ચેક રીર્ટન થતા ક્વાડશીપ ટ્રાયમેક્સ કંપનીના ડાયરેકટર વિરુદ્ધ દાખલ થયેલી ફરિયાદ અન્વયે સમન્સ ઈસ્યુ કરતી અદાલત

ખાસ-ખબર ન્યૂઝ રાજકોટ

તાપી જીલ્લાના વ્યારા મુકામે રહેતા અને મધ્યપ્રદેશમા ગ્વાલીયર મુકામે કવાડશીપ ટ્રાયમેક્સ પ્રા.લી. ના ડાયરેકટર તરીકે રહી ધંધો કરતા અંકુર ધીરૂભાઈ ગમીતે ફરીયાદી પાસેથી લીધેલ રકમ પરત કરવા ઈશ્યુ કરી આપેલ ચેક રીર્ટન થતા તે અન્વયે રાજકોટના રહીશ અને નેવીલ ઓવસીસ પેઢીના માલીક મોનીક બીપીનભાઈ લોઢીયાએ ફરીયાદ દાખલ કરતા રાજકોટના મહે. એડી. ચીફ જયુડી. મેજી સાહેબે કવાડશીપ ટ્રાયમેક્સ પ્રા.લી. કંપની તથા તેના ડાયરેકટર અંકુર ગમીતને અદાલતમાં હાજર થવા સમન્સ ઈસ્યુ કરતો હુકમ ફરમાવેલ છે. કેસની હકીકત જોઈએ તો, ફરીયાદી રાજકોટ મુકામે નેવીલ ઓવર્સીસ નામે પેઢી ધરાવતા હોય અને ઈન્પોર્ટ એક્ષપોર્ટનુ કામકાજ કરતા હોય અને આરોપી તાપી જીલ્લા ના વ્યારા મુકામે રહેતા હોય અને મધ્યપ્રદેશમા ગ્વાલીયર મુકામે કવાડશીપ ટ્રાયમેક્સ પ્રા.લી. ના ડાયરેકટર દરજજે ધંધો કરતા હોય ફરીયાદી તથા આરોપી એક્ષપોર્ટ ઈમ્પોર્ટના કલાસીસમા મળેલ અને થયેલ મીત્રતાના ભાગરૂપે આરોપીને છ માસ માટે નાણાની જરૂર હોવાથી રૂા.12,45,000/- બેંક ટુ બેંક અને રૂા.4,00,000/- રોકડા મળી રૂા.16,45,000/- આપતા સમય અવધી પુર્ણ થતા રકમ ની માંગણી કરતા આરોપીએ આ રકમનો ચેક સહી કરી ઈશ્યુ કરી આપી ચેક પરત ફરશે નહી તેવા વચન વિશ્વાસ અને ખાત્રી આપતા તે ભરોપે ફરીયાદીએ ચેક તેઓના બેંક ખાતામાં રજુ રાખતા ચેક પાસ થયેલ નહી અને ફંડસ ઈન્સફીસ્યન્ટના શેરા સાથે પરત ફરતા આરોપીને નાણાની માંગણી કરતી નોટીસ મોકલતા આરોપીએ રૂા.4,00,000/- તથા રૂા.2,20,000/- બેંક ટુ બેંક મોકલી બાકી રહેલ રકમ રૂા.10,25,000/- ન મોકલતા ફરીયાદીનુ કાયદેસરનુ લેણુ પરત અદા ન કરી લેણુ ડુબાડવાનો બદ આશય ધારણ કરી આરોપીએ ધી નેગોશીયેબલ ઈન્સ્ટ્રુમેન્ટ એકટ અન્વયે ગંભીર પ્રકારનો ગુનો કરેલ હોવાથી આરોપી વિરૂધ્ધ ચેક રીટર્ન સબંધે અદાલતમાં ફરીયાદ દાખલ કરી રજુઆત કરવામાં આવેલ

કે, રેકર્ડ પરની હકીકતો તેમજ રજુ રાખેલ દસ્તાવેજી પુરાવા ઉપર થી સ્પષ્ટ ફલિત થાય છે કે, આરોપીએ ફરીયાદી પાસેથી બેંક ટુ બેંક રકમ મેળવી તે રકમ પરત કરવા ચેક આપી, તે પાસ થવા ન દઈ આરોપીએ ધી નેગોશીએબલ ઈન્સ્ટ્રુમેન્ટ એકટ હેઠળ ગંભીર પ્રકારનો ગુનો આચરેલ છે, જે રજુઆતો ધ્યાને લઈ આરોપી કવાડશીપ ટ્રાયમેક્સ પ્રા.લી. કંપની તથા તેના ડાયરેકટર અંકુર ધીરૂભાઈ ગમીત નાઓને કેસમા અદાલતમાં હાજર થવા સમન્સ ઈસ્યુ કરતો હુકમ ફરમાવવામાં આવેલ. ઉપરોક્ત કામમાં ફરીયાદી નેવીલ ઓવસીસના માલીક મોનીક લોઢીયા વતી રાજકોટના જાણીતા એડવોકેટ સુરેશ ફળદુ, ભુવનેશ શાહી, કુણાલ શાહી, રીપલ ગેવરીયા, પાર્થ સંઘાણી, જય પીઠવા તથા મદદમા યુવરાજ વેકરીયા, નીરવ દોંગા, પ્રીન્સ રામાણી, આર્યન કોરાટ, ભાવીન ખુંટ, અભય સભાયા તથા જસ્મીન દુધાગરા રોકાયેલ હતા.