જૂનાગઢ અને પશ્ર્ચિમ બંગાળની ઘટના મુદ્દે મેડિકલ એસો.નો આક્રોશ
પ્રતીકાત્મક હડતાલ પાડી સલામતીની માંગ કરતુ મેડિકલ એસોસિએશન
ડોકટર પર થતા અત્યાચાર સામે કડક હાથે કામગીરી કરી સજા આપવાની માંગ
ખાસ-ખબર ન્યૂઝ જૂનાગઢ, તા.17
- Advertisement -
પશ્ચિમ બંગાળમાં ગત તા. 9ના આર.જી.કર મેડીકલ કોલેજમાં એક મહિલા તબીબ પર દુષ્કર્મ ગુજારીને તેની હત્યા કરવાના અત્યંત નિર્દયી અપરાધ સામે દેશભરના લોકોમાં આક્રોશ છે ત્યારે આ ઘટનાના વિરોધમાં સૌરાષ્ટ્રમાં ઘેરા પ્રત્યાઘાતો પડ્યા છે ત્યારે જૂનાગઢ સહિત સોરઠ પંથકમાં મેડીકલ એસોસીએશન સહિતના હોસ્પિટલોના ડોકટરોમાં રોષ જોવા મળ્યો હતો. ત્યારે જૂનાગઢની સિવિલ હોસ્પિટલમાં બનેલ બનાવ અને પશ્ર્ચીમ બંગાળમાં બનેલી જધન્ય ઘટનાને લઇને જૂનાગઢ મેડીકલ એસોસીએશન સાથે અન્ય સંસ્થાઓ દ્વારા એક વિશાળ રેલી યોજી કલેકટરને આવેદનપત્ર આપવામાં આવ્યુ હતુ.
પશ્ર્ચિમ બંગાળમાં બનેલી ગેંગરેપ અને મર્ડરની ઘટનાના દેશભરમાં ઘેરા પ્રત્યાઘાતો પડ્યા છે. ત્યારે જૂનાગઢ મેડીકલ એસોસીએશનના પ્રમુખ એન.એમ.લાખાણી તથા આયુર્વેદીક તબીબો, સિવિલ હોસ્પિટલ ડોકટર અને નરસિંગ સ્ટાફ સાથે હોમિયોપેથીક તેમજ ડેન્ટલ એસોસીએશનના તમામ ડોકટરોએ આજે સવારે 6 વાગ્યાથી કાલ સવારે 6 વાગ્યા સુધી ર4 કલાકની પ્રતિકાત્મક હડતાળ પાડીને આજે વિશાળ રેલી યોજી હતી અને જૂનાગઢની ઘટના અને પશ્ર્ચિમ બંગાળની ઘટનાને વખોડીને કલેકટરને એક આવેદનપત્ર આપી રોષ વ્યકત કર્યો હતો. જેમાં રાજ્યસરકાર દ્વારા એક એવો કાયદો લઇ આવે કે, જેનાથી ભવિષ્યમાં હોસ્પિટલમાં સેવા આપનાર ડોકટરો પર થતા વારે વારે હુમલામાં ડોકટરોની સલામતી માટે ખાસ જોગવાઇ કરીને સલામતી અને રક્ષણ મળે તેવી તમામ ડોકટરોએ માંગ કરી હતી.
જૂનાગઢ મેડીકલ એસોસીએશનના નેજા હેઠળ આજે તમામ હોસ્પિટલોમાં મેડીકલ કાર્ય બંધ રાખવામાં આવ્યુ હતુ. જ્યારે ઇમરજન્સી માટે અનેક હોસ્પિટલમાં કાર્ય શરૂ રાખવામાં આવ્યુ હતુ. ત્યારે મેડીકલ એસોસીએશન સાથે શહેરની અન્ય મેડીકલ સંસ્થા આ હડતાળમાં જોડાયા હતા.
સવારે એક ડોકટરોની બેઠક મળી હતી. જેમાં જૂનાગઢની સિવિલ હોસ્પિટલમાં બનેલી ઘટના અને પશ્ર્ચિમ બંગાળમાં બનેલી બંને ઘટના બાબતે રોષ પ્રગટ કરી શકત શબ્દોમાં વખોડી રાઢવામાં આવેલ હતુ. મેડીકલ એસોસીએશનના પ્રમુખ એન.એમ.લાખાણીએ જણાવ્યુ હતુ કે, ડોકટરો ઉપર થતા હુમલા અને અત્યાચાર મામલે મેડીકલ એસોસીએશનમાં રોષ ફેલાયો છે. જયારે ડોકટરે પોતાની તમામ જીવન લાઇફ છોડીને દર્દીઓની સેવાભાવના સાથે કર્તવ્ય નિભાવે છે. ત્યારે દેશમાં અને રાજ્યમાં જે રીતે ડોકટરો ઉપર થતા હુમલા મામલે રાજ્ય સરકારે કડક કાયદાની અમલવારી કરવી જોઇએ અને ડોકટરોને પુરતી સલામતી આપવી જોઇએ તેવી માંગ સાથે રેલી યોજાઇ હતી. જેમાં કોલકતામાં ડોકટર મોમીતા સાથે ગેંગરેપ અને મર્ડરની ઘટના મામલે સમગ્ર દેશ સાથે જૂનાગઢમાં પણ આક્રોષ જોવા મળ્યો હતો અને વી-વોન્ટ જસ્ટીશના નારા સાથે એક ડોકટરોની વિશાળ રેલી યોજાઇ હતી. જેમાં તમામ મેડીકલ એસોસીએશનના ડોકટરો તેમજ સ્ટાફ જોડાયેલ હતો અને જૂનાગઢ જિલ્લા કલેકટર કચેરી ખાતે એક આક્રોષ સાથે લેખીતમાં આવેદન આપવામાં આવ્યુ હતુ અને ડોકટરોની સલામતી માટે કડક કાયદો બનાવી તેની અમલવારી તાત્કાલીક થાય તેવી માંગ કરી હતી.