જૂના રેડિયો અલ્ટીમેટર 5G-C બેન્ડને ઓળખી શકતા નથી
ખાસ-ખબર સંવાદદાતા
અમેરિકામાં અત્યારે ફ્લાઈટ મોડી પડી રહી છે જેનું કારણ 5G નેટવર્ક છે. અમેરિકાના ટ્રાન્સપોર્ટેશન સેક્રેટરી વિમાનોમાં જ્યાં સુધી અપડેટેડ રેડિયો અલ્ટીમેટર લગાવશે નહીં ત્યાં સુધી આ મુશ્ર્કેલી રહેશે. જૂના અલ્ટીમેટર 5G-ઈ બેન્ડને ઓળખી શકતા નથી. તેમણે કહ્યુ કે 1 લી જુલાઈથી આ સમસ્યા વધવાની શક્યતા છે. તેમણે કહ્યુ, ફ્લાઈટ મોડી પડવી અને કેન્સલ થવાનું રિસ્ક વધી ગયુ છે. આ ગરમીઓમાં આ એક મોટી સમસ્યા બની શકે છે.
- Advertisement -
ઉડ્ડયન સુરક્ષા અધિકારીઓનું કહેવુ છે કે 5G સિગ્નલ ડિવાઈસને ભ્રમિત કરી દે છે. આનાથી વિમાન અને પૃથ્વીની વચ્ચેનું અંતર નક્કી કરવામાં મુશ્ર્કેલીનો સામનો કરવો પડે છે. ખરાબ હવામાન દરમિયાન લેન્ડિંગ માટે આ રીડિંગનો ઉપયોગ કરવામાં આવે છે. જોકે વાયરલેસ કંપનીઓએ આ દાવાને ફગાવી દીધો છે. 2020ની શરૂૂઆતમાં પણ આ પ્રકારની મુશ્ર્કેલીનો સામનો કરવો પડ્યો હતો અને ઘણી ફ્લાઈટ રદ કરવી પડી હતી. તે સમયે પણ વાયરલેસ કંપનીઓ નવા સિગ્નલને લોન્ચ કરી રહી હતી.
અમેરિકી સરકારની એજન્સીઓ સેટેલાઈટ ટીવી માટે ઉપયોગ થતા બેન્ડનો ઉપયોગ 5G ટેકનિકમાં કરવા પર મુશ્ર્કેલી વ્યક્ત કરે છે. વેરિઝોન અને અઝઝ કંપનીએ મળીને આને રાઈટ ખરીદ્યા છે. એફએએ એ કહ્યુ હતુ કે 5G ઈ બેન્ડ સ્પેક્ટ્રમ વિમાનોના અલ્ટીમીટરને પ્રભાવિત કરી શકે છે. આનાથી લેન્ડિંગમાં મુશ્ર્કેલી થઈ શકે છે. 2015માં પણ આ પ્રકારની ચર્ચા થઈ હતી. જે બાદ 50 એરપોર્ટ નજીક આ પ્રકારના સિગ્નલને બેન કરવામાં આવ્યા હતા. જોકે હવે 1 જુલાઈ બાદથી અલ્ટીમીટરને અપડેટ કરવાની જરૂૂર હશે.
અમેરિકન એરલાઈન, સાઉથ વેસ્ટ એરલાઈન અને ફ્રંટિયર એરલાઈને અલ્ટીમીટર અપડેટ કરાવ્યા છે તેથી તેમને મુશ્ર્કેલીનો સામનો કરવો પડી રહ્યો નથી. જોકે ડેલ્ટા, જેટબ્લૂએ સ્વીકાર કર્યો છે કે તેમના ઘણા બધા વિમાન હજુ અપડેટેડ અલ્ટીમીટરથી લેસ નથી.
