ઈરાનમાં વેસ્ટર્ન ડીસ્ટર્બન્સ તથા પાકિસ્તાનમાં સાયકલોનીક સરકયુલેશનની સ્થિતિથી હવામાન પલ્ટો: બિહાર-ઉતરપ્રદેશ સહિતના રાજયોમાં કરા પડવાની આગાહી-ઓરેન્જ એલર્ટ
ભારતીય ચોમાસામાં આ વર્ષે અલ-નીનો વિલન બનવાની આશંકા વચ્ચે બંગાળના અખાતમાં નૈઋત્ય ચોમાસાનો પ્રવેશ સમયસર જ રહ્યો છે તે પુર્વે કર્ણાટક-બિહાર જેવા રાજયોમાં આંધી સાથે ભારે વરસાદ ત્રાટકતા 10 લોકોના મોત નિપજયા હતા. આઈટી કેપીટલ પાણી-પાણી થઈ ગયું હતું.
- Advertisement -
બિહારમાં હવામાને મિજાજ બદલ્યો હોય તેમ રાજયના અનેક ભાગોમાં આંધી અને વિજળીના કડાકાભડાકા સાથે ભારે વરસાદ થતા વ્યાપક તારાજી સર્જાઈ હતી. કોસી, સિમાંચલ, પુર્વ તથા ઉતર બિહારના ક્ષેત્રોમાં જનજીવન પ્રભાવિત બન્યુ હતું. 10 લોકોના મોત નિપજયા હતા. કૃષિક્ષેત્રને વ્યાપક નુકશાન થયું હતું. રાજય સરકારે મૃતકોના પરિવારોને 4-4 લાખની સહાય આપવાનું જાહેર કર્યુ છે.
હવામાન વિભાગ દ્વારા રાજયના 19 જીલ્લાઓમાં કરા સાથે ભારે વરસાદની ચેતવણી આપીને ઓરેન્જ એલર્ટ જારી કરવામાં આવ્યું છે. હવામાન પલ્ટાને પગલે તાપમાનનો પારો સાત ડીગ્રી સુધી નીચે સરકતા કાળઝાળ ગરમીમાં રાહત મળી હતી. બેતીયા-પુણીયા જેવા શહેરોમાં તેજ પવન ફુંકાતા વૃક્ષો ધરાશાયી થયા હતા.
બીજી તરફ દેશનું આઈટી કેપીટલ બેંગ્લોર ભારે વરસાદથી જળબંબાકાર બન્યુ હતું જેને પગલે સતાવાળાઓને કામચલાઉ ક્ધટ્રોલરૂમ ઉભો કરવાની ફરજ પડી હતી. હવામાન વિભાગે આજે પણ મીની વાવાઝોડા-વિજળીના કડાકા ભડાકા સાથે વરસાદ થવાની આગાહી કરી છે.
- Advertisement -
હવામાન વિભાગ દ્વારા પાટનગર દિલ્હી તથા ઉતરપ્રદેશમાં પણ વરસાદ થવાની આગાહી કરવામાં આવી છે. ઈરાનમાં વેસ્ટર્ન ડિસ્ટર્બન્સની સીસ્ટમ ઉદભવી છે. ઉપરાંત પાકિસ્તાનમાં સાયકલોનિક સરકયુલેશન સર્જાયુ છે. તેનો પ્રભાવ ભારતમાં પડશે. વેસ્ટર્ન ડિસ્ટર્બન્સ આવતા 3-4 દિવસ રાજસ્થાન તથા ઉતર ભારત તરફ આગળ વધી રહ્યું છે. તેજ પવન ફુંકાવા સાથે વરસાદ પડવાની સંભાવના છે. 40થી50 કીમીની ઝડપે પવન ફુંકાવા સાથે ગાજવીજ સાથે વરસાદ થવાની સંભાવના છે.