ભારત વિરુદ્ધ તકલાદી સાબિત થયાં શસ્ત્રો તો હવે ચીને શરૂ કર્યો પ્રોપગેન્ડા

એક જેવી ભાષા, એક જ પ્રકારના દાવા

: સૌજન્ય :
ઑપઇન્ડિયા, ગુજરાતી

પહલગામના ઇસ્લામી આતંકી હુમલાનો બદલો લેવા માટે ભારતીય સશસ્ત્રબળોએ ઑપરેશન સિંદૂર હાથ ધર્યું અને પાકિસ્તાનમાં ઠેકઠકાણે ચાલતા આતંકી અડ્ડાઓને ફૂંકી માર્યા. સામે તરફે પાકિસ્તાને પણ જવાબી હુમલો કરવાના ઈરાદે ભારતનાં રહેણાંક તેમજ સૈન્ય ઠેકાણાં ટાર્ગેટ કરવાના નિષ્ફળ પ્રયાસ કર્યા, પણ ભારતની મજબૂત અને અભેદ્ય એર ડિફેન્સ સિસ્ટમ સામે ન પાકિસ્તાનનાં ડ્રોન ટકી શક્યાં, ન મિસાઇલો. ઑપરેશન સિંદૂરમાં ભારતની અભૂતપૂર્વ સફળતા અને પાકિસ્તાનની કારમી હારનાં મુખ્ય કારણોમાંનું એક કારણ પાકિસ્તાનનાં અત્યંત નબળાં શસ્ત્રો પણ માનવામાં આવે છે, જે આતંકવાદી દેશે તેના ખાસ મિત્ર દેશ ચીન પાસેથી ખરીદ્યાં હોવાનું જણાવવામાં આવી રહ્યું છે.

પાકિસ્તાને ચીન પાસેથી ખરીદેલાં દરેક પ્રકારનાં શસ્ત્ર ભારતના અસ્ત્ર-શસ્ત્ર સામે કફોડી રીતે ધોવાઈ ગયાં, એ પછી ફાઈટર જેટ હોય કે એર ડિફેન્સ સિસ્ટમ હોય કે ડ્રોન. આવી આંતરરાષ્ટ્રીય ફજેતી થયા બાદ ચીન પોતાની આ નિષ્ફળતા ઢાંકવા માટે એક પછી એક આંતરરાષ્ટ્રીય મીડિયાની સહાય લઇને પ્રોપગેન્ડા ફેલાવવા પર ઉતારું થઇ ચૂક્યું છે. આંતરરાષ્ટ્રીય મીડિયામાં ચીનના આવાં તકલાદી હથિયારોની ભરપૂર પ્રશંસા કરવામાં આવી રહી છે.

બ્લૂમબર્ગ, ફ્રાન્સ24 જેવી આંતરરાષ્ટ્રીય મીડિયા સંસ્થાઓ લોભામણાં મથાળાં સાથે ચીની હથિયારોનાં પોકળ વખાણ કરીને વિશ્વને ગેરમાર્ગે દોરવા માટે સમાચાર ચલાવી રહી છે. તેમાં સૌથી પહેલું અમેરિકન મીડિયા હાઉસ બ્લૂમબર્ગ હતું, જેણે સમાચાર છાપ્યા- ‘ભારત પાકિસ્તાન વચ્ચે તણાવ બાદ વધી ચીની હથિયારોની વિશ્વસનીયતા.’ સમાચારમાં ચીની હથિયારોની વાત કરવામાં આવી છે અને કેન્દ્રમાં છે ચીનનાં ઉં-10ઈ ફાઈટર જેટ અને ઙક-15 મિસાઈલો, જેનો ઉપયોગ ભારત સામે કરવામાં આવ્યો હતો. અવારનવાર જૂઠાણાં ચલાવવા માટે કુખ્યાત પાકિસ્તાની સેના અને વિદેશ મંત્રી ઇશાક ડારનાં બયાનો ટાંકીને ઉં -10ઈએ ભારતનાં પાંચ લડાકુ વિમાનોને ખતમ કરી દીધાં હોવાનો દાવો કરવામાં આવ્યો. એક બિનજવાબદાર પત્રકારત્વનું જીવંત ઉદાહરણ આપતા આ મીડિયા હાઉસે આ દાવાની પુષ્ટિ કરવાની પણ દરકાર ન કરી. જ્યારે હકીકત એ છે કે ભારતનાં પાંચ તો શું એક પણ વિમાનનો કાટમાળ પાકિસ્તાન અત્યાર સુધી દુનિયા સામે રજૂ શક્યું નથી અને આ જ કારણે પાકિસ્તાનના રક્ષા મંત્રીને જાહેરમાં ટેલિવિઝન પર ભારે ફજેતી પણ સહન કરવી પડી હતી.

