અમેરિકાના ન્યાય વિભાગે જણાવ્યું હતું કે, બેલ્જિયમની નાગરિક નેહલ મોદીને ભારતની પ્રત્યાર્પણ વિનંતી બાદ કસ્ટડીમાં લેવામાં આવી હતી.
નીરવ મોદીનો ભાઈ નેહલ મોદીની અમેરિકામાં છેતરપિંડીના કેસમાં ધરપકડ કરવામાં આવી છે. પંજાબ નેશનલ બેન્ક કૌભાંડમાં વધુ એક આરોપી સામે ભારતને મોટી સફળતા મળી છે.
- Advertisement -
ભારતના એન્ફોર્સમેન્ટ ડિરેક્ટોરેટ (ED) અને સેન્ટ્રલ બ્યુરો ઓફ ઇન્વેસ્ટિગેશન (CBI) ની સંયુક્ત અપીલ પર કાર્યવાહી કરતા અમેરિકાના જસ્ટિસ ડિપાર્ટમેન્ટે 4 જુલાઈ, 2025 ના રોજ નીરવ મોદીના ભાઈ નેહલ મોદીની ધરપકડ કરી હતી. ભારત સરકારની પ્રત્યાર્પણ વિનંતી હેઠળ નેહલ મોદીની ધરપકડ કરવામાં આવી છે. હવે તેના અમેરિકા પ્રત્યાર્પણ માટેની કાર્યવાહી શરૂ થઈ ગઈ છે.
નીરવ મોદીના ભાઈ નેહલ મોદીની ધરપકડ
નેહલ મોદી પર આરોપ છે કે પીએનબી કૌભાંડમાં તેણે પોતાના ભાઈ નીરવ મોદીની મદદથી કૌભાંડમાં કમાયેલા હજારો કરોડ રૂપિયાના બ્લેક મનીને વ્હાઈટ કરવામાં મહત્ત્વપૂર્ણ ભૂમિકા નિભાવી છે. નેહલ મોદીએ કરોડો રૂપિયાની ગેરકાયદેસર કમાણી છુપાવવામાં અને તેને શેલ કંપનીઓ અને વિદેશી વ્યવહારો દ્વારા વ્હાઈટ કરવામાં નિર્વ મોદીને મદદ કરી છે.
- Advertisement -
નીરવ મોદી પોતે હાલમાં બ્રિટનમાં પ્રત્યાર્પણ કાર્યવાહીનો સામનો કરી રહ્યો છે. નેહલ મોદીના પ્રત્યાર્પણ કેસની આગામી સુનાવણી 17 જુલાઈ, 2025 ના રોજ નક્કી કરવામાં આવી છે. જેમાં સ્ટેટસ રિવ્યૂ થશે. આ સુનાવણી દરમિયાન, નેહલ મોદી જામીન માટે પણ અરજી કરી શકે છે. આ ધરપકડ ભારતની તપાસ એજન્સીઓ માટે એક મહત્ત્વપૂર્ણ પગલું માનવામાં આવે છે.
