ ત્યાર બાદ બંને ત્યાંથી જતા રહ્યા જેથી તેઓની ધમકીથી એકદમ ડરી ગયેલી અને મારી સાથે બનેલા બનાવની જાણ કોઈને કરી શકી નહીં.

ત્યાર બાદ અવારનવાર આરોપી નં. 1 તથા 2 કોઈ ને કોઈ કારણોસર મારા રૂમમાં આવી જતા અને મારી મરજી વિરુદ્ધ મારી સાથે પરાણે બળજબરીથી શારીરિક સંબંધ બાંધતા અને હું આ બાબતનો તિરસ્કાર કરવા છતાં તેઓ બળજબરી કરતા અને મને વાતે વાતે ધમકાવતા હતા અને તેઓ ટ્રસ્ટી હોય હું આ વાત કોઈને કરું તો પણ તેઓ મારી જ બદનામી થશે તેવું અમોને જણાવતા હતા જેથી હું આ વાત કોઈને કરી શકતી નહીં.

અમે ફરિયાદીને આ કામના આરોપી નં. 2નાએ તેઓની મેલી મુરાદનો લાભ ઉઠાવવા માટે ઉપરોક્ત છાત્રાલયના રેકટર બનાવેલા અને જેથી તેઓ આસાનીથી છાત્રાલયના રિપોર્ટ મેળવવાના બહાને બળજબરી કરી શકે અને આ રેકટરની અલગ ઑફીસ આવેલી હોય છે ત્યાં પણ આ કામના આરોપી આવી જતા અને મારી સાથે બળબજરી કરતા અને જેથી અમે જ્યારે તેઓને રિપોર્ટ આપવા જઈએ ત્યારે મારી સાથેના અન્ય રેકટર નયનાબેનને સાથે લઈ જતા જેથી તેઓ અમારી સાથે કોઈ બળજબરી કરી શકે નહીં પરંતુ આ કામના આરોપી નં. 2ના નયનાબેન મારી સાથે આવતા હોય જેથી તેઓને નોકરીમાંથી છૂટા કરી દીધેલા.

સને 2023ના જુલાઈમાં આ કામના આરોપી નં. 1એ ક્ધયા છાત્રાલય આટકોટની કલર કામ કરવાનો કોન્ટ્રાક્ટ રાખેલો હતો જેથી આ કામના આરોપી નં. 1 તથા 2 આ કલર કામના બહાને કે કલરનું ચેકીંગ કરવાના બહાને અવારનવાર અમારા રૂમમાં આવી જતાં અને મારી સાથે મરજી વિરુદ્ધ બળાત્કાર કરતા અને મને કહેતા કે જો તું આ વાત કોઈને કહીશ તો તારી વાત કોઈ માનશે નહીં અમે અહીંના મોટા માણસો છીએ અને પોલીસ તથા રાજકારણીઓ સાથે અમારે ઉઠવા બેસવાનું છે જેથી તું કોઈને આ વાત કરીશ તો અમે તને જ બદનામ કરી દઈશું અને તને ખોટા કેસમાં ફીટ કરી દઈશ.
ત્યાર બાદ તેઓથી કંટાળી અમે આ કામના અન્ય આરોપી નં. 3ને બનાવ અંગે વાત કરેલી અને તેઓએ મને જણાવેલું કે આ કામના આરોપી નં. 1 તથા 2 મારા મિત્ર છે અને મને આ તમામ વાતથી પ્રથમથી જ જાણ છે અને મારી સંમતિથી જ તેઓ અહીંયા આવે છે અને આ બધું કરે છે જેથી તું પણ આ વાત કોઈને કરતી નહીં તેમ કહી મને ધમકાવેલી હતી.

આ લોકોથી કંટાળી મેં સને 2024માં ક્લાસીસમાં એડમિશન લીધેલું અને ત્યાં જતી રહેલી હતી પરંતુ ત્યાં પણ તેઓએ મારો પીછો ન છોડેલો અને આ કામના આરોપી નં. 1 ગઈ તા. 9-7-2024ના રોજ સુરત ખાતે આવેલા અને મારું અપહરણ કરવા લાગ્યા જેથી મેં મારા મિત્ર પાર્થ ડામશીયાના મો.નં. 6351945919 ઉપર ફોન કરેલો જેથી તે તાત્કાલીક ત્યાં આવી ગયેલા અને મને બચાવવાની કોશીશ કરેલી પરંતુ આ કામના આરોપી નં. 1 તથા 4એ પાર્થને ઢીકાપાટુનો માર મારેલો અને મને પરાણે બળજબરીથી ગાડીમાં બેસાડી મારું અપહરણ કરી લઈ ગયા અને મારી સાથે ગાડીમાં બળજબરીપૂર્વક બળાત્કાર કર્યો અને મને કહ્યું કે તું જ્યાં જઈશ ત્યાં હું તારી પાછળ આવીશ અને તને શાંતિથી જીવન જીવવા નહીં દઉં અને તારી જિંદગી બગાડી નાખીશ આમ કહી ધમકીઓ આપી હતી અને ત્યાર બાદ આ બાબતની જાણ મારા પરિવારને થયેલી હતી.

ત્યાર બાદ મને હિંમત આવતા આ તમામ વાત મેં ઘરે કહેલી જેથી ઘરવાળાઓએ હિંમત આપતા આજરોજ અમે હાલની આ ફરિયાદ આપ સમક્ષ લાવી રહ્યા છીએ.