બિહારમાં ‘નાગ પંચમી’ મેળામાં સેંકડો શ્રદ્ધાળુઓ સાપ લઈને ફરે છે

બિહારના સમસ્તીપુર જિલ્લાના સિંધિયા વિસ્તારમાં નાગપંચમી નિમિત્તે અનોખો સર્પમેળો યોજાય છે. છેલ્લાં 300 વર્ષથી બૂઢી ગંડક નદીમાં આ સાપનો મેળો યોજવામાં આવે છે.

ભારતમાં એકમાત્ર આ સ્થળે યોજાતા આ અનોખા મેળાને જોવા દેશભરમાંથી ભક્તો આવે છે. એવી માન્યતા છે કે આ સર્પમેળામાં માગવામાં આવતી ઇચ્છાઓ પૂરી થાય છે. મેળાની શરૂઆતમાં ભગત લોકો સિંધિયામાં આવેલા માતા ભગવતીના મંદિરમાં પૂજાઅર્ચના કરીને ઢોલનગારાં સાથે નદી પર પહોંચે છે

View this post on Instagram

A post shared by Pradeep Yadav (@br_vlogger17)

માતા વિષહરીનું નામ લઈને નદીમાં ડૂબકી લગાવીને હાથ અને મોંથી સાપને પકડીને બહાર કાઢે છે. આ જોઈને લોકો અચંબામાં મુકાય છે. નદીમાંથી કાઢવામાં આવેલા સાપોને પછી સુરક્ષિત સ્થળે છોડી મૂકવામાં આવે છે.

માતા વિષહરીના આશીર્વાદથી ભક્તોની રક્ષા થાય છે. આ વર્ષે પણ એક ભક્તે નદીમાંથી સેંકડો સાપ કાઢ્યા હતા, જેને જોવા માટે મોટી સંખ્યામાં લોકો ઊમટી પડ્યા હતા. એવું માનવામાં આવે છે કે અહીં કરેલી મનોકામનાઓ પૂરી થાય છે.