હવામાન વિભાગે ફરી કરી રાજ્યમાં હળવા વરસાદની આગાહી

હવામાન વિભાગે રાજ્યમાં બે સિસ્ટમ સક્રિય થતા સાર્વત્રિક વરસાદની આગાહી કરી છે

ગુજરાતમાં છેલ્લા કેટલાય દિવસોથી સૌરાષ્ટ્ર સહિત ઉત્તર-દક્ષિણ જિલ્લાઓમાં ગાજવીજ સાથે વરસાદ વરસી રહ્યો છે. અનેક જિલ્લા અને તાલુકાના ગ્રામ્ય વિસ્તારોમાં અવિરત વરસાદ વરસ્યો તો અનેક શહેરોમાં મેઘરાજાએ વિરામ લીધો છે. ત્યારે હવે ફરી એકવાર હવામાન વિભાગે રાજ્યમાં સાર્વત્રિક હળવા વરસાદની આગાહી કરવામાં આવી છે. હવામાન વિભાગે અનેક જિલ્લાઓમાં વરસાદની આગાહી કરી છે.

ગાજવીજ અને ભારે પવન સાથે વરસાદની આગાહી
હવામાન વિભાગે રાજ્યમાં બે સિસ્ટમ સક્રિય થતા સાર્વત્રિક વરસાદની આગાહી કરી છે. દક્ષિણ ગુજરાત સહિત નવસારી, વલસાડમાં આજે ભારે વરસાદની આગાહી કરવામાં આવી છે. આ ઉપરાંત દમણ અને દાદરા નગર હવેલીમાં પણ ભારે વરસાદની આગાહી કરવામાં આવી છે.

આ જિલ્લાઓમાં મધ્યમ વરસાદની આગાહી
હવામાન વિભાગે રાજ્યના અમદાવાદ, ગાંધીનગર, બનાસકાંઠા, પાટણ, મહેસાણા, સાબરકાંઠા, આણંદ, પંચમહાલ, મહીસાગર, દાહોદ, વડોદરા, છોટાઉદેપુર, નર્મદા, ભરૂચ, સુરત અને ડાંગમાં માં મધ્યમ વરસાદની આગાહી કરવામાં આવી છે.

કયા જિલ્લાઓમાં હળવા વરસાદની આગાહી?
હવામાન વિભાગે રાજકોટ, જામનગર, પોરબંદર, અમરેલી, મોરબી, દ્વારકા, સોમનાથ અને બોટાદમાં હળવા વરસાદની આગાહી કરી છે.

24 કલાકમાં રાજ્યના 101 તાલુકામાં નોંધાયો વરસાદ
રાજ્યમાં છેલ્લા 24 કલાકમાં 101 તાલુકામાં વરસાદ નોંધાયો છે. જેમાં સૌથી વધુ સાબરકાંઠાના તલોદમાં 2 ઈંચ વરસાદ ખાબક્યો છે. કચ્છના માંડવીમાં 1.6 ઈંચ વરસાદ, ધોળકામાં 1.26 ઈંચ, માણસામાં 1.2 ઈંચ, ભિલોડામાં 1.2 ઈંચ, ડોલવણમાં 1.14 ઈંચ વરસાદ તો 24 કલાકમાં અન્ય તાલુકામાં છુટો છવાયો વરસાદ પડ્યો છે.