અભિનેતા સલમાનખાનની ફિલ્મ ‘ટારગેટ-3’ની ફેન્સ આતુરતાથી રાહ જોઈ રહ્યા છે. આ ફિલ્મમાં સલમાનખાનના ધમાકેદાર એકશન જોવા મળશે. ફિલ્મની એકશન સિકવન્સને લઈને નવી જાણકારી બહાર આવી છે કે ફિલ્મમાં એકશન સિકવન્સ વર્લ્ડ ફેમસ એકશન ડાયરેકટર્સ તૈયાર કરશે.
દુનિયાના ત્રણ જાણીતા એકશન ડાયરેકટર- ફાન્ઝ સ્પિલહોસ, પરવેઝ શેખ અને યે-યોંગ ઓહ એક સાથે કામ કરશે. ‘ટાઈગર-3’ના નિર્માતા ફિલ્મની એકશન સિકવન્સને વધુ મનોરંજક બનાવવા માંગે છે, જેથી દર્શકોએ ‘પઠાન’માં જે જોયું છે એનાથી પણ જબરદસ્ત એકશન જોવા મળે. ઉલ્લેખનીય છે કે સલમાન અને શાહરુખ એકસાથે ‘ટાઈગર-3’માં જોવા મળશે. આદીત્ય ચોપરા અને નિર્દેશક મનીષ શર્મા ઈચ્છે છે કે આ ઐતિહાસિક એકશન સિકવન્સની અસર દર્શકો પર ‘પઠાન’થી શરૂ થાય.
