ત્રણ દિવસ કેમ્પમાં 79 દર્દીએ લાભ લીધો
ખાસ-ખબર ન્યૂઝ રાજકોટ
સાસ્કૃતિક, સામાજિક અને તબીબીક્ષેત્રમાં અગ્રેસર રહેનાર સરગમ ક્લબ શહેરમાં જયપુર ફૂટકેમ્પના રૂપમાં વધુ એક સેવાકેન્દ્ર ચલાવી રહેલ છે. સરગમ ક્લબ અને ઇન્ટરનેશનલ સિધ્ધાશ્રમ શક્તિ સેન્ટર (લંડન) રાજ રાજેશ્વર ગુરૂ સયુંકત ઉપક્રમે તા.1/08/2024 થી 3/08/2024 ના રોજ આ જયપુર કેમ્પ યોજાયેલ. આ કેમ્પમાં કુલ 79 દર્દીઓ એ લાભ લીધો જેમાં કેલીપર્સ નાં દર્દી 22 લેગ (પગ) નાં દદી 32 અને રીપેરીંગ 25 દર્દી વિનામૂલ્યે લાભ લીધો.
- Advertisement -
સરગમ કલબના પ્રમુખ ગુણવંતભાઈ ડેલાવાળા અને ઇન્ટરનેશનલ સિધ્ધાશ્રમ શક્તિ સેન્ટર (લંડન) રાજ રાજેશ્વર ગુરૂ એ જણાવ્યા અનુસાર, આ કેમ્પમાં જરૂરતમંદોને વિનામૂલ્યે કૃત્રિમ પગ બેસાડવામાં આવે છે.
આ કેમ્પમાં અમોને મુખ્ય સહયોગ ઇન્ટરનેશનલ સિધ્ધાશ્રમ શક્તિ સેન્ટર (લંડન) રાજ રાજેશ્વર ગુરૂ નો સહયોગ મળેલ છે. દર વર્ષે 1 જૂલાઈ ના રોજ ઇન્ટરનેશનલ સિધ્ધાશ્રમ શક્તિ સેન્ટર (લંડન) રાજ રાજેશ્વર ગુરૂ દ્રારા જયપુર ફૂટ કેમ્પ યોજાશે. આ કેમ્પની સફળતા માટે સરગમ ક્લબના પ્રમુખ ગુણવંતભાઈ ડેલાવાળા તેમજ ઇન્ટરનેશનલ સિધ્ધાશ્રમ શક્તિ સેન્ટર (લંડન) રાજ રાજેશ્વર ગુરૂ તથા કમાણી ફાઉન્ડેશનનાં માર્ગદર્શન હેઠળ યોજાયેલ. આ કેમ્પ ને સફળ બનાવવા માટે શ્રી દીપકભાઈ કમાણી, રશ્મિભાઈ કમાણી, કિશોરભાઈ પરમાર, જે.કે. સરાઠે તથા સરગમ કલબના કમિટી મેમ્બર પ્રફુલભાઈ મિરાણી, અનવરભાઈ ઢેબા, કનૈયાલાલ ગજેરા, તેમજ ચેતનાબેન સવજાણી, આશાબેન ભૂછ્ડા, મધુરિકાબેન જાડેજા, જયશ્રીબેન વ્યાસ, સુધાબેન દોશી, હર્ષાબેન પીઠડિયા, દિવ્યાબેન ઉમરાણીયા, હર્ષાબેન કથ્રેચા, નિશાબેન વડગામા, મિતલબેન ચગ, કૈલાશબા વાળા વગેરે જહેમત ઉઠાવી હતી. આ કેમ્પ માં રાજસ્થાનનાં ડોકટરો જગનલાલ ચોધરી, હેમંત શર્મા, તુફાનસિંહ તોમર વગેરે સેવા આપેલ આવનારા તમામ દર્દી ઓને વિના મુલ્યે ચા પાણી આપવામાં આવેલ. આગામી કેમ્પ તા.1/09/2024 નાં રોજ 3 દિવસ માટે યોજાશે.
