એલન મસ્કે ટ્વિટર પર જૂના બ્લ્યૂ ટીક હટાવવાનો સંકેત આપ્યો છે. ટ્વિટરે અગાઉ બ્લ્યૂ ટીક હટાવવા માટે ડેડલાઈન તરીકે 1 એપ્રિલની જાહેરાત કરી હતી. કઈ તારીખે હટી જશે બ્લ્યૂ ટીક.
ટ્વિટરના નવા ચીફ એલન મસ્કે જૂના બ્લ્યૂ ટીક હટાવવાનો સંકેત આપ્યો છે. અરબપતિ બિઝનેસમેને ટ્વિટર પર ડેડલાઈન પણ આપી દીધી છે. છેલ્લા ઘણા દિવસથી બ્લ્યૂ સબસ્ક્રિપ્શન વિશે પણ કહી રહ્યા હતા. કંપની હવે સંપૂર્ણપણે જૂના બ્લ્યૂ ટીક હટાવી દેશે. જો હવે કોઈએ બ્લ્યૂ ટીક રાખવું હશે તો બ્લ્યૂ સબસ્ક્રિપ્શન ખરીદવાનું રહેશે. આવો જાણીએ કઈ તારીખે આ બ્લ્યૂ ટીક દૂર કરવામાં આવશે. એલન મસ્કે ટ્વિટ કરીને જણાવ્યું છે કે, લીગેસી બ્લ્યૂ ચેક દૂર કરવાની ફાઈનલ ડેટ 4/20 છે. 4/20નો અર્થ 20 એપ્રિલ છે કે, પછી બીજું કંઈક કહેવા માંગે છે તે અંગે સ્પષ્ટતા થઈ નથી. એલન મસ્કે જે તારીખની જાહેરાત કરી તે તારીખ મજાક હોઈ શકે છે. આ દિવસે ભાંગ અને ગાંજાનું સેલિબ્રેશન થાય છે.
- Advertisement -
ડેડલાઈન
ટ્વિટરે અગાઉ બ્લ્યૂ ટીક હટાવવા માટે ડેડલાઈન તરીકે 1 એપ્રિલની જાહેરાત કરી હતી. એલન મસ્કે હવે 4/20ને ફાઈનલ ડેટ કહી છે. 20 એપ્રિલે ખરેખર આ પ્રકારે થશે કે પછી એલન મસ્ક મજાક કરી રહ્યા છે, તે જાણી શકાયું નથી. અમેરિકામાં ભાંગ અને ગાંજો લીગલ છે, જ્યાં 20 એપ્રિલના રોજ કેન્નાબિસ સેલિબ્રેશન (Cannabis Celebration) થાય છે.
એલન મસ્કે અગાઉ પણ 420નું ટ્વિટ કર્યું હતું
એલન મસ્ક 4/20ના કારણે અગાઉ પણ ફસાઈ ચૂક્યા છે. વર્ષ 2018માં એલન મસ્કે પ્રતિ શેરે 420 ડોલરના હિસાબથી ટેસ્લાને પ્રાઈવેટ કંપની બનાવવાની જાહેરાત કરી હતી. પરંતુ તેઓ આ પ્રકારે કરી શક્યા નહોતા. આ કારણોસર એલન મસ્ક પર રોકાણકારોનો ગુસ્સો ફૂટી નીકળ્યો હતો. આ પ્રકારનું ખોટું ટ્વિટ કરવાને કારણે તેમના પર કેસ પણ કરવામાં આવ્યો હતો. હવે 4/20ને કેન્નાબિસ સેલિબ્રેશન સાથે જોડવામાં આવી રહ્યું છે.
- Advertisement -
ટ્વિટરે ડિસ્ક્રિપ્શનમાં ફેરફાર કર્યો
ટ્વિટરે વેરિફાઈડ યૂઝર્સના ડિસ્ક્રિપ્શનમાં ફેરફાર કર્યો છે. વેરિફાઈડ એકાઉન્ટ પર લખવામાં આવે છે કે, આ એકાઉન્ટ વેરિફાઈડ છે અથવા બ્લ્યૂ ટીકને સબસ્ક્રાઈબ કરવામાં આવી છે અથવા જૂની રીતે વેરિફાઈ કરવામાં આવેલ એકાઉન્ટ છે. બ્લ્યૂ વેબ વર્ઝન માટે પ્રતિ માસ 650 રૂપિયા અને વાર્ષિક 6,800 રૂપિયા ચાર્જ ચૂકવવાનો રહેશે.