એક વાત પર વિચાર કરો: માની લો કે, ભારતની ટીમ દરરોજ એક ટી-ટ્વૅન્ટી મેચ રમે છે. દરરોજ ચાહકોને, ભારતીય ક્રિકેટફેન્સને ટીમ તરફથી મોટી અપેક્ષાઓ હોય છે. ફેન્સ ઈચ્છે છે કે, રોજ સૂર્યા યાદવ ચોગ્ગા-છગ્ગાની આતશબાજી કરે, દરરોજ બુમરાહ કાતીલ બોલિંગ કરે, દરેક મેચમાં પંત અને ગીલ ફટકાબાજી કરે…. અપેક્ષાઓ અપાર હોય છે પણ સાતત્ય કેટલું રાખવું? અમારી પરિસ્થિતિ ટીમ ઈન્ડિયાની જેવી જ છે. અમે એક ડેઈલી છીએ, ડેઈલી રણમેદાનમાં ઉતરીએ છીએ. નિત્ય અમારે નવા શૉટ્સના પ્રયોગ કરવા પડે છે, હંમેશા અમારે એક-બે દૂસરા કે તીસરાનો આવિષ્કાર કરવો પડે છે. છેલ્લાં ચાર વર્ષથી ‘ખાસ-ખબર’ નિત્ય એક મેચ રમવા ઉતરે છે, ભરપૂર મહેનત કરે છે અને જીતે છે. વાચકો એટલે જ ‘ખાસ-ખબર’ના હવે ચાહકો બની ગયા છે.
અમારું અખબાર બહુ રૂપકડું છે, લે-આઉટ્સ એકદમ બ્યૂટીફુલ છે, આકર્ષક છે…. આવા કોમ્પ્લીમેન્ટ્સ અમે રોજ સાંભળીએ છીએ છેલ્લાં ચાર વર્ષથી. વાત સાચી પણ છે. અમારી પાસે સૌરાષ્ટ્રના શ્રેષ્ઠત્તમ આર્ટિસ્ટની ટીમ છે. ડીઝાઈનિંગ પાછળ અમે ચિક્કાર મહેનત કરીએ છીએ. દર વર્ષે તંત્રીલેખમાં પણ આ વાતનો ઉલ્લેખ હોય છે. આજે અન્ય કેટલાં મુદ્દાઓ અંગે વાત.
- Advertisement -
‘ખાસ-ખબર’ એક પ્રયોગ છે. સફળત્તમ પ્રયોગ છે. પણ આ સફળતા પામ્યા તે પહેલાં અમે ખૂબ મ્હેણાં સાંભળ્યા છે. અમે ડિજિટલ પ્લેટફોર્મ માટેના અખબારની તૈયારી કરી રહ્યાં હતાં ત્યારે ઘણાં લોકો મૂછમાં હસતાં હતાં. અનેક વ્યંગ્યબાણ પણ અમારી તરફ છૂટ્યાં. પરંતુ આજે પુરવાર થયું કે, અમે સમયથી આગળ હતાં અને દૂરનું વિચારનારા શરૂઆતમાં બહુ જૂતાં ખાય છે. પછી લોકો શરણાગતિ સ્વીકારે છે.
ડીઝાઈનિંગ ઉપરાંત ક્ધટેન્ટ અને પ્રેઝન્ટેશન એ અમારા અખબારનો આત્મા છે. અમે ‘વૉકલ ફોર લોકલ’નું સૂત્ર ભલે અપનાવ્યું હોય, રાજ્ય, દેશ અને દુનિયાને ભૂલ્યાં નથી. અમારું અખબાર બાહુબલી ગુજરાતી થાળી જેવું છે. તેમાં સ્થાનિક સમાચારો પણ છે, સૌરાષ્ટ્ર-ગુજરાત, દેશ અને દુનિયાના ન્યૂઝ પણ મળી રહે છે. અમારો ઞજઙ હાર્ડ હિટિંગ, પુરાવા સાથેનાં સ્ફોટક સ્કૂપ્સ છે તો બીજી તરફ દેશ-દુનિયાને સ્પર્શતા સમાચારો અમે વીણી-વીણીને વાચકોને પીરસીએ છીએ. આ બાહુબલી થાળીમાં ભોજનનાં રસ જ નહીં, જીવનનાં નવરસ પણ રીડર્સ અનુભવી શકે છે. એટલે જ આજે ‘ખાસ-ખબર’ માત્ર રાજકોટ- સૌરાષ્ટ્રના જ નહીં, ગુજરાતમાં અને દેશ-વિદેશમાં વસતા ગુજરાતીઓમાં પ્રિય બન્યું છે. અમેરિકા, બ્રિટન, કેનેડા, યુરોપ, ઑસ્ટ્રેલિયા અને ગલ્ફના દેશોમાં વસતા ગુજરાતીઓમાં પણ અમારું અખબાર પોપ્યુલર થઈ રહ્યું છે.
