ખાસ-ખબર ન્યૂઝ જૂનાગઢ, તા.17
ભારતીય સેનાએ પાકિસ્તાન વિરુદ્ધ કરેલા ઓપરેશન સિંદૂર પછી પ્રવર્તમાન પરિસ્થિતિના અનુસંધાને ભારત સરકાર સમગ્ર દેશના નાગરિકોની સુરક્ષા માટે કટિબદ્ધ છે. ભારત સરકારના ખુ ઇવફફિિં પોર્ટલનો હેતુ દેશભરમાં મોટી આપત્તિઓ અને જાહેર કટોકટીના સમયે સ્થાનિક વહીવટી તંત્રને બચાવ, પ્રાથમિક સારવાર, સહિતની બાબતે મદદ કરવા માટે એક સ્વયંસેવક દળ બનાવવાનો છે.
- Advertisement -
જે અન્વયે જૂનાગઢ જિલ્લાના નાગરિકો તા. 17 થી 20 મે સુધી જૂનાગઢ જિલ્લાના તાલુકાના પોલીસ સ્ટેશન પર તેમજ ખુ ઇવફફિિં પોર્ટલ પર નાગરિકો નોંધણી કરાવી શકશે. જૂનાગઢ જિલ્લામાં સિવિલ ડિફેન્સ એટલે કે નાગરિક સંરક્ષણ સેવામાં વધુને વધુ નાગરિકોને સ્વયંસેવકો તરીકે જોડાવા માટે જૂનાગઢ જિલ્લા કલેકટરશ્રી અનિલકુમાર રાણાવસિયા દ્વારા અપીલ કરવામાં આવી છે. નાગરિક સંરક્ષણ સેવામાં રજીસ્ટ્રેશન કરાવનાર નાગરિકોને આવનાર દિવસોમાં આપત્તિ, જાહેર કટોકટીના સમયે સ્થાનિક વહીવટી તંત્રને બચાવ કામગીરીમાં મદદ, પ્રાથમિક સારવાર, ભીડ વ્યવસ્થાપન, ટ્રાફિક નિયમન અને જાહેર સલામતીમાં મદદ કરવા માટેની તાલીમ આપવામાં આવનાર છે. આ પહેલમાં જોડાવા અરજી ઓનલાઇન અને ઓફલાઈન એમ બંને પ્રકારે કરી શકશે. ઓનલાઇન અરજી માટે વિિંાંત://ળુબવફફિિ.ંલજ્ઞદ.શક્ષ. પર ઉપર ક્લિક કરી રજીસ્ટ્રેશન કરવાનું રહેશે. અરજી ફોર્મની તમામ વિગતો ભરવાની રહેશે. જયારે ઓફલાઈન અરજી નજીકના વિસ્તારના પોલીસ સ્ટેશનમાં જમા કરાવી શકાશે. જે અન્વયે તે વ્યક્તિ ભારતનું નાગરિક હોવો જોઈએ. 18 વર્ષની ઉંમર પૂર્ણ કરી હોવી જોઈએ. ઓછામાં ઓછું 4 ધોરણ પાસ હોવું જોઈએ. નિમણૂંક માટે પુરુષ અને સ્ત્રીઓ બંને પાત્ર રહેશે. નિવૃત સૈનિકો, એનસીસી, એનએસએસ કેડર, આપદા મિત્ર તથા સિક્યુરિટી સર્વિસમાં ભાગ લીધેલ હોય તેને પ્રાથમિકતાઓ આપવામાં આવશે.
