ખાસ-ખબર ન્યૂઝ જૂનાગઢ, તા.6
જૂનાગઢ માળીયા હાટીના પોલીસ સ્ટેશનના એક ગુનાના અપહરણ કેસમાં છેલ્લા બે વર્ષથી નાસતા ફરતા આરોપીને જૂનાગઢ ક્રાઇમ બ્રાંચે શહેરના ભૂતનાથ ફાટક પાસેથી ઝડપી પાડી આગળની કાર્યવાહી કરી હતી. પોલીસમાંથી પ્રાપ્ત વિગત મુજબ માળીયા હાટીના પોલીસ સ્ટેશનના એક અપહરણ કેસમાં છેલ્લા બે વર્ષથી ફરાર આરોપી હરેશ દેવરાજ રબારી (ઉ.વ.27) રહે.ગાંધીગ્રામ જૂનાગઢ વાળાને ભૂતનાથ ફાટક પાસે ઉભો હોવાની હકિકત ક્રાઇમ બ્રાંચને મળતા હરેશ દેવરાજ કરમટાને ઝડપી પાડવામાં આવ્યો હતો અને ઝડપાયેલ ફરાર આરોપીને માળીયા પોલીસ સ્ટેશન સોંપીને પોલીસે વધુ ધોરણસરની કાર્યવાહી હાથ ધરી હતી.