સાંધ્ય અખબારોમાં ‘ખાસ-ખબર’એ પોતાનું એક સ્થાન બનાવ્યું છે. કોઈ દાવો નથી કરવો. પ્રથમ, બીજું કે ત્રીજું…. એવી કોઈ નંબર ગેઈમમાં પડીને કોઈની લીટી નાની કરવાનો પ્રયાસ હરગીઝ નથી. અમે યથાશક્તિ અમારી લીટી લાંબી કરવામાં વ્યસ્ત છીએ. અમે કોઈ રેસમાં નથી. અમારો માર્ગ અલગ છે અને અમે નિરંતર યાત્રામાં છીએ. મંઝીલનો મોહ નથી, યાત્રાનો આનંદ છે. અમે અમારી પોતાની કેડી પર ચાલી રહ્યાં છીએ અને એ કેડી અમે જ બનાવેલી છે.
- Advertisement -
ઈવનિંગ ડેઈલીમાં સામાન્યત: મેગેઝિન સેકશન પર ખાસ ધ્યાન અપાતું નથી. ન્યૂઝ અને મેગેઝિન વિભાગ વચ્ચે સંતૂલન જાળવવાનો ભરપૂર પ્રયાસ કરી રહ્યાં છીએ. શનિવારી ‘વીક ઍન્ડ સ્પેશિયલ’ અંકમાં ગુજરાતીના ખ્યાતનામ લેખકોના તથા તરવરીયા નવા લેખકોના રસ ઝરતાં લેખો આપણાં અખબારમાં પ્રકાશિત થાય છે અને ખૂબ વંચાય છે. અમે પરંપરાગત પત્રકારત્વના અનેક નિયમો તોડ્યા છે. તદ્દન હટકે કહી શકાય તેવા ઍકસ્ક્લુઝિવ અહેવાલોની અમે ફ્રન્ટ પેજ લીડ સ્ટોરી બનાવી છે. અનેક પ્રસંગોએ પ્રથમ પેજ પર લેખ પ્રકાશિત કર્યા છે. અમે કોઈ ધારાધોરણમાં બંધાયા નથી, બંધાશું પણ નહીં.
આજે જમીન કૌભાંડિયાઓથી લઈને ભ્રષ્ટ અધિકારીઓ સુધીનાં વર્ગમાં ‘ખાસ-ખબર’નો ખૌફ છે. એમને ખ્યાલ છે કે, આ લોકોની હડફેટે ચડીશું તો કોઈ બચાવી નહીં શકે. પરિણામની પરવા કર્યાં વગર અમે સતત આક્રમક પત્રકારત્વ કરી રહ્યાં છીએ. અમારી ટેગલાઈન જ બધું કહી જાય છે: છોડે નહીં કોઈ કસર….
સાંધ્ય અખબારોમાં ‘ખાસ-ખબર’એ પોતાનું એક સ્થાન બનાવ્યું છે. કોઈ દાવો નથી કરવો. પ્રથમ, બીજું કે ત્રીજું…. એવી કોઈ નંબર ગેઈમમાં પડીને કોઈની લીટી નાની કરવાનો પ્રયાસ હરગીઝ નથી. અમે યથાશક્તિ અમારી લીટી લાંબી કરવામાં વ્યસ્ત છીએ. અમે કોઈ રેસમાં નથી. અમારો માર્ગ અલગ છે અને અમે નિરંતર યાત્રામાં છીએ. મંઝીલનો મોહ નથી, યાત્રાનો આનંદ છે. અમે અમારી પોતાની કેડી પર ચાલી રહ્યાં છીએ અને એ કેડી અમે જ બનાવેલી છે.