– દિલ્હીમાં યલો અલર્ટ જાહેર
આગામી 24 કલાક દરમિયાન ઉત્તર પશ્ચિમ અને મધ્ય ભારતના તાપમાનમાં 2થી 3 ડિગ્રીનો ઘટાડો થઈ શકે છે. રાજસ્થાન, હરિયાણા, ઉત્તર પ્રદેશ, દિલ્હીના કેટલાક ભાગોમાં કોલ્ડ વેવની સ્થિતિ સર્જાઈ શકે છે. ચાલો જાણીએ દેશભરમાં હવામાનની સ્થિતિ.
- Advertisement -
દિલ્હી-NCR સહિત ઉત્તર ભારતના રાજ્યોમાં છેલ્લા કેટલાક દિવસોથી ઠંડીથી રાહત મળી છે, પરંતુ ફરી એકવાર કડકડતી ઠંડી પાછી આવે તેવા એંધાણ છે. હવામાન વિભાગના જણાવ્યા અનુસાર, દિલ્હીથી લઈને UP સુધીના ઘણા રાજ્યોમાં ધુમ્મસ અને ઠંડીનો ડબલ એટેક થવાનો છે. હવામાનશાસ્ત્રીઓના મતે લઘુત્તમ પારો બેથી ત્રણ ડિગ્રી સુધી નીચે જઈ શકે છે.
Delhi | People light up bonfires to find respite from the prevailing cold wave conditions in the national capital. Visuals from ITO area
As per IMD, Delhi will witness a minimum temperature of 4.7°C today pic.twitter.com/FJA7Thbtnd
- Advertisement -
— ANI (@ANI) January 15, 2023
ગુજરાત સહિત આ રાજ્યોમાં તાપમાનમાં થયો ઘટાડો
દેશના ઘણા રાજ્યો આ દિવસોમાં કડકડતી ઠંડીનો સામનો કરી રહ્યા છે. જમ્મુ-કાશ્મીર, હિમાચલ પ્રદેશ, પંજાબ, હરિયાણા, રાજસ્થાન, ગુજરાત, મધ્ય પ્રદેશના પશ્ચિમી ભાગો અને ઉત્તર મધ્ય મહારાષ્ટ્રમાં તાપમાનમાં વધુ ઘટાડો થયો છે. જો દેશની રાજધાની દિલ્હીની વાત કરીએ તો ગાઢ ધુમ્મસ અને કોલ્ડવેવને કારણે ટૂંક સમયમાં જ તીવ્ર ઠંડીનો પ્રકોપ વધી શકે છે.
આગામી 24 કલાકનું હવામાન
હવામાન આગાહી એજન્સી સ્કાયમેટના જણાવ્યા અનુસાર, આગામી 24 કલાક દરમિયાન ઉત્તર પશ્ચિમ અને મધ્ય ભારતના તાપમાનમાં 2 થી 3 ડિગ્રીનો ઘટાડો થઈ શકે છે, જેના કારણે રાજસ્થાનના કેટલાક વધુ ભાગો અને હરિયાણાના કેટલાક ભાગોમાં કોલ્ડવેવની સ્થિતિ સર્જાઈ શકે છે. કર્ણાટકના આંતરિક ભાગો અને હિમાચલ પ્રદેશના ભાગોમાં પણ શીત લહેર જોવા મળી શકે છે. પશ્ચિમ હિમાલય પર ચાલુ વરસાદ અને હિમવર્ષાની ગતિવિધિઓ બંધ થઈ જશે, અરુણાચલ પ્રદેશમાં હળવો વરસાદ અને બરફ પડી શકે છે.
