અમદાવાદનું નરેન્દ્ર મોદી સ્ટેડિયમ પણ કોલ્ડપ્લે કોન્સર્ટ માટે નાનું પડયું : અઢી લાખ લોકોથી સ્ટેડિયમ ખચાખચ ભરાયું હતું
બ્રિટિશ બેન્ડ કોલ્ડપ્લેનો છેલ્લો કોન્સર્ટ રવિવારે અમદાવાદમાં યોજાયો હતો, જેમાં તેણે તેમનાં ભારતીય ચાહકોના દિલ જીતી લીધાં હતાં. કોન્સર્ટ દરમિયાન, બેન્ડનાં ફ્રન્ટમેન ક્રિસ માર્ટિને ‘વંદે માતરમ’ અને ’મા તુઝે સલામ’ ગાઇને 76માં ગણતંત્ર દિવસની શુભેચ્છાઓ પાઠવી હતી. શહેરનાં નરેન્દ્ર મોદી સ્ટેડિયમમાં યોજાયેલાં કોલ્ડપ્લે કોન્સર્ટમાં બે દિવસમાં અંદાજે 2 લાખ લોકો ઉપસ્થિત રહ્યાં હતાં. આટલી મોટી સંખ્યામાં લોકો ઉપસ્થિત રહ્યાં બાદ કોલ્ડપ્લેએ અમદાવાદનો આભાર માન્યો હતો. આ અંગે સોશિયલ મીડિયા પર પોસ્ટ પણ કરી હતી.
- Advertisement -
View this post on Instagramલાઈટિંગ , સાઉન્ડ અને અદભૂત એલ ઈ ડી ડિસ્પ્લે સાથે સ્પેશ્યલ ઇફેક્ટ અને ગ્રૂપના સિંગર શોને કોલ્ડપ્લેના આવનારાં નવાં આલ્બમ લવ એન્ડ ટ્રેપ ઉપરાંત લોકપ્રિય જૂના આલ્બમમાંથી ગીતો પસંદ કરીને માહોલ જમાવ્યો હતો. સાંજે સાડા છ સુધીમાં સ્ટેડિયમ સંપૂર્ણ ભરાઈ ગયું હતું અને ગ્રાઉન્ડમાં પણ ઊભાં રહેવાની જગ્યા બચી નહોતી. કાર્યક્રમ દરમિયાન અમદાવાદનાં હેરિટેજને રજૂ કરતી કોલ્ડપ્લેની ખાસ ટી શર્ટ રિલીઝ કરવામાં આવી હતી. શોન પછી સ્ટેજ પર આવેલી ઇલિયાના એ ’ કેમ છો અમદાવાદ કરીને એન્ટ્રી મારીને કોલ્ડપ્લેના સદાબહાર ગીતો જબરજસ્ત વોઇસ મોડયુલેસન અને ઓપેરા ટચ સાથે રજૂ કર્યા હતાં. ઉપરાંત સ્ટેડિયમમાં દરેકને આપવામાં આવેલાં 3ડી મેપિંગ ચશ્મા અને બ્લૂ ટૂથ પાસવર્ડ નિયંત્રિત એલ ઈ ડી રિસ્ટ બેન્ડને લીધે સ્ટેડિયમમાં દરેક જગ્યાએથી લાઈટિંગની અલગ જ આભા ઊભી થતી હતી.
કોલ્ડપ્લેના ’મ્યુઝિક ઓફ ધ સ્પિયર્સ વર્લ્ડ ટૂર’નો છેલ્લો કોન્સર્ટ 25 અને 26 જાન્યુઆરીએ અમદાવાદનાં નરેન્દ્ર મોદી સ્ટેડિયમમાં યોજાયો હતો. જેમાં તેણે પોતાનાં ભારતીય ચાહકોનું દિલ જીતી લીધું હતું. ક્રિસ માર્ટિને મધર ઈન્ડિયાને વંદન કરીને કોન્સર્ટનો અંત કર્યો અને દરેકને ગણતંત્ર દિવસની શુભેચ્છાઓ પાઠવી હતી. વાસ્તવમાં, કોન્સર્ટ દરમિયાન, બેન્ડનાં ફ્રન્ટમેન ક્રિસ માર્ટિને ‘વંદે માતરમ’ અને ’મા તુઝે સલામ’ ગાઈને તેમનાં ભારતીય ચાહકોને 76માં પ્રજાસત્તાક દિવસની શુભેચ્છાઓ પાઠવી હતી. ભારતમાં આ તેમનો છેલ્લો કોન્સર્ટ હતો, જેનાં ફોટા અને વીડિયો પણ સોશિયલ મીડિયા પર વાયરલ થઈ રહ્યાં છે.
- Advertisement -
ખાસ વાત એ છે કે, કોલ્ડપ્લેના ચાહકો જેઓ તેમનાં કોન્સર્ટનો હિસ્સો બની શક્યાં નહોતાં તેઓએ તેને ઓનલાઈન માણ્યો હતો. હા, કોલ્ડપ્લેની છેલ્લી કોન્સર્ટ ડિઝની પ્લસ હોટસ્ટાર પર લાઇવસ્ટ્રીમ કરવામાં આવી હતી. આ ઈવેન્ટમાં ક્રિકેટ ખેલાડી જસપ્રીત બુમરાહ ઉપરાંત અન્ય ઘણાં પ્રખ્યાત લોકોએ પણ ભાગ લીધો હતો. જેમ કે પાર્થિવ પટેલ, પ્રફુલ્લ દવે, ઈશાની દવે અને જીગ્નેશ મેવાણી પણ આ કાર્યક્રમમાં ઉપસ્થિત રહ્યાં હતાં.
