જૂનાગઢમાં ખાખીના ખોફથી આમ પ્રજા ખુશ: 4 કલાકના કોમ્બિંગમાં 286 તત્વો જબ્બે

જૂનાગઢ SPએ અસામાજિક તત્વોને કરાવ્યું કાયદાનું ભાન

SP હર્ષદ મેહતા દ્વારા વહેલી સવારે મેગા ઓપરેશનથી લૂખ્ખાઓમાં ફફડાટ

ખાસ-ખબર સંવાદદાતા
જૂનાગઢ પોલીસ અધિક્ષક તરીકે ચાર્જ સંભાળ્યા બાદ શહેરમાં શાંતિ અને સલામતી જળવાય તેના માટે રાત દિવસ એક પછી એક મેગા કોમ્બિંગ કરવામાં આવી રહ્યા છે ત્યારે જૂનાગઢ શહેરના સંવેદન શીલ વિસ્તારોમાં વેહલી સવારે 4 વાગ્યા થી 8 વાગ્યા સુધી કોમ્બિંગ યોજવામાં આવ્યું હતું જેમાં કુલ 286 અસામાજિક તત્વો સહીત પીધેલા તેમજ વગર નંબર પલેટના વાહનો અને હથિયાર સાથે રખડતા ભટકતા ઈસમો ને ઝડપી લેવામાં સફળતા મળી હતી ત્યારે નવ નિયુક્ત પોલીસ અધિક્ષક ની કામગીરી થી આમ પ્રજા ખુશી અનુભવી રહી છે. જૂનાગઢ શહેરમાં કાયદો વ્યવસ્થા સ્થિતિ જળવાય રહે અને શાંતિ અને સલામત જૂનાગઢ રહે તેના માટે અસામાજિક તત્વો પર પોલીસે તવાઈ બોલાવી છે જેમાં જૂનાગઢ જિલ્લાના 360 પોલીસ સાથે પોલીસ અધિક્ષક અને એલસીબી, એસઓજી સહીત તમામ થાણા ના અધિકારી સાથે મેગા ઓપરેશન હાથ ધરવામાં આવ્યું હતું અને અસામાજિક તત્વો પર ધોંસ બોલાવી હતી આ મેગા કોમ્બિંગ માં મજેવડી ગેટ પાસે પોલીસ પર હુમલો કરનાર નાસતા ફરતા 13 આરોપી ઝડપાયા હતા તેની સાથે નંબર પ્લેટ વગરના વાહનો સાથે ફેન્સીં નંબર પ્લેટવાળા વાહનો સાથે 103 તેમજ શરીર સંબંધી ગુનાના 125 આરોપી અને છરી, ચપ્પા અને અન્ય હથિયારો સાથે 24 લોકોની સામે કાયદેસરની કાર્યવાહી કરવામાં આવી હતી. જૂનાગઢ એસપીએ સરપ્રાઈઝ મેગા કોમ્બિંગ થી અસામાજિક તત્વો સુતા ઝડપાય ગયા હતા 360 પોલીસ લાઠી , હેલમેન્ટ સાથે સજ્જ થયા હતા અને વેહલી સવારે 4 વાગ્યે અલગ અલગ ટિમો સાથે શહેરના સુખનાથ ચોક , દાતાર રોડ, પંચેશ્વર, કડીયાવાડ, દોલતપરા ગાંધીગ્રામ વિસ્તાર જમાલવાડી સહીતના વિસ્તારોમાં કોમ્બિંગ કર્યું હતું જેમાં કુલ 286 ઝપટે ચડ્યા હતા ત્યારે આ કામગીરી દરમિયાન સિનિયર સીટીઝન, મહિલા અને બાળકો સહીત કોઈપણ ફેમેલીને અડચણ નો થાય તેના માટે એસપી હર્ષદ મેહતા એ તકેદારી રાખવા સૂચના આપી હતી.

મજેવડી કાંડનાં 13 આરોપી ઝડપાયા
જૂનાગઢમાં થોડા સમય પહેલા દરગાહ હટાવવા મામલે પોલીસ પર હુમલો થયો હતો જેમાં હજુ અનેક આરોપીઓ ફરાર છે. ત્યારે ગઇકાલે મેગા કોમ્બીંગમાં વધુ 13 ફરાર આરોપીઓ ઝડપાયા હતા. જેમાં સોહિલ યુસુફ જામ, શાબીરશા બોદુશા શાહમદાર, માહિર વલીમહમદ સુમરા, ઇમરાન કાસમ અગવાન, અકરમ ઉર્ફે નિહાળી નજીર હમદાણી, વસીમ નજી હમદાણી, અબ્બાસ રહેમતખાન પઠાણ, શાહનવાઝ સુલતાન અંસારી, સલીમ આમદ અજલાણી અને ઉસ્માન યુસુફ ધોબીને પકડી વધુ કાર્યવાહી હાથ ધરવામાં આવી હતી.

મેગા ડ્રાઇવથી અસામાજીક તત્વોમાં ફફડાટ ફેલાયો
જૂનાગઢ શહેરમાં ગઇકાલે સંવેદનશીલ વિસ્તારમાં થયેલ મેગા ડ્રાઇવમાં 286 લોકોને ઉંઘતા જડપી પાડયા હતા. જેમાં હથિયારો તેમજ નશાની હાલતમાં તેની સાથે વાહનોમાં વગર નંબર પ્લેટ સહિતના ગુનાઓમાં નાસતા ફરતા લોકોને જડપીને જે રીતે પોલીસે ખાખીનો ખોફ બતાવતા અસામાજીક તત્વોમાં ફફડાટ ફેલાયો હતો અને શહેરની આમ પ્રજામાં પોલીસ પ્રત્યેની જે થયેલ કામગીરી બિરદાવી હતી.