એ પણ નોંધનીય છે કે પ્રથમ દિવસથી પાકિસ્તાન વારંવાર તેમની પ્રેસ વાર્તામાં કોઈ પણ સાબિતી વગર ફક્ત અને ફક્ત પોકળ શાબ્દિક દાવા જ કરતું રહ્યું છે. નરી આંખે દેખાઈ રહેલી આ બધી જ બાબતોને નજરઅંદાજ કરીને બ્લૂમબર્ગે પાકિસ્તાનને વિજેતા ઘોષિત કરી દીધું અને પાકિસ્તાની મિસાઈલ ઙક-15નાં પણ બે મોઢે વખાણ કરવાનું પણ બાકી ન રાખ્યું. નોંધવું રહ્યું કે આ એ જ મિસાઈલ છે જે કોઈ પણ ઠેકાણે સચોટ નિશાન લગાવ્યા વગર જ ફટાકડાની જેમ ફૂટી ગઈ હતી અને એનો ‘કાટમાળ” હોશિયારપુરમાંથી મળ્યો હતો.

PR માટે વિદેશી મીડિયાને કામે લગાડ્યું

બ્લૂમબર્ગનો આ લેખ લખવામાં જ એવી રીતે આવ્યો છે જેનાથી સમજાય જાય છે કે આ એક પ્રોપગેન્ડા આર્ટિકલ છે. તેનો પુરાવો પણ મીડિયા સંસ્થાએ પોતાની હરકતોથી જ આપી દીધો છે. જ્યારે 13 મેના રોજ આ સમાચાર પ્રકાશિત થયા ત્યારે લેખકો તરીકે જોશ શિયાઓ અને યિઆન લીનાં નામો દેખાતાં હતાં. નામ પરથી તો એવું પ્રતીત થાય કે આ બંને ચીનના પ્રોપેગેન્ડા ચલાવનારા પત્રકારો હોય શકે. જ્યારે લોકોએ બ્લૂમબર્ગને આડેહાથ લેવાનું ચાલુ કર્યું ત્યારે ચોરી પકડાઈ જવાના ડરથી આ બે પત્રકારોનાં નામમાંથી એકનું નામ બદલીને કોઈ ભારતીય નામ સુધી રંજન સેન કરી નાખ્યું! સ્પષ્ટ રીતે આ કારસ્તાન વિશ્વસનીયતા બચાવવા માટે કરવામાં આવ્યું હતું, પણ ઇન્ટરનેટના જમાનામાં કશું જ છૂપું રહી શકતું નથી. આ જૂઠાણાં ફેલાવવામાં પણ એક પછી એક મીડિયા હાઉસની સ્પર્ધા ચાલતી ગઈ.

બ્લૂમબર્ગ પછી ફ્રાન્સ24, યુરેશિયા ટાઇમ્સ, રોયટર્સ, ધ ગાર્ડિયનથી માંડીને બીજી મીડિયા સંસ્થાઓએ પણ આ જ લાઈન પકડી અને પ્રોપગેન્ડાને વૈશ્વિક સ્તરે પહોંચતો કરવામાં પોતપોતાનું યોગદાન આપ્યું. ફ્રાન્સ24 ત્યાંની સરકારની કૃપાથી ચાલતી મીડિયા સંસ્થા હોવા છતાં પોતાને ત્યાં બનેલાં રાફેલ વિમાનો પર જ સવાલ ઉઠાવીને બુદ્ધિનું પ્રદર્શન કર્યું. ફ્રાન્સ24એ પણ અમુક એવી જ વાતો લખી જે બ્લૂમબર્ગના લેખમાં લખવામાં આવી હતી. તેમાં પણ ઉં-10 વિશેનો ચીની પ્રોપગેન્ડા આગળ વધારવામાં આવ્યો, પરંતુ તટસ્થ દેખાવા માટે ચીનનાં ઇંચ-9 અને ઇંચ-16 એર ડિફેન્સ સિસ્ટમની ખામીઓ ગણાવીને કહ્યું કે આ એર ડિફેન્સ સિસ્ટમ ભારતીય હુમલાઓને રોકવામાં નિષ્ફળ ગઈ હતી.

