ઇટાલીના મિલાનમાં ગેસ સિલિન્ડર ફાટ્યો: વિસ્ફોટમાં 10 ઘાયલ

 વિસ્તાર સીલ કરવામાં આવ્યો; જર્મનીમાં
ખાસ-ખબર સંવાદદાતા
ઈટાલીના મિલાનમાં ગુરુવારે મોટો વિસ્ફોટ થયો હતો. પોલીસે જણાવ્યું કે કેટલાક વાહનોમાં આગ લાગી છે. પોલીસના જણાવ્યા અનુસાર – આ બ્લાસ્ટ એક વાનમાં થયો હતો. વિસ્તારને સીલ કરી દેવામાં આવ્યો છે. કેસની તપાસ ચાલી રહી છે. હજુ સુધી એ સ્પષ્ટ નથી થયું કે બ્લાસ્ટમાં કયા પ્રકારનું નુકસાન થયું છે. આગ અને ધુમાડો દૂરથી દેખાય છે. ઈટાલીના અખબાર ’લા રિપબ્લિકા’ની વેબસાઈટ અનુસાર – જે વાનમાં વિસ્ફોટ થયો તેમાં કેટલાક ગેસ સિલિન્ડર ડિલિવરી માટે રાખવામાં આવ્યા હતા. આ વાનને પાર્કિંગમાં લઈ જવામાં આવી રહી હતી, તે દરમિયાન સિલિન્ડરમાં વિસ્ફોટ થયો. હાલ તો એક વ્યક્તિ ઘાયલ હોવાની માહિતી મળી રહી છે. નજીકની એક શાળા અને નર્સિંગ હોમને ખાલી કરાવવામાં આવ્યું છે. ચાર કારમાં આગ લાગી હતી, તેને કાબુમાં લેવામાં આવી છે.