રેકોર્ડ બ્રેક એક સપ્તાહમાં અધધધ 55000 કરોડની ઓનલાઈન ખરીદી થઈ ગઈ!

ઈ-કોમર્સ પ્લેટફોર્મ એમેઝોન-ફ્લિપકાર્ટ પર ફેસ્ટિવલ સેલમાં ગ્રાહકો તૂટી પડ્યા: સૌથી વધુ મોબાઈલ-ઈલેક્ટ્રોનિક આઈટમોની ખરીદી

50%થી વધુ ગ્રાહકોએ EMI પર ખરીદી કરી: સ્માર્ટ ફોનનું 70% વેંચાણ

ખાસ-ખબર ન્યૂઝ નવી દિલ્હી, તા.11

આમ ભારતમાં મોંઘવારીએ માજા મૂકી છે. પણ આપણા ભારતીયો તહેવારોને માણવાનો કોઈ મોકો છોડતા નથી. ગમે તેવી મોંઘવારી હોય કે ગમે તેવી મંદી હોય ભારતીયોને તહેવાર ઉજવવા કશું જ નડતું નથી. હાલ એમેઝોન અને ફ્લિપકાર્ટ પર ફેસ્ટિવલ સીઝન સેલ ચાલતો હતો જેમાં ઓનલાઈન ખરીદીમાં પણ એક નવો રેકોર્ડ સર્જાયો છે. માત્ર એક સપ્તાહમાં જ ઈ-કોમર્સ પ્લેટફોર્મ એમેઝોન અને ફ્લિપકાર્ટ પરથી 55 હજાર કરોડ રૂપિયાથી વધુની ખરીદી થઈ છે. જે ગયા વર્ષની સરખામણીમાં 26% વધારે છે, જેમાં મોબાઈલ ફોન, ઈલેક્ટ્રોનિક્સ, ક્ધઝ્યુમર ડ્યુરેબલ્સ, હોમ અને સામાન્ય વેપારી વસ્તુઓનો કુલ વેંચાણ.ત્રણ-ચતુર્થાંશ હિસ્સો છે. ઈકોમર્સ ક્ધસલ્ટન્સી ડેટમ ઈન્ટેલિજન્સે જણાવ્યું હતું કે, 26 સપ્ટેમ્બરથી શરૂ થતા સપ્તાહમાં વેંચાણ આ વર્ષે તહેવારોના સમયગાળામાં અપેક્ષિત કુલ ઈકોમર્સ વેંચાણના લગભગ 55% જેટલું છે.

ઈ-કોમર્સ પ્લેટફોર્મ પર વેંચાણનું સૌથી મોટું કારણ સ્માર્ટફોનના વેંચાણમાં વધારો હતો. 30 હજાર રૂપિયાથી વધુની કિંમતના ફોનમાં સારૂં વેંચાણ થયું હતું. તે જ સમયે, ગ્રાહકોને આવા ફોન પણ પસંદ આવ્યા જે કંપનીઓ ભારે ડિસ્કાઉન્ટ પર વેચી રહી છે. આઇફોનના નવા મોડલ્સના લોન્ચિંગ સાથે, જૂના મોડલ્સના ભાવમાં પણ ઘટાડો થયો, જેના કારણે વેંચાણમાં વધારો થયો.

ડબલ-ડોર રેફ્રિજરેટર્સ અને સ્માર્ટ ટીવીના વેંચાણમાં પણ વધારો જોવા મળ્યો છે. અડધાથી વધુ ખરીદદારોએ ઊખઈં ચૂકવણીનો વિકલ્પ પસંદ કર્યો.
એમેઝોને અહેવાલ આપ્યો છે કે લગભગ 70% પ્રીમિયમ સ્માર્ટફોન વેંચાણ ટાયર-2 અને ટાયર-3 શહેરોમાંથી આવે છે. એમેઝોન પર જયારે એમેઝોન ગ્રેટ ઈન્ડિયન ફેસ્ટિવલ 2024 શરૂ થયો, ત્યારે માત્ર 48 કલાકમાં એક નવો રેકોર્ડ બન્યો. એમેઝોન અનુસાર, પ્રથમ 48 કલાકમાં એમેઝોનમાં 11 કરોડ નવા ગ્રાહકો જોડાયા હતા. આમાંથી 80% ગ્રાહકો ટિયર 2 શહેરો અને નાના શહેરોના હતા. આ એક સપ્તાહમાં વેચાયેલા તમામ સ્માર્ટફોનમાંથી 75 ટકાથી વધુ ગ્રાહકો ટાયર 2 અને ટાયર 3 શહેરોના હતા. આ તહેવારોની સિઝન દિવાળી સુધી ચાલુ રહેશે. આવી સ્થિતિમાં, ઓનલાઈન વેંચાણ 23% વધવાની ધારણા છે. આવી સ્થિતિમાં વેંચાણનો આંકડો 1 લાખ કરોડની આસપાસ પહોંચી જશે. ગયા વર્ષે વેંચાણમાં 16%નો વધારો થયો હતો જે 81 હજાર કરોડ રૂપિયા હતો.
19 સપ્ટેમ્બરના રોજ, ઊઝ એ અહેવાલ આપ્યો હતો કે ઈકોમર્સ પ્લેયર્સ અને ઓનલાઈન વેંચાણ કરતા બ્રાન્ડ્સ આ તહેવારોની સિઝનમાં ગ્રોસ મર્ચેન્ડાઈઝ વેલ્યુમાં 12 બિલિયન ડોલરની અપેક્ષા રાખે છે, જે ગયા વર્ષના લગભગ 9.7 બિલિયન ડોલર કરતાં 23% વધુ છે. ઈકોમર્સ ભાષામાં, ૠખટ એ ઓનલાઈન માર્કેટપ્લેસ પર એકંદર વેંચાણ છે.

ઉદ્યોગના આંતરિક સૂત્રોએ જણાવ્યું હતું કે ઓનલાઈન શોપર્સ – જેમાં નાના નગરો અને શહેરોના મોટા ભાગનો સમાવેશ થાય છે – ઘણા ઊખઈં ચૂકવણીઓ પસંદ કરીને ઊંચી સરેરાશ વેંચાણ કિંમત સાથે ઉત્પાદનો ખરીદે છે. કેટલીક બ્રાન્ડ્સે જણાવ્યું હતું કે તેઓ પુરવઠાની સમસ્યાઓ વિશે ચિંતિત છે કારણ કે માંગ તેમની અપેક્ષા કરતાં વધુ છે.

ઈકોમર્સ કંપની વોલમાર્ટની માલિકીની ફિલપકાર્ટ અને એમેઝોન ઈન્ડિયાએ 26 સપ્ટેમ્બરથી તેમના લોયલ્ટી પ્રોગ્રામ્સ એમેઝોન પ્રાઇમ અને ફિલપકાર્ટ પ્લસના સબ્સ્ક્રાઇબર્સ માટે વહેલા પ્રવેશ સાથે 27 સપ્ટેમ્બરના રોજ તેમના વાર્ષિક તહેવારોની સીઝનના વેંચાણ-બિગ બિલિયન ડેઝ અને ગ્રેટ ઈન્ડિયન ફેસ્ટિવલની શરૂઆત કરી હતી. ફિલપકાર્ટે જણાવ્યું હતું કે કંપની તે જ દિવસે અને બીજા દિવસે ડિલિવરીનો વિસ્તાર કરતી વખતે તમામ પિન કોડમાં ઝડપી ડિલિવરી પર પૂરતુ ધ્યાન કેન્દ્રિત કરી રહી છે.