ચાઈનીઝ પ્રોપેગેન્ડાને આગળ ધપાવતાં ધ ગાર્ડિયને પણ ઉં-10 અને ઙક-15 મિસાઈલને ગજબની શક્તિશાળી ગણાવી નાખી. ખાસ નોંધવા જેવી બાબત એ છે કે અહીં પણ એ જ વિશેષજ્ઞોના અભિપ્રાયો લેવામાં આવ્યા હતા, જેમની સાથે ચીની હથિયારો વિશે બ્લૂમબર્ગ કે અન્ય સંસ્થાઓએ પણ વાતચીત કરી હતી. ઇકોસિસ્ટમ કઈ રીતે કામ કરે છે તેનું આ ઉત્કૃષ્ટ ઉદાહરણ છે. એ જાણવું રહ્યું કે વહેતા મૂકવામાં આવેલા ઉપરોક્ત તમામ દાવાઓ કાં પાકિસ્તાને કર્યા છે કાં ચીને. મજાની વાત એ છે કે ચીની હથિયારોનાં ગુણગાન કરતા લેખોમાં એક જ પ્રકારના દાવા કરવામાં આવ્યા છે, એક જેવી જ ભાષા વાપરવામાં આવી છે અને એક જ સૂર જોવા મળી રહ્યો છે. આ સુખદ સંયોગ ન હોય શકે. ચીન પર જ્યારે પહેલેથી પશ્ચિમી મીડિયાના સહારે પ્રોપગેન્ડા ચાલવાના આરોપો લાગતા રહ્યા છે ત્યારે આવા સમયે આવાં પાયાવિહોણાં વિશ્લેષણો પર સો ટકા પ્રશ્નો ઉઠવાના.

ચીની સામાન અને વિશ્વસનીયતાને આમેય બારમો ચંદ્રમા છે અને ભારતીય હુમલાઓ રોકવાની આ નિષ્ફળતાથી આ સ્પષ્ટ પણ થઈ ચૂક્યું છે. પાકિસ્તાનમાં પ્રજાને બે ટંક ખાવાનાં પણ ફાંફાં છે, તેમ છતાં તેણે ચીન પાસેથી લગભગ 40 હજાર કરોડની શસ્ત્ર સામગ્રી ખરીદી હતી, જેમાં ડ્રોન્સ અને ઉંઋ-17 પણ સામેલ છે. જે પછીથી ભારતીય સેનાએ પશ્ચિમી સરહદે ઉડાવી દીધાં હતાં. ભારતનાં શક્તિશાળી હથિયારો સામે પાકિસ્તાનનાં આ ચીની હથિયારો અત્યંત નિર્બળ સાબિત થયાં. બીજી તરફ ભારતના અસ્ત્ર શસ્ત્ર, હથિયારોએ અદ્ભુત પ્રદર્શન કર્યું! એ દુનિયાએ પણ જોયું. વાસ્તવિકતા ધીમે-ધીમે બહાર આવી જ રહી છે અને તેની કિંમત ચીને આવનારા નજીકના સમયમાં જ આંતરરાષ્ટ્રીય હથિયારોના બજારમાં ચૂકવવી જ પડશે. ભારતને આનો પ્રત્યક્ષ-અપ્રત્યક્ષ ફાયદો થવો સ્વાભાવિક છે. વૈશ્વિક માર્કેટમાં એક તરફ ચીન પરનો વિશ્વાસ ડગમગી રહ્યો છે. આ વિશ્વાસ બચાવવા જ હવે વૈશ્વિક મીડિયાના સહારે પ્રોપગેન્ડા ફેલાવવાનો વધુ એક નિષ્ફળ પ્રયાસ કરવામાં આવી રહ્યો છે. પણ જનતા હૈ, સબ જાનતી હૈ!