મુસ્લિમ સમુદાયનાં પવિત્ર રમઝાન મહિનાના છેલ્લા દિવસોમાં વેપારીઓ દ્વારા જકાતનું વિતરણ કરતા દરમિયાન નાસભાગ મચી ગયા બાદ 85 લોકોના મોત
યમનની રાજધાની સનામાં થયેલી ભાગદોડમાં અનેકનાં મોત નિપજતા ચકચાર મચી ગઈ છે. વાત જાણે એમ છે કે, આ ઘટનામાં અત્યાર સુધી 85 લોકોના મોત થયા છે. આ સાથે 300થી વધુ લોકો ઘાયલ થયા છે. મહત્વનું છે કે, હુથી વિદ્રોહીઓના સત્તાવાર મીડિયાએ ગુરુવારે આ માહિતી આપી હતી. નોંધનીય છે કે, મુસ્લિમ સમુદાયનાં પવિત્ર રમઝાન મહિનાના છેલ્લા દિવસોમાં વેપારીઓ દ્વારા જકાતનું વિતરણ કરતા દરમિયાન નાસભાગ મચી ગયા બાદ આ ઘટના બની હતી.
- Advertisement -
યમનમાં ઈરાન સમર્થિત હુથી ચળવળ દ્વારા સંચાલિત મુખ્ય ટેલિવિઝન સમાચાર આઉટલેટ અલ મસિરાહ ટીવીએ સનામાં આરોગ્ય નિર્દેશકને ટાંકીને જણાવ્યું હતું ક, મૃતકો ઉપરાંત અન્ય ઘણા લોકો ઘાયલ થયા છે, જેમાંથી 13ની હાલત ગંભીર છે. હુથી-નિયંત્રિત આંતરિક મંત્રાલયના પ્રવક્તાએ એક નિવેદનમાં જણાવ્યું હતું કે, મુસ્લિમ પવિત્ર રમઝાન મહિનાના છેલ્લા દિવસોમાં જકાતનું વિતરણ કરતા વેપારીઓ દરમિયાન નાસભાગ મચી ગઈ હતી. પ્રવક્તાએ આ ઘટનાને ‘દુ:ખદ’ ગણાવી છે.
A stampede at an event to distribute financial aid in Yemen’s capital resulted in dozens of people being killed or injured, Houthi officials said, reports AP
— ANI (@ANI) April 19, 2023
- Advertisement -
ઝકાત શું છે ?
જકાત એક પ્રકારનું દાન છે. દરેક સક્ષમ મુસ્લિમ માટે દર વર્ષે તેની કુલ સંચિત સંપત્તિના 2.5 ટકા જકાત તરીકે ગરીબોમાં વહેંચવું ફરજિયાત છે. એક સમાચાર એજન્સીએ બચાવ કાર્યમાં સામેલ બે પ્રત્યક્ષદર્શીઓના હવાલાથી જણાવ્યું હતું કે, આ જકાત માટે સેંકડો લોકો એક શાળામાં એકઠા થયા હતા. અહીં દરેક વ્યક્તિને 5,000 યમની રિયાલ અથવા ભારતીય ચલણમાં લગભગ 1500 રૂપિયા મળવાના હતા.
શું કહ્યું આંતરિક મંત્રાલયે?
આંતરિક મંત્રાલયે એક અલગ નિવેદનમાં એમ પણ કહ્યું હતું કે, જકાત કાર્યક્રમનું આયોજન કરવા માટે જવાબદાર બે ઉદ્યોગપતિઓની અટકાયત કરવામાં આવી છે અને મામલાની તપાસ ચાલી રહી છે. હુથી-નિયંત્રિત ગૃહ મંત્રાલયે મૃતકોની ચોક્કસ સંખ્યા આપી નથી, પરંતુ જણાવ્યું હતું કે, જ્યારે કેટલાક વેપારીઓ જકાતનું વિતરણ કરતા હતા ત્યારે નાસભાગમાં ડઝનેક લોકો માર્યા ગયા હતા. હુથીના એક સુરક્ષા અધિકારીએ નામ જાહેર ન કરવાની શરતે જણાવ્યું કે, મૃતકોમાં ઘણી મહિલાઓ અને બાળકોનો સમાવેશ થાય છે.
Shocking images of the stampede that killed 78 people in #Sanaa #Yemen pic.twitter.com/OrfFNP0AUy
— Sami AL-ANSI سـامي العنسي (@SamiALANSI) April 20, 2023
સોશિયલ મીડિયા પર વાઈરલ થયો ઘટનાનો વીડિયો
સોશિયલ મીડિયા પર આ અકસ્માત સાથે જોડાયેલા ઘણા વીડિયો પણ પોસ્ટ કરવામાં આવ્યા છે, જેમાં એક મોટા કોમ્પ્લેક્સની અંદર જમીન પર મૃતદેહો પડેલા જોઈ શકાય છે અને આસપાસ એકઠા થયેલા લોકો બૂમો પાડી રહ્યા છે. જોકે આ વીડિયો આ ઘટના સાથે સંબંધિત છે તેની સ્વતંત્ર રીતે પુષ્ટિ થઈ શકી નથી.