જિલ્લાની ટીમ દ્વારા 26 કેસ કરીને દૂકાનદારો પાસેથી કુલ રૂ.6200નો દંડ વસૂલ કરાયો
ખાસ-ખબર ન્યૂઝ ગિર સોમનાથ, તા.6
- Advertisement -
કલેકટર એન.વી.ઉપાધ્યાય તથા જિલ્લા વિકાસ અધિકારી સ્નેહલ ભાપકરના માર્ગદર્શન હેઠળ રાષ્ટ્રીય તમાકુ નિયંત્રણ કાર્યક્રમ અંતર્ગત વેરાવળના વિવિધ સ્થળો પર રેડ પાડવામાં આવી હતી. જિલ્લાની ટીમ દ્વારા કુલ 26 કેસ કરીને કુલ 6200 રૂૂપિયાનો દંડ વસૂલ કરવામાં આવ્યો હતો. જિલ્લામાં રાષ્ટ્રીય તમાકુ નિયંત્રણ કાર્યક્રમ અંતર્ગત તમાકુની ગેરકાયદેસર બનાવટો તેમજ ઈ-સિગારેટનું વેચાણ અટકે અને શૈક્ષણિક સંસ્થાની 100 વારની ત્રિજ્યામાં તમાકુની બનાવટોનં વેચાણ અટકે તે હેતુથી તમાકુ નિયંત્રણ અધિનિયમ-2003 હેઠળ વેરાવળ ખાતે રેડ ડ્રાઈવ કરવામાં આવી હતી. આ રેડ દરમિયાન વેરાવળ શહેરી વિસ્તારોમાં તમાકુ અને તમાકુની બનાવટ વેચનાર વેપારીઓની દુકાનો ઉપર ચેકિંગની કામગીરી હાથ ધરવામાં આવી હતી. જેમાં ઈઘઝઙઅ-2003 એક્ટ ની કલમ 6(અ) અન્વયે 18 વર્ષથી નીચેની વ્યક્તિને તમાકુ કે તમાકુની બનાવટ વેચવી તે ગુનો બને છે, અને તમાકુ કે તમાકુની બનાવટ વેચનાર દુકાનદારે બોર્ડ પણ લગાવવાનું ફરજીયાત હોય છે, પણ જિલ્લામાં આવી ઘણી બધી દુકાન ઉપર દુકાનદારો દ્વારા આવા બોર્ડ લગાવવામાં આવેલા ન હતા, તેથી આ ટીમ દ્વારા જિલ્લાની જુદી જુદી જગ્યાએ સઘન તપાસ કરી દુકાનદાર દ્વારા આવું બોર્ડ ન લગાવી નિયમનું ઉલ્લઘંન કરવા બદલ દંડ ફટકારાયો હતો.
આ ઉપરાંત કલમ 6(બ) મુજબ શૈક્ષણિક સંસ્થા ની 100 વારની ત્રિજ્યામાં તમાકુ કે તમાકુની બનાવટ વેચવી ગુનો બને છે છતાં પણ અમુક દુકાનો શૈક્ષણિક સંસ્થાની 100 વારની ત્રિજ્યામાં તમાકુની કે તમાકુની બનાવટ વેચતા હોવાથી આવા દુકાનદારો પાસેથી પણ દંડ વસુલ કરવામાં આવ્યો હતો. વધુમાં ઈ-સિગારેટ તેમજ છૂટક સિગારેટોના વહેચાણ ન કરવા અંગે તાકીદ કરવામાં આવી હતી.
