CM રૂપાણીના મુગટમાં વધુ એક મોરપિચ્છ: નીતિ આયોગનાં એક્સપોર્ટ પ્રિપેર્ડનેસ ઇન્ડેક્સમાં ગુજરાત પ્રથમ સ્થાને

એક્સપોર્ટ પ્રમોશન પોલિસી, બિઝનેસ ઇકો સિસ્ટમ, બિઝનેસ એન્વાયર્નમેન્ટ, ટ્રેડ સપોર્ટ, ટ્રાન્સપોર્ટ કનેક્ટિવિટી જેવા અનેક માપદંડોમાં ગુજરાત અવ્વલ પુરવાર

ઇન્ડેક્સ રેન્કિંગનો આધાર ઇઝ ઑફ ડુઈંગ બિઝનેસ: વિજયભાઈ રૂપાણીનાં ઉદ્યોગો માટેનાં હકારાત્મક અભિગમનાં ઉમદા પરિણામ મળી રહ્યા છે

CM રૂપાણીના મુગટમાં વધુ એક મોરપિચ્છ ટંકાયું છે. નીતિ આયોગનાં એક્સપોર્ટ પ્રિપેર્ડનેસ ઇન્ડેક્સમાં ગુજરાત પ્રથમ સ્થાને રહ્યું છે. નીતિ આયોગે આજે બહાર પાડેલા એસ્પોર્ટ પ્રિપેડ નેસ ઇન્ડેક્ષ – ૨૦૨૦ માં ગુજરાત સમગ્ર દેશમાં પ્રથમ ક્રમે રહ્યું છે. આ ઇન્ડેક્ષ રેંકીંગ ઈઝ ઓફ ડુઇંગ બિઝનેસના આધાર પર કરવામાં આવેલું દેશનું પ્રથમ એક્સપોર્ટ પ્રિપેર્ડનેસ ઇન્ડેક્સ રેન્કિંગ છે અને તેમાં ગુજરાતે દેશના બધા જ રાજ્યો અને કેન્દ્ર શાસિત પ્રદેશોમાં સૌથી વધુ માનાંક મેળવીને ગૌરવવંતુ સ્થાન પ્રાપ્ત કર્યું છે. આ એસ્પોર્ટ પ્રિપેર્ડનેસ ઇન્ડેક્ષ રેંકીંગ માટે ૫૦ જેટલા માપદંડ નીતિ આયોગ દ્વારા નિર્ધારિત કરવામાં આવ્યા છે. આ પેરામીટર્સમાં એક્ષપોર્ટ પ્રમોશન પોલીસી, ઇન્સ્ટીટયુશનલ ફ્રેમવર્ક, બિઝનેસ ઇકો સિસ્ટમ, બિઝનેસ એન્વાયરમેન્ટ, ટ્રેડ સપોર્ટ, આર.એન્ડ ડી સપોર્ટ, એક્ષપોર્ટ ડાયવર્સીફીકેશન, ઇન્ફાસ્ટ્રકચર તથા ટ્રાન્સપોર્ટ કનેક્ટીવીટી વગેરેનો સમાવેશ થાય છે. ગુજરાતના મુખ્યમંત્રી વિજયભાઇ રૂપાણીના નેતૃત્વમાં પોલીસી રીફોર્મ્સ અને ઇઝ ઓફ ડુઇંગ બિઝનેસમાં અનેક સરળીકરણ સાથે દેશમાં પોલીસી ડ્રીવન સ્ટેટ તરીકે ઉભરી આવ્યું છે. દેશના કુલ એક્ષપોર્ટના ૨૦ ટકા વધુ કરતા એક્ષપોર્ટ કરીને ગુજરાત વિશ્વનું પ્રવેશદ્વાર બન્યું છે.