આ વર્ષે જોની ડેપની ફિલ્મ ‘જિયન ડૂ બૈરી’ (Jeanne du Barry) સાથે કાન્સ ફિલ્મ ફેસ્ટિવલની શરૂઆત થઈ છે. લોકોનું રિએક્શન જોઈને જોપી ડેપ ભાવુક થયા.
આ વર્ષે જોની ડેપની ફિલ્મ ‘જિયન ડૂ બૈરી’ (Jeanne du Barry) સાથે કાન્સ ફિલ્મ ફેસ્ટિવલની શરૂઆત થઈ છે. ફિલ્મ પૂર્ણ થયા પછી હજારો લોકો જોની ડેપ માટે ઊભા થયા હતા અને સાત મિનિટ સુધી સ્ટેન્ડિંગ ઓવેશન આપ્યું હતું. લોકોનું આ રિએક્શન જોઈને જોની ડેપ ભાવુક થયા હતા.
- Advertisement -
તાળીઓના ગડગડાટ વચ્ચે જોની જેપ પોતાની લાગણી પર કાબૂ રાખી શક્યા નહોતા અને રડી પડ્યા હતા. આ વિશેષ પળનો વીડિયો સોશિયલ મીડિયા પર વાયરલ થઈ રહ્યો છે. જેમા જોની ડેપ લોકોનો આભાર વ્યક્ત કરતા જોવા મળી રહ્યા છે, તેમની સાથે ફિલ્મ નિર્દેશક માયવેન પણ જોવા મળી રહી છે.
અંબર હર્ડ વિવાદ પછી જોની ડેપની કમબેક ફિલ્મ
ફિલ્મ ‘જિયન ડૂ બૈરી’માં ફ્રેંચ કિંગ લુઈસ XVનું પાત્ર ભજવ્યું છે. જોની ડેપની પૂર્વ પત્ની સાથે ચાલેલ હાઈ પ્રોફાઈલ કોર્ટ ટ્રાયલ પછી આ ફિલ્મ આવી છે. આ ફિલ્મને જોની ડેપની કમબેક ફિલ્મ કહેવામાં આવી રહી છે. અંબર હર્ડ અને જોની ડેપે એકબીજા પર ગંભીર આરોપો મુક્યા હતા.
- Advertisement -
7 min standing ovation 😭♥️
Over a decade of being humiliated, abused, gaslit and embarrassed into silence, but Johnny Depp is finally, truly free#JohnnyDepp #JohnnyDeppCannes2023 #JohnnyDeppKeepsWinning #JohnnyDeppIsASurvivor #JohnnyDeppKingLouisXVpic.twitter.com/QFo951m1Ji
— Sara (@SaraKean) May 16, 2023
સારા નામની એક ટ્વિટર યૂઝરે કાન્સ ફિલ્મ ફેસ્ટિવલનો વીડિયો શેર કર્યો છે. કેપ્શનમાં લખ્યું છે કે, ‘સાત મિનિટનું સ્ટેન્ડિંગ ઓવેશન. એક દાયકા કરતા પણ વધુ સમય સુધી અપમાન સહન કર્યું, ગાળો સાંભળી અને ચૂપચાપ શર્મિંદા થતા રહ્યા, જોની ડેપ તમે ખરેખર આઝાદ છો.’
ફિલ્મ સ્ક્રીનિંગ પહેલા વિવાદ
જોની ડેપની ફિલ્મ સાથે કાન્સ ફિલ્મ ફેસ્ટિવલની શરૂઆત કરવા બાબતે અનેક સવાલો કરવામાં આવ્યા હતા. કાન્સના ચીફ થિએરી ફ્રેમોક્સે જણાવ્યું હતું કે, ‘હું મેવેનની ફિલ્મને વિવાદિત માનતો નથી. જોની ડેપ પર પ્રતિબંધ મુકવામાં આવ્યો હોત, તો તે વાત અલગ છે, પરંતુ તેના પર પ્રતિબંધ મુકવામાં આવ્યો નથી. જોને ડેપે કોર્ટમાં કેસ જીત્યો છે, પરંતુ આ ફિલ્મ જોની ડેપ વિશે નથી.’
