અમેરિકન અને યુરોપિયન કંપનીઓ દ્વારા છોડી દેવાયેલા કારોબારને ભારતીય કંપનીઓને સોંપવામાં રસ
ખાસ-ખબર સંવાદદાતા
યુક્રેન સાથે ચાલી રહેલા યુદ્ધને કારણે ભારતને સસ્તું ક્રૂડ ઓઈલ વેચી રહેલા રશિયાએ વધુ એક મોટી ઓફર કરી છે. ખરેખર તો યુક્રેન સાથે લાંબા સમયથી ચાલી રહેલા યુદ્ધને કારણે ઘણી અમેરિકન અને યુરોપીયન કંપનીઓએ રશિયામાં તેમનો વ્યવસાય બંધ કરી દીધો છે. આવી સ્થિતિમાં રશિયા ઇચ્છે છે કે ભારતીય કંપનીઓ આ કંપનીઓ દ્વારા છોડી દેવામાં આવેલા બિઝનેસને ટેકઓવર કરે. અહેવાલ મુજબ રશિયાએ અમેરિકન અને યુરોપિયન કંપનીઓ દ્વારા છોડી દેવામાં આવેલા કારોબારને ભારતીય કંપનીઓને સોંપવામાં ભારે રસ દાખવ્યો છે. રશિયા ઈચ્છે છે કે ભારતીય કોર્પોરેટ કંપનીઓ આ ડીલ કરવા માટે સેન્ટ પીટર્સબર્ગ ઈન્ટરનેશનલ ઈકોનોમિક ફોરમમાં લાભ લે અને સૌથી ઝડપથી વિકસતા યુરોપિયન અર્થતંત્રમાં પોતાને સ્થાપિત કરે. આ મંચનું આયોજન 5 થી 8 જૂન 2024 દરમિયાન કરવામાં આવશે. ખરેખર તો રશિયા અને યુક્રેન વચ્ચે ચાલી રહેલા યુદ્ધમાં અમેરિકા સહિત ઘણા પશ્ર્ચિમી દેશોએ યુક્રેનનું સમર્થન કર્યું છે. રશિયાની અર્થવ્યવસ્થાને નબળી પાડવા માટે ઘણા પશ્ર્ચિમી દેશો રશિયા પર આર્થિક પ્રતિબંધો લાદી રહ્યા છે. રોસકોંગ્રેસ ફાઉન્ડેશનના ડેપ્યુટી ડાયરેક્ટર અને જઙઈંઊઋ ના ડિરેક્ટર એલેક્સી વાલ્કોવ કહે છે કે ઘણા એવા વ્યવસાયો છે જે યુરોપિયન અને અમેરિકન કંપનીઓએ તેમની સરકારોના દબાણને કારણે છોડી દીધા છે. સ્થાનિક રશિયન કંપનીઓ ઉપરાંત ચીનની કંપનીઓ પણ ટેકઓવર કરવા તૈયાર છે.
