બ્રિટન શોકમાં ડૂબી ગયેલા લોકો સાથે દુઃખ અને એકતામાં ઉભું છે, આતંકવાદ ક્યારેય જીતી શકશે નહીં: ઋષિ સુનક

‘આતંકવાદીઓ માટે કોઈ મુક્તિ નથી’: યુકેના ભૂતપૂર્વ વડા પ્રધાન ઋષિ સુનકે ભારતના ઓપરેશન સિંદૂરને ‘યોગ્ય ઠેરવ્યું’

ભારતે 22 એપ્રિલના રોજ જમ્મુ અને કાશ્મીરના પહેલગામમાં થયેલા આતંકવાદી હુમલાનો બદલો લીધો છે. ભારતીય સશસ્ત્ર દળોએ પાકિસ્તાન અને પીઓકેમાં સ્થિત આતંકવાદી કેમ્પો પર મિસાઇલ હુમલા કર્યા છે. આ હુમલામાં લગભગ 100 આતંકવાદીઓ માર્યા ગયા છે. ભારતીય સેનાએ આ ઓપરેશનને ઓપરેશન સિંદૂર નામ આપ્યું છે. ભારતની આ કાર્યવાહી પર દુનિયાભરના નેતાઓની પ્રતિક્રિયા આવી રહી છે. ત્યારે બ્રિટનના ભૂતપૂર્વ વડા પ્રધાન ઋષિ સુનકે પણ આ મામલે ભારતને ટેકો આપ્યો છે.

ભારતનો આતંકવાદી કેમ્પો પર હુમલો યોગ્ય

બ્રિટનના ભૂતપૂર્વ વડા પ્રધાન ઋષિ સુનકે કહ્યું, “કોઈપણ દેશે બીજા દેશ દ્વારા કરાયેલો આતંકવાદી હુમલા સહન ન કરવા જોઇએ. ભારતનો આતંકવાદી કેમ્પો પર હુમલો યોગ્ય છે. આતંકવાદીઓને કોઈપણ પ્રકારની છૂટ આપી શકાય નહીં.

આતંકવાદ ક્યારેય જીતી શકશે નહીં

આ પૂર્વે ઋષિ સુનકે પહેલગામમાં થયેલા આતંકવાદી હુમલાની કડક નિંદા કરી હતી. ઋષિ સુનકે લખ્યું હતું કે- “પહલગામમાં થયેલા બર્બર હુમલામાં નવદંપતી, બાળકો અને ઉજવણી કરતા પરિવારોના જીવ ગયા છે. અમને દુ:ખ થયું છે. બ્રિટન શોકમાં ડૂબી ગયેલા લોકો સાથે દુઃખ અને એકતામાં ઉભું છે. આતંકવાદ ક્યારેય જીતી શકશે નહીં. અમે ભારત સાથે આ ઘટનાનો શોક વ્યક્ત કરીએ છીએ.”