છત્તીસગઢ અબુઝમાદના જંગલોમાં નક્સલવાદીઓ વિરુદ્ધ સુરક્ષા દળોની કાર્યવાહી ચાલુ, નક્સલવાદીઓની હાજરીની માહિતી મળતાં જ સુરક્ષા દળોએ સરહદી જિલ્લાઓ સાથે સંયુક્ત ઓપરેશન હાથ ધર્યું
છત્તીસગઢથી એક મોટા સમાચાર સામે આવ્યા છે. વિગતો મુજબ છત્તીસગઢના નારાયણપુરમાં પોલીસ અને નક્સલવાદીઓ વચ્ચે અથડામણ થઈ છે. સૂત્રોનું માનીએ તો અબુઝહમદના જંગલોમાં થયેલા એન્કાઉન્ટરમાં 5 નક્સલવાદીઓ માર્યા ગયા છે. એન્કાઉન્ટરમાં એક જવાન ઘાયલ થવાના પણ સમાચાર છે. જોકે હજુ સુધી કોઈ સત્તાવાર પુષ્ટિ નથી. આ સાથે હજુ પણ એન્કાઉન્ટર ચાલુ હોવાનું સૂત્રો જણાવી રહ્યા છે.
- Advertisement -
છત્તીસગઢ અબુઝમાદના જંગલોમાં નક્સલવાદીઓ વિરુદ્ધ સુરક્ષા દળોની કાર્યવાહી ચાલુ છે. નક્સલવાદીઓની હાજરીની માહિતી મળતાં જ સુરક્ષા દળોએ સરહદી જિલ્લાઓ સાથે સંયુક્ત ઓપરેશન હાથ ધર્યું હતું. અબુઝમાદના કુતુલ ફરસાબેદા કોડમેટા વિસ્તારમાં સૈનિકોનું સંયુક્ત ઓપરેશન ચાલી રહ્યું છે.
નારાયણપુર જિલ્લાના માડમાં છેલ્લા બે દિવસથી સુરક્ષા દળો અને નક્સલવાદીઓ વચ્ચે અથડામણ ચાલી રહી છે. નારાયણપુર-કોંડાગાંવ-કાંકેર-દંતેવાડા DRG, STF અને ITBP 53મી બટાલિયન દળો સંયુક્ત ઓપરેશનમાં સામેલ છે.
