માણાવદરમાં ફકીર સમાજના હોદ્દેદારોની વરણી થતા સર્વત્ર આવકાર

ખાસ-ખબર સંવાદદાતા
માણાવદરમાં ફકીર સમાજની સાધારણ સભા મળી હતી જેમાં ઓલ ગુજરાત મુસ્લિમ ફકીર દીવાન સમાજના જોઈન્ટ પ્રમુખ ઈરફાનશાહ સોહરવર્દીનાં અધ્યક્ષ સ્થાને મળી હતી જેમાં વિશાળ સંખ્યામાં જ્ઞાતિ જનો ઉપસ્થિત રહ્યા હતા,સમાજના વર્તમાન પ્રમુખ સલીમશા રફાઇ વય મર્યાદા સ્વૈચ્છિક નિવૃત્તિ જાહેર કરતા આગામી પાંચ વર્ષ માટે નવા હોદ્દેદારોની નિમણુક આપવામાં આવી હતી જેમાં પ્રમુખ તરીકે ગુલાબશા સર્વદી, ઉપપ્રમુખ તરીકે ઇરફાનશા અનવરશા અને મહામંત્રી નવાઝશા રફાઈ,ખજાનચી સલીમશા સર્વદી સહિત કારોબારી સમિતિ ની રચના કરી બિનહરીફ વરણી કરવામાં આવતા નવા હોદ્દેદારો ને ફૂલહાર કરી સન્માન કરી અભિનંદન પાઠવ્યા હતા અધ્યક્ષ સ્થાને ઉપસ્થિત ઓલ ગુજરાત મુસ્લિમ ફકીર દીવાન સમાજના જોઈન્ટ પ્રમુખ ઈરફાન શાહે સમાજમાં ઘર કરી ગયેલા કુરિવાજોને તીલાંજલિ આપી શિક્ષણ અને ઈલ્મે દિન ઉપર ભાર આપી સંગઠિત થઈને રહેવા શિખ આપી હતી.