‘ધારાવી’ની હવે કાયાપલટ..!
DRPPLએ મહારાષ્ટ્ર સરકાર અને અદાણી ગૃપના સંયુક્ત કામગીરી: ધારાવી રિડેવલપમેન્ટ પ્રોજેક્ટના સરવેની કામગીરી આજથી શરૂ કરાઇ
- Advertisement -
મેપિંગની કામગીરી પૂર્ણ થયા બાદ જ લોકો પાસેથી દસ્તાવેજો એકત્ર કરાશે
ખાસ-ખબર ન્યૂઝ ઈં મુંબઇ, તા.20
ધારાવી રિડેવલપમેન્ટ પ્રોજેક્ટ પ્રાઇવેટ લિમિટેડ (DRP), મહારાષ્ટ્ર સરકાર અને અદાણી ગૃપના સંયુક્ત સાહસે, ધારાવીમાં અનૌપચારિક રીતે રહેતા લાખો રહેવાસીઓનો ડેટા એકત્ર કરવા માટે આજથી સર્વેની કામગીરી શરૂ કરી છે.
- Advertisement -
ધારાવી રિડેવલપમેન્ટ પ્રોજેક્ટના સર્વેની શરૂઆત કમલા રમણનગર સોસાયટીમાંથી કરવામાં આવી છે.DRPની ટીમ સોમવારે સવારે જ સર્વે શરૂ કરવા ધારાવી પહોંચી હતી. આ ટીમમાં 15 સભ્યો છે. DRP ટીમના જણાવ્યા અનુસાર, તેમને સર્વેની કામગીરી કરવામાં કોઈ સમસ્યાનો સામનો કરવો પડી રહ્યો નથી. સર્વે દરમિયાન લોકો તેમને સહકાર આપી રહ્યા છે. તમને જણાવી દઈએ કે સોમવારથી જે સર્વે કરવામાં આવી રહ્યો છે તે ડિજિટલ સર્વે છે. આ અંતર્ગત ત્યાં હાલના ઘરો પર પહેલા નંબર લખવામાં આવી રહ્યા છે. તે નક્કી કરવામાં આવ્યું છે કે પહેલા નંબરિંગ કરવામાં આવશે અને ત્યાર બાદ જ મેપિંગની કામગીરી કરવામાં આવશે. મેપિંગની કામગીરી પૂર્ણ થયા બાદ જ લોકો પાસેથી દસ્તાવેજો એકત્ર કરવામાં આવશે.
આ ધારાવી રિડેવલપમેન્ટ પ્રોજેક્ટનો સર્વે પૂર્ણ કરવામાં લગભગ 6 મહિનાનો સમય લાગી શકે છે. અંદાજે 600 એકરમાં ફેલાયેલા ધારાવીમાં અલગ-અલગ સ્ટેશનો અને રેન્જમાં સર્વે કરવામાં આવી રહ્યો છે. મહારાષ્ટ્ર સરકાર સૂચિત પુન:વિકાસ પ્રોજેક્ટ હેઠળ તેમના પુનર્વસન માટે યોગ્યતાના માપદંડો નક્કી કરવા માટે આ સર્વેક્ષણમાંથી એકત્રિત કરવામાં આવેલા ડેટાનો ઉપયોગ કરશે. સર્વેમાં પ્રથમ વખત ’ડિજિટલ ધારાવી’ નામની લાયબ્રેરી પણ બનાવવામાં આવનાર છે. ધારાવીના રહેવાસીઓના પ્રશ્નોના જવાબ આપવા અને તેમની સમસ્યાઓના નિરાકરણ માટે ટોલ ફ્રી નંબર 1800-268-8888 શરૂ કરવામાં આવ્યો છે.
DRPPLના પ્રવક્તાએ થોડા દિવસો પહેલા કહ્યું હતું કે, ધારાવી રિડેવલપમેન્ટ પ્રોજેક્ટ ( DRP) અને મહારાષ્ટ્ર સરકારનો આ સર્વે વિશ્વના સૌથી મોટા રિનોવેશન પ્રોજેક્ટ્સમાંનો એક છે.
મુંબઈને ઝૂંપડપટ્ટી મુક્ત બનાવવાની દિશામાં આ પહેલું પગલું છે. ધારાવીને આધુનિક શહેરમાં, મુંબઈની અંદર વૈશ્વિક કક્ષાની ટાઉનશિપમાં પરિવર્તિત કરવાની આ શરૂઆત છે.
અમે તમામ ધારાવીના રહેવાસીઓને આ કાર્યને સમર્થન આપવા વિનંતી કરીએ છીએ, જે અમને પુનર્વસન પ્રક્રિયા હાથ ધરવા સક્ષમ બનાવશે. ઉપરાંત, તે તેમને તેમના સપનાનું ઘર અપાવવામાં નિષ્ણાત સાબિત થશે.
ધારાવી રિડેવલપમેન્ટ પ્રોજેક્ટ પ્રાઇવેટ લિમિટેડ (DRPPL)એ મહારાષ્ટ્ર સરકાર અને અદાણી જૂથ વચ્ચેના સંયુક્ત સાહસ તરીકે રચાયેલ એક વિશેષ પ્રોજેક્ટ છે. DRPPL ધારાવીકરોને આધુનિક આવાસ આપીને અને તેમની સહજ ઉદ્યોગસાહસિક ભાવનાને સાચવીને તેમના જીવનમાં પરિવર્તન અને ઉન્નત લાવવાનો પ્રયત્ન કરે છે.
