સાયબર ગઠિયાઓનો નવો કિમીયો, મોરબીના અનેક પોલિટિકલ વ્હોટ્સએપ્પ ગ્રુપ બન્યા નિશાન

ખાસ-ખબર ન્યૂઝ મોરબી

મોરબીમાં રાત્રીના સમયે અનેક વોટ્સએપ ગૃપમાં અભદ્ર વિડીયો સહિતના મેસેજોનો મારો થયો હોય જેની ફાઈલ ખોલતા જ મોબાઈલ હેંગ થઈ જતો હોવાની ફરિયાદ ઉઠી રહી છે. જેથી લોકોને અજાણી ફાઈલ ખોલતા ચેતવું જોઈએ.

પ્રાપ્ત વિગતો અનુસાર, આજે રાત્રીના સમયે મોરબીના અનેક પોલિટિકલ તેમજ અન્ય વોટ્સએપ ગ્રુપને સાયબર ગઠિયાઓએ નિશાન બનાવી ધડાધડ અભદ્ર વિડીયો, એપ અને મેસેજ નાખ્યા હતા. ઘણા લોકોએ એપ ડાઉનલોડ કરતા જ મોબાઈલ હેંગ થઈ ગયા હોવાના પણ અહેવાલ મળી રહ્યા છે. જો કે, તમામ ગ્રુપના એડમીનો આ મેસેજ ડીલીટ કરવાના કામે લાગ્યા હતા. ઉપરાંત, જે એકાઉન્ટમાંથી આ મેસેજનો મારો ચલાવવામાં આવ્યો હતો તે એકાઉન્ટને રિમુવ કરવામાં આવ્યું હતું. એક એકાઉન્ટનું નામ રિયા લાઈવ હોવાનું જાણવા મળ્યું છે. બીજી તરફ લોકોને અપીલ છે કે, વોટ્સએપમાં કોઈ પણ અજાણી ફાઈલ ખોલવી નહિ, જેથી સાયબર ફ્રોડથી બચી શકાય છે.