યમુના એક્સપ્રેસ વે પર ભીષણ દુર્ઘટના: ડિવાઈડર સાથે સ્વીફ્ટમાં અથડાતા આગમાં 5 લોકો જીવતા સળગ્યા

• ડબલ ડેકર સ્લીપર બસમાંથી 50 પ્રવાસીઓએ કુદીને જીવ બચાવ્યો

મથુરાના થાણાના મહાવન વિસ્તારમાં યમુના એક્સપ્રેસ વે પર ભીષણ દુર્ઘટના ઘટી છે. જ્યાં એક ડબલ ડેકર સ્લીપર બસ અનિયંત્રિત બનીને ડિવાઇઢર સાથે ટકરાઇ ગઇ હતી. ત્યાર પછી પાછળ આવી રહેલી સ્વિફ્ટ ડિજાયર કાર બસ સાથે ટકરાઇ હતી. જેના લીધે બંન્ને વાહનોમાં આગ લાગી ગઇ હતી. આ ઘટનામાં કાર સવાર પાંચ લોકો જીવતા ભુંજાઇ ગયા હતા. સુચના મળતા જ પોલીસ અને ફાયર બ્રિગેડની ટીમ સ્થળ પર પહોંચીને ઘણી મુશ્કેલી પછી આગ પર કાબુ મેળવ્યો હતો.

મળેલી જાણકારી અનુસાર, દુર્ઘટના પછી બસ અને કાર બંન્ને બળીને ખાખ થઇ ગઇ હતી. બસ યાત્રીઓએ તો કુદીને પોતાની જીંદગી બચાવવામાં સફળતા મળી હતી પરંતુ કાર સવાર લોકોને સમય મળ્યો નહોતો. કારની અંદર જ તેઓ બળી ગયા હતા. ડબલ ડેકર બસમાં લગભગ 50 પ્રવાસીઓ સવાર હતા. દુર્ઘટનામાં કેટલાક પ્રવાસીઓ ઇજાગ્રસ્ત થયા હતા. તેમણે સારવાર માટે નજીકની હોસ્પિટલમાં ભરતી કરવામાં આવ્યા હતા.