ખાસ-ખબર ન્યૂઝ રાજકોટ
આગામી બે વર્ષમાં, દેશ લગભગ તમામ મોબાઇલ ફોન પાર્ટસ (ડિસ્પ્લે, બેટરી, ચિપસેટ્સ અને અન્ય મહત્વપૂર્ણ ઘટકો) ભારતમાં બનાવવામાં આવશે. ઇલેક્ટ્રોનિક્સ અને માહિતી ટેકનોલોજી મંત્રાલયે આ માટે તૈયારીઓ શરૂ કરી દીધી છે. મંત્રાલય 2027 સુધીમાં મોબાઇલ ફોન ઉત્પાદનમાં સંપૂર્ણ આત્મનિર્ભરતા પ્રાપ્ત કરવાનું લક્ષ્ય રાખે છે.
- Advertisement -
સરકાર આ માટે 200 કરોડનું રોકાણ કરી રહી છે. ડેટા સુરક્ષાને પણ સર્વોચ્ચ પ્રાથમિકતા આપવામાં આવી છે. મંત્રાલયના જણાવ્યા અનુસાર, સીસીટીવી કેમેરા, બાયોમેટ્રિક સિસ્ટમ્સ અને અન્ય સ્માર્ટ ઉપકરણોમાં વપરાતી ચિપ્સ પણ સ્વદેશી રીતે વિકસાવવામાં આવશે, જેનાથી વિદેશી સ્ત્રોતો પરની નિર્ભરતા દૂર થશે.
સૂત્રોના જણાવ્યા અનુસાર, સરકાર ટૂંક સમયમાં મોબાઇલ કંપનીઓને નવા ફોનમાં સ્વદેશી નેવિગેશન અને ડેટા એપ્સ પ્રી-ઇન્સ્ટોલ કરવાનો નિર્દેશ આપી શકે છે. આનો ઉદ્દેશ્ર્ય મેક ઇન ઇન્ડિયા અને ડિજિટલ સ્વનિર્ભરતાનો લાભ લોકોને મળે તે સુનિશ્ર્ચિત કરવાનો છે.
નોંધનીય છે કે ભારતમાં મોબાઇલ ફોન ઉત્પાદનનો વ્યવસાય ઝડપથી વધી રહ્યો છે. 2014-15માં મોબાઇલ ફોનનું ઉત્પાદન 18,000 કરોડનું હતું અને 2024-25 સુધીમાં તે 5.45 લાખ કરોડ સુધી પહોંચવાનો અંદાજ હતો. ભારત વિશ્ર્વનો બીજો સૌથી મોટો મોબાઇલ ફોન ઉત્પાદક દેશ છે. લગભગ 85% ભારતીય ઘરોમાં હવે ઓછામાં ઓછો એક સ્માર્ટફોન છે. આ વિસ્તરણ સાથે, સરકાર ઇચ્છે છે કે આગામી છલાંગ સંપૂર્ણપણે સ્વદેશી ટેકનોલોજી પર આધારિત હોય. ‘અમે ફક્ત એસેમ્બલી પર જ નહીં, પણ નવીનતા અને ઉત્પાદન પર પણ ધ્યાન કેન્દ્રિત કરી રહ્યા છીએ, મંત્રાલયના એક અધિકારીએ જણાવ્યું.’
