વડાપ્રધાન મોદી કોલકાતામાં કરોડો રૂપિયાના કનેક્ટિવિટી પ્રોજેક્ટનું ઉદ્ઘાટન કરશે, જાણો ખાસિયત

• ભારતની પહેલી અંડરવોટર મેટ્રો ટનલનું પણ કરશે શિલાન્યાસ

વડાપ્રધાન નરેન્દ્ર મોદી આગામી 6 માર્ચે પશ્ચિમ બંગાળ અને બિહારની મુલાકાત લેશે. આ દરમિયાન વડાપ્રધાન મોદી કોલકાતામાં દેશની પ્રથમ અંડરવોટર મેટ્રો ટનલનું ઉદ્ઘાટન કરશે. રેલવે સૂત્રોના જણાવ્યા અનુસાર આ મેટ્રો હાવડા મેદાન અને એસ્પ્લેનેડ વચ્ચે દોડશે. આ સાથે વડાપ્રધાન મોદી કોલકાતામાં કરોડો રૂપિયાના કનેક્ટિવિટી પ્રોજેક્ટનું ઉદ્ઘાટન અને શિલાન્યાસ કરશે. વડાપ્રધાન મોદી કોલકાતા મેટ્રોના હાવડા મેદાન-એસ્પ્લેનેડ મેટ્રો સેક્શન, કવિ સુભાષ સ્ટેશન-હેમંત મુખોપાધ્યાય મેટ્રો સેક્શન અને તારાતલા-માજેરહાટ મેટ્રો સેક્શનનું ઉદ્ઘાટન કરશે.

અંડરવોટર મેટ્રો ટનલ હુગલી નદીના સ્તરથી 32 મીટર નીચે ચાલશે. આનાથી લોકોનો અવરજવરનો ​​સમય ઘટશે. તે સેક્ટર V થી હાવડા સુધી ચાલશે. હુગલીની નીચે ચાલતી દેશની પ્રથમ અંડરવોટર મેટ્રો રેલ નદી અને હાવડાને કોલકાતા શહેર સાથે જોડશે.

#Beautiful #Howrah #Metro station going to be an #interchanging station with #EasternRailway.#railinfra4westbengal#amarkolkatametro pic.twitter.com/TEeWPvnTg8

— Metro Railway Kolkata (@metrorailwaykol) March 4, 2024

જાણો શું છે માજેરહાટ મેટ્રો સ્ટેશનની ખાસિયત ?
કોલકાતા મેટ્રોની હાવડા મેદાન-એસ્પ્લેનેડ મેટ્રો ટનલ એ ભારતની કોઈપણ નદીની નીચે બાંધવામાં આવેલી પ્રથમ ટનલ છે. આ સાથે હાવડા મેટ્રો સ્ટેશન એ ભારતનું સૌથી ઊંડું મેટ્રો સ્ટેશન છે. આ ઉપરાંત માજેરહાટ મેટ્રો સ્ટેશન (તારાતલા-માજેરહાટ મેટ્રો સેક્શનનું પણ ઉદ્ઘાટન કરવામાં આવશે) એ એન્જિનિયરિંગની અનોખી અજાયબી છે. આ એકમાત્ર મેટ્રો સ્ટેશન છે જે સીધા રેલ્વે ટ્રેક અને પ્લેટફોર્મની ઉપર બનેલ છે. કોલકાતા મેટ્રો રેલ્વેના ચીફ પબ્લિક રિલેશન ઓફિસર કૌશિક મિત્રાએ કહ્યું કે, આ PM મોદી તરફથી કોલકાતાના લોકોને ભેટ છે. આ ઉદ્ઘાટન સાથે લાંબા સમયનું સ્વપ્ન સાકાર થવા જઈ રહ્યું છે.

પૂર્વ-પશ્ચિમ મેટ્રો કોરિડોર માટે અંડરવોટર ટનલ
રેલ્વે મંત્રી અશ્વિની વૈષ્ણવે કહ્યું હતું કે, કોલકાતા મેટ્રો પર કામ 1970ના દાયકામાં શરૂ થયું હતું, પરંતુ મોદી સરકારના છેલ્લા 10 વર્ષમાં જે પ્રગતિ થઈ છે તે પાછલા 40 વર્ષની સરખામણીમાં ઘણી વધારે છે. તેમણે કહ્યું કે, વડા પ્રધાનનું ધ્યાન ઈન્ફ્રાસ્ટ્રક્ચર બનાવવા અને દેશ માટે પાયો નાખવા પર છે, જે 2047 સુધીમાં વિકસિત રાષ્ટ્ર બનશે. કોલકાતા મેટ્રોનું કામ અનેક તબક્કામાં આગળ વધ્યું. વર્તમાન તબક્કામાં શહેરના પૂર્વ-પશ્ચિમ મેટ્રો કોરિડોર માટે નદીની નીચે એક ટનલ બનાવવામાં આવી છે.