જો બિડેન પ્રશાસને ચીનની હ્યુઆવેઇ ટેક્નોલોજીસ અને ઝેડટીઇના નવા ટેલિકોમ્યુનિકેશન સાધનોની મંજૂરી પર પ્રતિબંધ મૂક્યો
અમેરિકાએ ચીનની પ્રખ્યાત અને દિગ્ગજ ટેક કંપનીઓ પર મોટી કાર્યવાહી કરી હોવાનું સામે આવ્યું છે. વાત જાણે એમ છે કે, અમેરિકાએ ‘રાષ્ટ્રીય સુરક્ષા’ને ટાંકીને ચીનના ટેલિકોમ્યુનિકેશન સાધનો પર પ્રતિબંધ મૂક્યો છે. અમેરિકાએ ચીનની કંપની Huawei, ZTE સહિત પાંચ ચીની કંપનીઓ દ્વારા બનાવેલા સંદેશાવ્યવહારના સાધનોના વેચાણ પર પ્રતિબંધ મૂક્યો છે. સમાચાર એજન્સી રોઇટર્સના જણાવ્યા અનુસાર, જો બિડેન પ્રશાસને ચીનની હ્યુઆવેઇ ટેક્નોલોજીસ અને ઝેડટીઇના નવા ટેલિકોમ્યુનિકેશન સાધનોની મંજૂરી પર પ્રતિબંધ મૂક્યો છે કારણ કે તે યુએસની રાષ્ટ્રીય સુરક્ષા માટે ‘અસ્વીકાર્ય જોખમ’ છે.
- Advertisement -
યુએસ ફેડરલ કોમ્યુનિકેશન્સ કમિશન એટલે કે FCCએ શુક્રવારે કહ્યું, ‘આજે અમે નવા નિયમો અપનાવ્યા છે જે સંચાર સાધનોને યુનાઇટેડ સ્ટેટ્સમાં આયાત અથવા વેચાણ માટે અધિકૃત થવાથી રાષ્ટ્રીય સુરક્ષા માટે અસ્વીકાર્ય જોખમ માનવામાં આવે છે. આ નિયમ Huawei અને ZTE સિવાય ચીની સર્વેલન્સ ઇક્વિપમેન્ટ નિર્માતા Dahua Technology Co Ltd, વિડિયો સર્વેલન્સ ફર્મ Hangzhou Hikvision Digital Technology Co Ltd અને ટેલિકોમ ફર્મ Hytera Communications Corp Pvt Ltd દ્વારા બનાવેલા સાધનોના વેચાણ અથવા આયાત પર પ્રતિબંધ મૂકે છે.
મહત્વનું છે કે, અમેરિકાના આ નિર્ણયનો અર્થ એ છે કે, હવે આ પાંચ કંપનીઓ ન તો ચીનમાંથી સામાન ખરીદી શકે છે અને ન તો અમેરિકામાં વેચી શકે છે અને ન તો તેમના ઉત્પાદનોને અમેરિકામાં વેચાણ માટે મંજૂરી આપવામાં આવશે. અમેરિકાએ એવા સમયે ચીનની દિગ્ગજ ટેક કંપનીઓ પર નિશાન સાધ્યું છે જ્યારે ચીન સાથે તેના સંબંધો વધુ બગડી રહ્યા છે. યુએસને ડર છે કે, બેઇજિંગ અમેરિકનોની જાસૂસી કરવા માટે ચીની ટેક કંપનીઓનો ઉપયોગ કરી શકે છે.
શું કહ્યું FCCએ ?
- Advertisement -
FCCના અધ્યક્ષ જેસિકા રોસેનવોર્સેલએ એક નિવેદનમાં જણાવ્યું હતું કે,આ નવા નિયમો અમેરિકન લોકોને ટેલિકોમ્યુનિકેશન્સ સંબંધિત રાષ્ટ્રીય સુરક્ષાના જોખમોથી બચાવવા માટે અમારા ચાલુ કાર્યનો એક મહત્વપૂર્ણ ભાગ છે. જોકે હુવેઇએ અમેરિકાના આ પગલા પર ટિપ્પણી કરવાનો ઇનકાર કર્યો હતો. એટલું જ નહીં, JTE, દહુઆ, Hikvision અને Hyteraએ પણ આ અંગે ટિપ્પણી કરવાનો ઇનકાર કર્યો હતો.
નોંધનીય છે કે, માર્ચ 2021માં કહેવાતા ‘કવર લિસ્ટ’ (જે સાધનો અને સેવાઓ બંનેની યાદી આપે છે)એ યુએસ કોમ્યુનિકેશન નેટવર્કને સુરક્ષિત કરવાના હેતુથી 2019ના કાયદા હેઠળ પાંચ ચીની કંપનીઓ Huawei, ZTE, Hytera Communications Corp Hikvision અને Dahuaને રાષ્ટ્રીય સુરક્ષા માટે ખતરો જણાવવામાં આવ્યું હતું. આ પગલાને રિપબ્લિકન અને ડેમોક્રેટ્સ બંને દ્વારા સમર્થન આપવામાં આવ્યું છે. FCC જૂન 2021 થી આ તમામ કંપનીઓ માટે તમામ ઉપકરણ અધિકૃતતા પર પ્રતિબંધ મૂકવાનું વિચારી રહી હતી.
