દશેરા શસ્ત્ર પૂજનનો દિવસ

મિલન ખિરા

આધુનિક યુગની અંદર શસ્ત્ર એટલે માત્ર તલવાર ભાલા કે બંદૂક પિસ્તોલ નથી રહ્યા તેમજ શાસ્ત્રો એટલે વેદ અને ઉપનિષદ નથી રહ્યા. બંનેનું વર્તુળ ખૂબ મોટું થવા જઈ રહ્યું છે. આજે આધુનિક શસ્ત્રો અને શાસ્ત્રોની વાત કરશું સાથે તેના મહારથીની. યુનિટ 8200 અને યુનિટ 1391. 1 યુનિટ 8200 એટલે આધુનિક શસ્ત્ર : આપણે હમણાં ન્યુઝ પેપર અને જેનો માં આના ઘણી વખત સાંભળ્યું છે અને તમને ઉત્સુકતા પણ હશે કે આ શું યુનિટ છે? પરંપરાગત શસ્ત્રો ઉપરાંત હવે જે શસ્ત્રોમાં ઉમેરાયું છે તે છે, ઇલેક્ટ્રોનિક વોરફેર. આપણે હમણાં જોયું કે ઇઝરાયેલએ લેબનોનમાં પેજર અને વોકી ટોકી બ્લાસ્ટ થયો તે નેટવર્ક સેબોટેઝ હતું. મોટાભાગના લોકો માને છે કે પેજર અને વોકી-ટોકીમાં વિસ્ફોટક પહેલેથી મુકાયેલા હતા અને પાછળથી બ્લાસ્ટ કરવામાં આવ્યો પણ સત્ય હકીકત એ છે કે તેમાં કોઈ વિસ્ફોટક નહોતા ફક્ત લિથિયમ આયન બેટરી હતી જેમાં ફક્ત ફર્મવેરના (સોફ્ટવેર) ઉપયોગ થી બ્લાસ્ટ કરવામાં આવ્યા હતા.

યુનિટ 8200 તે ઇઝરાયેલ નો એક એવું યુનિટ છે જે દેશ વિદેશો ની અંદર ઇલેક્ટ્રોનિક વોરફેરનું કામ કરે છે, ફોન હેકિંગ અને ટેપિંગ, કોમ્પ્યુટર હેકિંગ, વોઇસ એનાલિસિસ, ફેસ એનાલીસીસ, ડ્રોન વિડીયો એનાલિસિસનો, એક્સપર્ટ યુનિટ છે. શા માટે યુનિટ 8200 નામ રાખવામાં આવ્યું? આનો સર્વપ્રથમ જનમ 1948 માં થયો હતો ત્યારે તેનું નામ યુનિટ 515 હતું આગળ જતા તેનું નામ યુનિટ 848 કરવામાં આવ્યું હતું પરંતુ 1973 ના એક ઓપરેશન દરમિયાન યુનિટ 848 નું કામ નિષ્ફળ ગયું હતું સાથોસાથ યુનિટ 848 નામ પણ જાહેર થઈ ગયું હતું. માટે 1973 માં તેને નવું નામ આપવામાં આવ્યું યુનિટ 8200. આંકડાકીય નામ રાખવાનો મતલબ એટલા માટે હતો કે કોઈપણ જાતના ટેપિંગ અથવા ગુપ્ત રીતના માહિતી સહેલી રીતના લીક ન થાય. અત્યારે આ યુનિટમાં 5000 કરતાં વધારે એક્સપર્ટસ ઇઝરાયલ માટે કામ કરી રહ્યા છે. આ માટે ફક્ત એવા લોકોને જ સિલેક્ટ કરવામાં આવે છે કે જે હંમેશા આઉટ ઓફ ધ બોક્સ જ વિચાર કરે જેને આપણે તરંગી પણ કહી શકાય. કારણ કે આ યુનિટ નું કામ જ લોકોની જ્યાં આગળ વિચારવાની શક્તિ પૂરી થાય ત્યાંથી કામ શરૂ કરવાની છે. એવું કોણે વિચાર્યું હશે કે પેજર અને વોકી ટોકી માં પણ બ્લાસ્ટ થઈ શકે? તેના બીજા ઓપરેશન ની વાત કરીએ તો 2010 માં કોમ્પ્યુટર વાયરસ થી ઈરાનના ન્યુક્લિયર મથક ને નકામું કરી નાખ્યું હતું અને આખો પ્રોગ્રામ 20 વર્ષ માટે પાછળ ધકેલી દીધો હતો.

આવી જ રીતના 2007 માં સીરિયા જે ગુપ્ત રીતના ન્યુક્લિયર રિએક્ટર બનાવી રહ્યું હતું તેનો પણ નાશ કરવામાં આવ્યો હતો. અસંખ્ય સક્સેસફુલ મિશનો પાર પાડ્યા હતા. પણ ઓક્ટોબર 2023 માં હમાસ દ્વારા થયેલો હુમલોને ડિટેક્ટ કરવામાં નિષ્ફળ પણ રહ્યું હતું. 2 યુનિટ 1391 : યુનિટ 8200 વિશે તો ઘણા બધા લોકો જાણતા થઈ ગયા છે પણ હજુ આવું એક યુનિટ છે જેનું નામ છે યુનિટ 1391. દરેક દેશો પાસે ગુપ્ત જેલો અને ઈન્ટ્રોગેશન સેન્ટર હોય છે. ઇઝરાયેલની એક ગુપ્ત જેલ અને ઈન્ટ્રોગેશન સેન્ટરનું નામ છે યુનિટ 1391. આ જેલ ની અંદર દેશ વિદેશથી ગુપ્ત રીતે લઈ આવેલા કેદીઓને રાખવામાં આવે છે અને તેમનું મોઢું ખોલાવીને માહિતી મેળવવાનો પ્રયત્ન થાય છે. આ યુનિટ સમગ્ર વિશ્વથી તેમજ ઇઝરાયેલના નાગરિકો થી પણ ગુપ્ત રાખવામાં આવેલ છે, અને તેના અસ્તિત્વનો કાયમ અસ્વીકાર થતો રહ્યો છે. અહીં માહિતીઓ મેળવવા માટે થર્ડ ડિગ્રી ની બદલે સાયકોલોજીકલ ટોર્ચર નો ઉપયોગ કરવામાં આવે છે. અને તે ભલ ભલા લોકોને તોડી નાખે છે. અહીં શારીરિક ને બદલે માનસિક પીડા આપવામાં આવે છે. દિવસો સુધી લાઈટ ચાલુ રાખે છે અથવા દિવસો સુધી લાઈટ બંધ રાખે છે, દિવસો નહીં પણ મહિનાઓ સુધી બીજા કોઈનું મોઢું જોઈ શકતા નથી, માહિતી ન મળે ત્યાં સુધી વકીલ કે ડોક્ટર કે કોર્ટની સગવડતા અપાતી નથી. ઇઝરાયેલ પાસે આવા બીજા ઘણા પણ નામી અનામી યુનિટ્સ છે જેમકે, મોસ્સાદ,શીન બેત, યુનિટ 9900 યુનિટ 504 વગેરે, જેની વાત ફરી ક્યારેક.