ખાસ-ખબર ન્યૂઝ રાજકોટ
ગુજરાતની યુનિવર્સિટીઓ અને કોલેજમાં અધ્યાપક થવા માટે આગામી ડિસેમ્બર – 2024 માસમાં યોજાનાર ગુજરાત સ્ટેટ એલિજીબીલિટી ટેસ્ટ ફોર આસિસ્ટન્ટ પ્રોફેસર પરીક્ષા ફરજિયાત કરી છે. અધ્યાપક તરીકે કારકિર્દી ઘડવા માંગતા ઉમેદવારો માટે સૌરાષ્ટ્ર યુનિવર્સિટી કેમ્પસ ખાતે વિનામૂલ્યે તાલીમમાં જોડાવા માટેની ઉત્તમ તક આવી છે.
- Advertisement -
તાલીમવર્ગની બેચ તા. 18-09-2024 ને બુધવારથી સમય સવારે 9 થી 11 ના સમયમાં શરૂ થશે. જીસેટ કોચીંગ સેન્ટરના વર્ગોમાં જે ઉમેદવારોએ યુજીસી માન્ય અનુસ્નાતકની પદવી પ્રાપ્ત કરેલ હોય અથવા અંતિમ વર્ષનો અભ્યાસ ચાલુ હોય તેવા ઉમેદવારો જ આ તાલીમવર્ગનો લાભ લઈ શકશે.
ઉપરોક્ત તાલીમવર્ગમાં પ્રવેશ મેળવવા ઈચ્છતા આર્ટ્સ, કોમર્સ વગેરે વિદ્યાશાખાના વિદ્યાર્થીઓ પ્રવેશ માટે નેટ/સેટ કોચીંગ સેન્ટર, સી.સી.ડી.સી., ગ્રાઉન્ડ ફલોર, સેન્ટ્રલ બેંક ઓફ ઈન્ડિયા પાછળ, સૌરાષ્ટ્ર યુનિવર્સિટી કેમ્પસ ખાતે તા. 17-09-2024 ને મંગળવાર સુધીમાં તેમનું રજિસ્ટ્રેશન ફોર્મ સાથે એક પાસપોર્ટ સાઈઝનો ફોટો, જીસેટ પરીક્ષાનું ઓનલાઈન ભરેલ ફોર્મની ઝેરોક્ષ, છેલ્લા સેમેસ્ટરની માર્કશીટ, જાતિનો દાખલો તથા ક્રિમીલેયર સર્ટીફિકેટ સાથે લાવવાનું રહેશે. મર્યાદિત સંખ્યામાં પ્રવેશ આપવાનો હોવાથી વહેલા તે પહેલાના ધોરણે પ્રવેશ આપવામાં આવશે.
