શિવસેનાના સોંરાષ્ટ્રના જિલ્લા પ્રમુખ તરીકે ચંદુભાઈ પાટડીયા નિમણૂંક

 ગુજરાત પ્રભારી જિમ્મી અડવાણીએ તમામને અભિનંદન પાઠવ્યા
ખાસ-ખબર સંવાદદાતા
રાજકોટ અને સૌરાષ્ટ્રના શિવસેનાના હોદેદારોની ગુજરાતના પ્રભારી જીમ્મી અડવાણીએ જાહેરાત કરી છે.
તાજેતરમાં શિવસેનાના મુખ્ય નેતા અને મહારાષ્ટ્રના મુખ્યમંત્રી એકનાથ શિંદે દ્વારા રાજકોટના જીમ્મીભાઇ અડવાણીને શિવસેના (બાળા સાહેબકી)ને ગુજરાત રાજયના પ્રભારી તેમજ સતીષ આર.પાટીલને ગુજરાત રાજય પ્રમુખ તેમજ સુરેશભાઇ રાવલને ગુજરાત પ્રદેશ પ્રમુખ તરીકે જાહેરાત કરીને નિયુકિત કરાયા હતા. આ અંતર્ગત જીમ્મીભાઇ અડવાણી દ્વારા સંગઠનને મજબૂત બનાવવાની નેમ અને લોકપ્રશ્નોને વાચા આપવાના નેમ સાથે સૌરાષ્ટ્રના સંયોજક તરીકે જયપાલસિંહ જાડેજા તેમજ રાજકોટ જિલ્લા પ્રમુખ તરીકે ચંદુભાઇ પાટડીયા, જિલ્લા ઉપપ્રમુખ તરીકે સંજયભાઈ ટાંક, જિલ્લા ઉપપ્રમુખ તરીકે નિલેશભાઇ ચૌહાણને હોદેદાર તરીકે જાહેર કરાયા હતા. આ સાથે વધુમાં તેઓએ જણાવ્યું હતું કે સૌરાષ્ટ્રના પાટનગર રાજકોટ ખાતેથી સંગઠનની મુહિમ ચલાવશે અને તમામ જિલ્લાઓ અને તાલુકાઓ સાથે ગામે ગામ શિવસેનાનો ભગવો લહેરાવશે.